Marki 10:14 - Gourmanchéma Bible

¹⁴ Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima *U Tienu diema tie yaaba n tie nani a biwaala ne po yo.

U TIENU MAAMA TILI 2013

¹⁴ Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima U Tienu diema tie yaaba n tie nani a biwaala ne po yo.

Marki 10:14 ပူးပေါင်းရင်းမြစ်များ

Mi cilima 17:7

N baa kuani n ŋantaado leni fini leni a puoliŋuani nifiima nni kuli. Li baa yaa tie yaa ŋantaado kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

Pisomi 78:4

Ti kan wuoni bi bila laa bonla. Ti baa togidi yaa nifiima n ŋua Li Miali Diedo kpiagidi, O paaciamu leni wan tieni yaa bancianma.

Esayi 65:23

Bi kan go yaa faligidi bi yula fanma fanma. Bi kan go bandi bikuuma, Kelima bi baa tie Li Miali Diedo n seligi yaa niba yaa puoliŋuani, Bi bila mo n yaa ye leni ba.

Mi Coadima 14:31

Yi yaabila, yaaba yaa po po ke yi yedi: Bi baa tua bonjekaala. N baa teni bane n kua ki go bandi yin den fali yaa diema yeni.

Matie 18:10

Fangi mani yi yula ki da fali a bonwaala na siiga baa yendo, kelima n yedi yi ke tanpoli po bi malekinba ye Baa yua n ye tanpoli nintuali yogunu kuli. [

Matie 18:4

Yua n miini o yuli ki tua nani yaa biwaaga n tie na kuli, wani n baa tugi li yuli tanpoli diema nni.

Matie 19:14

Ama Jesu den yedi: «Cedi mani a biwaala n cua n kani ki da deli ba, kelima tanpoli diema tie yaaba n tie nani a biwaala yene yaa po.»

Matie 5:10

Li pamanli ye leni ban wangi yaaba fala kelima mi teginma po, kelima tanpoli diema tie bi yaa yaala.

Matie 5:3

«Li pamanli ye leni yaaba n pia li yumiinli, kelima *tanpoli diema tie bi yaama.

Marki 3:5

Jesu pali den biidi boncianla kelima bi pajuaga po, ke o diidi ki lindi ba leni li pabienli, ki yedi o ja yeni: «Tandi a nuu.» O den tandi u ke u paagi.

Marki 8:33

Ama Jesu den jigidi ki diidi yaa ŋoadikaaba n sieni, ki funi leni Pieli ki yedi: «Ña n puoli, Sutaani, kelima a yantiana naa tie U Tienu yaa yaa, ama bi nisaaliba yaa yantiana.»

Jan n diani U Tienu Laabaaliŋamo maama 3:3

Jesu den goa ki yedi o: «N yedi a i moamoani, o nilo yaa mali milie, o kan fidi ki le *U Tienu diema.»

Jan n diani U Tienu Laabaaliŋamo maama 3:5

Jesu den goa ki yedi o: «N yedi a i moamoani, o nilo yaa mali mi ñima leni U Tienu Fuoma Yua po, o kan kua U Tienu diema nni.

Jesu Tondiba Tuona 2:39

Kelima U Tienu ñoanianu yeni tie yinba yaa po leni yi bila yaa po, ki go tie yaaba n ye hali foagima yaa po, o Diedo ti Tienu n baa yini yaaba kuli.»

Jesu Tondiba Tuona 3:25

U Tienu n den teni ke o sawalipuaba maadi yaa maama yeni tie yinba yaa po. Wan go den kuani yaa *ŋantaado leni ti yaajanba moko tie yinba yaa po. O ŋantaado yeni tie wan den kuani yua leni Abalahama ki yedi o: ‹Ŋanduna nibuoli kuli n baa li seli li kelima a puoliŋuani yaa po.›

LOMA YAABA 11:16

A yaa buuni ti yonbudi ki yidi waamu ki puni U Tienu nani li bonluonka-kpiala yeni, yaadi n sieni moko gagidi U Tienu po. Bu tibu jiinu yaa gagidi U Tienu po, bu beni moko gagidi opo.

LOMA YAABA 11:28

A yaa kpaagi Isalele buolu yaaba n yie o Laabaaliŋamo maama, bi tie U Tienu yibalinba yinba bi nilanba yaa ŋamu po. Ama a yaa kpaagi U Tienu gandima po, bi tie U Tienu buakaaba kelima bi yaajanba po.

1 Korenti 14:20

N kpiiba da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni yin yaa tie nani bi nikpeliba yeni.

1 Korenti 7:14

Kelima yaa calo n ki daani baa mi gagidiŋanma kelima o pua po. Yaa pua n ki daani mo baa mi gagidiŋanma kelima o calo po. Lani yaaka yi bila bi baa *joagini, ama lan tie maama yeni, bi gagidi.

Efesa 4:26

Yi pala yaa fii, yin da tieni ti *tuonbiadi, ki da tuo mani u yienu n kua ke yi pala daa kuugi.

Mi Tiadima 4:37

O den bua yi baanba, ki gandi bi puoliŋuani bi puoli po. Li tie lani yaa po yo ke wani oba cua ki ñani yi Ejipiti nni leni o paaciamu.

2 Timote 1:5

N go tuondi U Tienu kelima n tiadi a dandanmoanli po, a yaa Lowisa leni a naa Yunisa n den kpa pia yaa *dandanli buolu, n bani cain ke a moko pia laa dandanli.

2 Timote 3:15

Hali a biwaama nni a bani i Diani, yi n gagidi ki fidi ki puni a mi yanfuoma mi *tindima po kelima li dandanli Jesu Kilisiti nni yaa po.

Josue 8:35

Josue den cogi bipo Musa n den bili yaa ñoabonbilikaana kuli. Waa den ŋa baa mayenma kaa cogi ma Isalele yaaba nitaanli po, bi jaba leni bi puoba leni a bila leni yaa nilanba n den ye bi siiga kuli.

1 Pieri 2:2

Nani a canpanda n bua mi biima maama, yi mo n yaa bua mani yaa naaŋanma n tie U Tienu maama, yaama n ŋani cain ke yin kpedi mi *tindima nni kelima mi yaa po.

Mi Doagidima 14:5

Faamaba kuli ki den ye bi ñoana nni, baa pia ban baa fidi ki kuli ba leni yaala.

1 Samueli 1:11

O den niani li nianli ki yedi: «Li Miali Diedo U Paaciamu Kuli Daano, a yaa tuo ki diidi mini a yonbo fala, a yaa tiadi kaa sundi npo, a yaa puni mini a yonbo bonjaga, n baa goa ki pa o fini Li Miali Diedo hali o miali dana kuli. Pengu kan maani o yuli po.»

1 Samueli 1:22

Ama Ana wani ki den gedi. O den yedi o calo: «N yaa babidi ki biga n baa gedini o wan ban sedi Li Miali Diedo nintuali ki di yaa ye lankani hali yaa yogunu kuli.»