Marki 13:10 - Gourmanchéma Bible

¹⁰ Ama hali ke mi juodima daa cua, li tie tiladi o Laabaaliŋamo n kpa pundi i nibuoli kuli nni.

U TIENU MAAMA TILI 2013

¹⁰ Ama hali ke mi juodima daa cua, li tie tiladi o Laabaaliŋamo n kpa pundi i nibuoli kuli nni.

Marki 13:10 ပူးပေါင်းရင်းမြစ်များ

Matie 12:41

Ninife dogu yaaba moko baa taani ki fii ki sedi leni moala na niba ti buudi daali ki bu ki cuo ba, kelima Jonasa n den waani ba U Tienu maama, bi den lebidi bi yama. Ama moamoani, yua n cie Jonasa ye ne.

Matie 24:14

*U Tienu diema Laabaaliŋamo na da baa kpa pundi ŋanduna kuli nni, ki tua siedi i nibuoli kuli po. Lani yaa pendi mi juodima baa cua.

Marki 16:15

Lani o den yedi ba: «Gedi mani ŋanduna nni kuli ki ban yaa wangi bi niba kuli o Laabaaliŋamo.

LOMA YAABA 1:8

N kpa tuondi n Tienu yikuli po, Jesu Kilisiti yaa yeli nni, kelima bi maadi yi *dandanli maama ŋanduna nni kuli.

LOMA YAABA 10:18

To, n buali line, naani baa gbadi u tondu bi? Bi gbadi saa. Li diani: «Bi niali yayadi ki tinga nni kuli, Bi maama mo yayadi hali ŋanduna banlu kuli.»

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jelusalema, ki yuandi ki wangi li maama i kaani kuli hali ki ban gaani ki pundi Ilili diema.

Kolosi 1:23

Li baa tie yeni ke yi n yaa se bonŋanla yaa tanpuuli n pa po kelima yi dandanli po, ki naa lebidi ki ŋa o Laabaaliŋamo suginma, yin den baa yaama. Bi waani ŋanduna yaaba kuli o Laabaaliŋamo yeni, mini Polo mo n tua yua yaa naacemo.

Kolosi 1:6

Laa laabaaliŋamo pundi yikani ki yayadi ŋanduna nni kuli ki luoni o bonluonkaala ki yabidi ki pugidi. Li tie yeni yi siiga hali yin den gbadi o yaa daali ki bandi U Tienu ŋanbili n tie yaala moamoani.

Mi Doagidima 14:6

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli ki baa wangi ki tinga nni yaaba kuli, mi diema, i mabuoli leni i nibuoli yaaba kuli.