Malaki 3:6 - Gourmanchéma Bible

⁶ U Paaciamu Kuli Daano go yedi: «N tie Li Miali Diedo, N kan lebidi, Lani n teni ke yinba, Jakobo puoliŋuani daa bodi.

U TIENU MAAMA TILI 2013

⁶ U Paaciamu Kuli Daano go yedi: «N tie Li Miali Diedo, n kan lebidi, die yinba wani li tie Jakob puoliŋuani yo.

Malaki 3:6 ပူးပေါင်းရင်းမြစ်များ

Mi cilima 15:18

Laa daali denge ke Li Miali Diedo den kuani o *ŋantaado leni Abalama ki yedi o: «N puni a yaa yaabila mi naa diema ki cili Ejipiti yaa kpenu ki gedi hali u kpenciamu, lani n tie Yufilata.

Mi cilima 15:7

Li Miali Diedo go den yedi o: «N tie Li Miali Diedo yua n den teni ke a ñani Ula po Kalide diema nni ki baa pa ŋa ŋan diedi mi naa diema.»

Mi cilima 22:16

«Mini Li Miali Diedo n yedi mine: ‹Kelima a den tieni lankuli ki naa yie npo a bijua, a bijayenyendo,

Pisomi 102:26

Hali yogu a den pu ki tinga tanpuuli. Tanpoli mo tie a yaa tagime.

Pisomi 102:27

Lani kuli baa bodi, ama fini wani baa ye. Likuli baa cadi nani ti tiayiekaadi yeni, Ŋan lebidi la nani li liadili yeni Lankuli baa pendi ki bodi.

Pisomi 102:28

Ama fini wani, a baa tie yenma A bina mo ki pia gbenma hali abada.

Pisomi 103:17

Ama Li Miali Diedo ŋanbili ye yaa yogu n tu yaa yogu, Yaaba n fangi o po, O *teginma mo tie bi bila yaa bila po,

Pisomi 78:38

Ama wani yua n pia mi niñingbadima Den puuni ba sugili bi tagili po, Ki naa bolindi ba. Yoguni boncianla o den yen ñiigi o pali ki tiendi li juunli.

Pisomi 78:57

Bi den sani ki foagidi, Ki tua janbi danba nani bi baanba yeni. Baa den tiegi nani yaa dabanli yaa baabu n yoaligi yeni.

Esayi 41:13

Kelima n tie Li Miali Diedo a Tienu Yua n muubi a nuu yeni N yedi a: «Da jie liba. N cua ki baa todi a.»

Esayi 44:6

Li Miali Diedo Isalele yaaba bado Wani Li Miali Diedo U Paaciamu Kuli Daano Yua n da ki faabi ba Yedi yaa maama n tie na: «N tie o kpialo leni o juodika Mini yaaka, Tientoa ki ye.

Esayi 46:4

N li baa yaa tie yenme hali yi podi nni, N baa yaa kubi yi hali yi yukobipiendi nni. Mini n den tugi yi, n go baa tugi yi Ki kubi yi ki go faabi yi.

Jeremi 32:27

«Diidi n tie Li Miali Diedo, Miali fo kuli yaa Tienu. Naani li pia yaala n pa npo bi?»

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Ose Tili 11:9

N kan soani yi nani n pali n den beni ke n jagi maama, N kan go bolini yinba Isalele buolu yaaba, Kelima n tie U Tienu, mii tie nisaalo ka, N tie yaa Tienu n gagidi ki ŋani, ki ye yi siiga, N kan cua yi kani leni pabienli.

Habakuki 1:12

Li Miali Diedo, a ye hali mi cilima. A tie n Tienu Yua n Gagidi ki ŋani Ke a miali mo ki pia bianu. Li Miali Diedo, n faabima tangu, A gandi Kalide yaaba ki puni ba u paalu Ke ban tieni ŋan baa buu ki cuo ti maama.

Mi Coadima 23:19

U Tienu ki tie nisaalo kaa ki baa pua mi faama, Waa tie nisaalo kaa ki baa lebidi o yantiali. Naani o baa maadi maama kaa baa tieni wan yedi yaala? Naani o baa niani ñoanianu kaa baa kuani o cuu?

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o kelima o Bijua kuuma po. Lanwani moala ke ti mangi leni o, laa pia kuli tama ke ti baa tindi kelima o yaa miali po.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

Hebilunba 13:8

Jesu Kilisiti tie yenma wonli leni dinla leni yaa yogunu kuli.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa opo ki cuo wan bili tipo yaa suginma ki muubi.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Mi Doagidima 1:8

O Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega, lani n tie mi cilima leni mi juodima.»

Mi Doagidima 22:13

N tie Alifa leni Omega, o kpialo leni o juodika, mi cilima leni mi juodima.

1 Samueli 15:29

U Tienu yua n tie Isalele kpiagidi, kan pua faama, o kan lebidi o yama, kelima waa tie nisaalo ka ki baa lebidi o yama.»