Marki 1:27 - Gourmanchéma Bible

²⁷ Li den paki yaaba n ye likani kuli ke bi buali biyaba: «Line tie be? Li tie bangipanma. O maadi leni li bali ki tendi ke baa mu cicibiadimu tiendi wan yedi yaala.»

U TIENU MAAMA TILI 2013

²⁷ Li den paki yaaba n ye likani kuli, ke bi buali biyaba: «Line tie be? Li tie bangipanma. O maadi leni li bali ki tendi ke ba mu cicibiadimu tiendi wan yedi yaala.»

Marki 1:27 ပူးပေါင်းရင်းမြစ်များ

Luki 9:1

Jesu den yini ki taani bi piiga n niliediba ki puni ba u paalu leni li bali ban yaa paani mu cicibiadimu kuli ki go paagidi bi niba ban yia yaa yianbuoli kuli.

Marki 7:37

Li den paki ba hali hali boncianla ke bi den tua: «O bontienkaala kuli ŋani. O tendi baa ke a woma gba ke a muula mo maadi.»

Matie 15:31

Ku niligu n den laa ke a muula maadi, ke a tadima paagi, ke a diama cuoni, ke a juama mo noadi, li den paki ba ke bi kpiagi Isalele yaaba Tienu.

Matie 9:33

Jesu n den deli ki ñani ki cicibiadiga yaa yogunu, o muulo yeni den yaadi ki maadi. Li den paki yaa niba n taani likani ke bi tua: «Ti daa bi laa li naa bonla Isalele diema nni.»

Luki 4:36

Li den paki yaaba n ye likani kuli ke bi yieni biyaba: «Mi naa maama te? O maadi mu cicibiadimu leni li bali leni u paalu ke mu ña mun ye yaaba niinni.»

Marki 10:32

Bi den tagi u sanu ki do ki caa Jelusalema, ke Jesu den ga bi liiga ki cuoni. O ŋoadikaaba yama den yagi ke yaaba n den yegi leni ba mo kuli den ye leni ti jawaandi. Jesu go den taa bi piiga n niliediba, ki go wangi ba yaala n baa tieni o ke laa pia tama.

Marki 10:24

Li den paki o ŋoadikaaba. Lani Jesu go den yedi ba: «N bila, U Tienu diema nni kuama pa boncianla.

Matie 8:9

Kelima mini yua ke toaba die nni, n moko pia min die yaa minteela. N yen yedi one: ‹Gedi,› wan gedi, ki yedi o yua mo: ‹Cua na,› wan cua. N yen yedi n naacemo: ‹Tieni line,› wan tieni.»

Marki 1:26

Ki cicibiadiga den guli o ja yeni ke o digibi. Lani, ki den tiani boncianla ki ñani o niinni.

Marki 1:28

Lanyogunu o yeli den ñani Galile diema nni kuli.

Marki 16:5

Bi den kua li kuli nni ki sua ke o jawaalo ka jienu po ki laa liadipiencianli. Ti jawaandi den cuo ba.

Marki 16:6

O den yedi ba: «Yin da jie mani, yi lingi Nasaleti yua Jesu, ban den joani yua li *dapoanpoanli po. Waa go ye ne, o fii bi tinkpiba siiga. Diidi mani ban den duani o naankani.

Jesu Tondiba Tuona 17:19

Lane bi den taa Polo ki gedini o u dogu nikpeliba nitaanli po, yaala n maani ki taagi Aleyopaja juali kani. Bi den yedi o: «Naani ti baa baa ki bandi ŋan maadi yaa bangipanma yeni bi?