Malaki 3:5 - Gourmanchéma Bible

⁵ Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

U TIENU MAAMA TILI 2013

⁵ Li Miali Diedo U Paaciamu Kuli Daano yedi: «N baa cua yi siiga ki jia ti buudi. N baa taa a lingida leni mi conconma danba tagili. N baa fii ki sedi yaaba n polini ki pua mi faama leni yaaba n mabindi bi tuonsoanba kaa pa ba bi ligi po. N baa fu leni yaaba n faligidi a kpepuona, a kpienbila leni bi canba.»

Malaki 3:5 ပူးပေါင်းရင်းမြစ်များ

Mi cilima 20:11

Abalahama den goa ki yedi o: «N den yedi n pali nni ke mi naa diema naa jie U Tienu baa waamu ke bi baa kpa nni kelima n pua po.

Mi cilima 42:18

Li dataali daali Josefi den yedi ba: «Tieni mani min baa waani yi yaala, lani yi baa ye. N jie U Tienu.

Nehemi 5:15

Min ŋoadi yaa gufeneelinba puoli den coagini bi niba ki gaani bikani mi jiema leni duven kaa taa leni a kujapienpiinaada. Baa bi naacenbaanba den wangi bi niba fala. Ama mini mii tieni yeni kelima n fangi U Tienu.

Jobi 31:12

Laa tagili baa tie nani yaa fantama n baa bolini nni, Ki go bolini min pia yaala kuli yeni.

Jobi 7:2

Nani o yonbo yua ye u yienu nni n bua u soangu maama, Nani o tuonsoanlo n guu o panpaani maama yeni,

Pisomi 36:1

Bi yanyanba yudaano yani siiga yanbu. Li Miali Diedo naacemo Dafidi yanbu.

Pisomi 81:8

A paboanli nni a kuudi ke n mo faabi a. N den guani apo i tatantani nni. N den biigi a Meliba ñinbunli kani.» Joma

Pisomi 96:13

Li Miali Diedo nintuali, kelima o kpendi. O kpendi ki baa jia ti buudi ki tinga nni. O baa jia li ŋandunli yaa buudi n tiegi, Ki jia i nilanbuoli buudi mo nani o teginma n tie maama.

Pisomi 98:9

Li Miali Diedo nintuali, kelima o kpendi Ki baa jia ti buudi leni ki tinga. O baa jia li ŋandunli buudi leni mi teginma, Ki jia i nibuoli buudi lan dagidi.

Mi Ñama 1:17

Ama bi madimaanba den jie U Tienu ki naa tieni Ejipiti bado n den waani ba yaala. Bi den cedi a bonjala kaa kpaani ba.

Mi Ñama 18:21

Ŋan gandi bi niba siiga bi yanfodanba yaaba n jie U Tienu ki bua i moamoani ki nani li suuli. Ŋan dini ba li bali ke ban tua niba tudilitudili yudanba leni niba kobigakobiga yudanba leni niba piimumuu yudanba leni niba piigapiiga yudanba.

Mi Ñama 20:7

Yin da taa Li Miali Diedo a Tienu yeli fanma fanma, kelima Li Miali Diedo kan cedi yua n taagi o yeli fanma fanma.

Mi Ñama 22:20

Yin da janbi ki waani o caano yua n kaa yi siiga fala, kelima yinba yiba den tie canbe Ejipiti diema nni.

Mi Kpanjama 16:6

I moamoani leni mi buama teni ke i tagili gbeni, Li Miali Diedo fangili po teni ke o nilo foagidi leni mi biadima.

Mi Kpanjama 8:13

Yua n fangi Li Miali Diedo baa yaa nani mi biadima, Mini mi yanfuoma, n nani ti japaadi leni li yusieli, Leni yaa ñoabu n maadi yaa maama n bia.

Esayi 57:3

Ama yinba, nagini mani nne! Yinba yaa pua n bu ku baagu yaa bijaba, Li jaconconli leni li poconconili n taani ki mali yaa nibuolu yeni.

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Jeremi 27:10

Kelima bi pua yi sawali-faama ki bua yin foagidi leni mi diema ke min ña yi maama nni yin kpe.›

Jeremi 27:9

Yinba, da cengi mani yi sawalipuaba, bi yi lingida, yi dangidi, yi baayuadiida, yi ñoagidanba, bani yaaba kuli n tua yi: ‹Yin da soani Babilona bado po!

Jeremi 29:23

Kelima bi tieni ti cagindi Isalele diema nni ki ban conbi leni bi nisaalilieba puoba, ki pua mi faama n yeli nni yaa yogunu ke n naa den puogi ba liba. N bani la, mini n go tie li siedi mo. Li Miali Diedo n yedi yeni.»

Jeremi 42:5

Bi den yedi Jelemi: «Li Miali Diedo yua n tie o moamoandaano n tua tipo siedi. O ñoabu n cuo ti ti yaa tieni wan baa puogi a ŋan yedi ti yaala.

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Jeremi 5:29

Naani n kan fii ki sedi laa niba po? Naani n kan fii ki tu u naa nibuolu li panli? Mini Li Miali Diedo n yedi yeni.

Levi 19:13

Ŋan da mabini a yieninlielo. Ŋan da su, ŋan da kubi a tuonsoanlo panpaani a kani ke li yaa faa yo ŋan pa o.

Levi 20:10

Ja yaa conbi leni o nisaalilielo pua, o ja yua n conbi yeni leni o pua yua n conbi yeni kuli baa kpe.

Levi 20:27

Ja yaaka pua yua n baa fidi ki maadi leni bi tinkpiba, bi ki bu ku baagu, bi baa kpa ba. Bi baa lugidi ba a tana ki kpa ba. Laa niba yaa soama baa goa ki jagini bi yula po.»

Levi 20:6

O nilo yaa gedi yaa niba n maadi leni bi tinkpiba kani, bi a baayuadiida kani ki cagini o yuli leni ba, n baa buli n nunga laa nilo po ki paadi ki ñani o o buolu nni.

Mise 1:2

Yinba i nilanbuoli kuli, cengi mani! Ki tinga, fini leni yaala n ye a niini kuli, Cengi mani bonŋanla. O Diedo Li Miali Diedo baa tua siedi Yinba Samali yaaba leni Jelusalema yaaba *tuonbiadi po, Wani O Diedo yua n ye hali o *kaangagidiŋamu nni.

Habakuki 1:12

Li Miali Diedo, a ye hali mi cilima. A tie n Tienu Yua n Gagidi ki ŋani Ke a miali mo ki pia bianu. Li Miali Diedo, n faabima tangu, A gandi Kalide yaaba ki puni ba u paalu Ke ban tieni ŋan baa buu ki cuo ti maama.

Sakari 11:12

N den yedi ba: «Yi yaa sua ke li dagidi, yin pa nni n panpaani. Yi yaa sua ke laa dagidi yin pa nni n ci mo, yin cedi. Lanwani bi den coadi kujapiena piitaa ki teni nni.»

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Malaki 2:14

Yi buali yi yula, yaala yaa po ke li tie yeni. Li tie kelima Li Miali Diedo den tie siedi Fini leni a jawaama yogunu pua, Ŋan janbi yaa pua, Baa ke o tie a yieninlielo, Leni ŋan den niani yua u ñoanianu.

Malaki 2:17

Yi coagini Li Miali Diedo leni yi macianma, Ki nan go tua: «Ti coagini o leni be?» Li tie ke yi ŋua ki tua ke yua n tiendi mi biadima Tiegi Li Miali Diedo nintuali, Ke Li Miali Diedo pali mani laa nibuolu yaa po yo. Yi go tua: «Yaa Tienu n tiegi yeni nan ye le?»

Luki 23:40

Ama o lielo den funi leni o ki yedi: «Ŋaa jie U Tienu, fini yua n taa cuonu leni o ja na?

LOMA YAABA 3:8

Bi nitianba tabi ki tua ke ti yieni: «Tin yaa tiendi yaala n bia kelima li baa teni yaala n ŋani n yuandi ki cua.» U Tienu baa cuo ba lipo nani lan pundi maama.

Mi Tiadima 15:13

A yaa cabi o wan ña a kani ki yaa die o yuli, a kan cabi o nikuomi.

Mi Tiadima 18:10

Ban da le yi kani niloba yua n poandi o bijua bi o bisalo mi fantama nni, niloba yua n puni o yuli mi lingima po, yua n kubi u baayuadiidu, bi yua n pua mi tama, bi yua n kubi ti buligbandi,

Mi Tiadima 24:17

Yin da muni o caano leni ki kpienbiga i moani, ki nan da ga li kpepuoli tiagu kelima o bua yin dini li panli po.

Mi Tiadima 27:19

‹Ti solindi n baa yua n muni o caano, ki kpienbiga bi li kpepuoli i moani!› Lani bi niba kuli baa taani ki ga: ‹Amina!›

Mi Tiadima 5:11

Yin da taa Li Miali Diedo yi Tienu yeli fanma fanma, kelima Li Miali Diedo kan cedi yaaba n taagi o yeli fanma fanma.

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi ke o Diedo baa tu laa biadima buolu kuli li panpaani.

Hebilunba 13:4

Bi niba kuli n yaa jigindi li potaali, ki da tuo li potaali yaa duanu n tabi leni ti *joagindi. Kelima, U Tienu baa jia ti buudi leni mi conconma buoli danba kuli.

Jaki 5:12

N kpiiba, yaala n tugi mayuli tie line: Yin da poli leni tanpoli, bi leni ki tinga, baa leni poliba kuli. Ama yi yaa yedi: «Mm,» lan yaa tie, mm. Yi yaa yedi: «A-a,» mo, lan yaa tie, a-a, ke U Tienu n da ti jia leni yi ti buudi.

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den yendi yi kpaandi yaa moe mo doni ki pundi hali o Diedo U Paaciamu Kuli Daano tuba nni.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.