Marki 1:1 - Gourmanchéma Bible

¹ U Tienu Bijua, Jesu Kilisiti yaa Laabaaliŋamo cilima.

U TIENU MAAMA TILI 2013

¹ U Tienu Bijua Jesu Kilisiti Laabaaliŋamo cilima.

Marki 1:1 ပူးပေါင်းရင်းမြစ်များ

Pisomi 2:7

N baa kpaani Li Miali Diedo ñoabonli. O yedi nni: «A tie n bijua. Mini n mali a dinla.

Matie 14:33

Yaaba n den ye ku ñinbiagu nni den cua ki labini ki kpiagi Jesu ki yedi: «A tie U Tienu Bijua moamoane.»

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Matie 3:17

Lanyogunu u nialu den maadi tanpoli po ki yedi: «One n tie n *Bijabuadiga, n pali n mani yua yaa po hali boncianla.»

Matie 4:3

Mi tulinma daano yeni den cua o kani ki yedi o: «A yaa tie U Tienu Bijua ŋan maadi ki teni a tana na n tua jiema.»

Luki 1:35

Maleki den goa ki yedi o: «U Tienu Fuoma Yua baa cua a kani, Tanpojoma Tienu paalu baa yini apo. Lani yaa po bi baa yini ŋan baa maa yaa bigagidikaaga yeni U Tienu Bijua.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 1:34

N den laa, ki tieni siedi ke wani n tie U Tienu Bijua.»

Jan n diani U Tienu Laabaaliŋamo maama 1:49

Nataneli den goa ki yedi o: «Labi lani n tie Canbaa, fini n tie U Tienu Bijua, fini n tie Isalele yaaba Bado.»

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Jesu Tondiba Tuona 1:22

ti yaa yogunu, ki cili hali Jan n den batisi o yaa yogunu, ki yaa caa hali wan den ti ñani ti siiga ki doni tanpoli po yaa daali. Li tie tiladi ke bi yaa siiga niyendo n taani leni ti ki yaa tiendi siedi ke Jesu fii bi tinkpiba siiga.»

Jesu Tondiba Tuona 13:24

Hali ke Jesu daa cua, Jan den wangi Isalele yaaba kuli ban lebidi bi yama ke wan *batisi ba.

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?