Malaki 3:3 - Gourmanchéma Bible

³ O baa kali nani yua duadi ŋanjilifa u maafanu nni, Ki ñandi ti joagindi yeni. O baa ŋanbi Lefi puoliŋuani, Ki ñani bipo bi *joagindi, Nani ban ñandi wula leni ŋanjilifa joagindi maama. Yeni, bi go baa fidi ki padi Yaa pada n tiegi Li Miali Diedo po.

U TIENU MAAMA TILI 2013

³ O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Malaki 3:3 ပူးပေါင်းရင်းမြစ်များ

Pisomi 116:17

N baa padi apo i tuondi pada, Ki taa Li Miali Diedo yeli ki jaandi ki mia o.

Pisomi 4:5

Baa yi pala yaa fii, yin da tieni mani *tuonbiadi. Yin kpaagi mani ku ñiagu yi duani nni, Ki go yaa ŋmini mani suo. Joma

Pisomi 4:6

Padi mani yaa pada n tiegi Li Miali Diedo po. Piani mani Li Miali Diedo yi yula.

Pisomi 50:14

Yi padili U Tienu po n yaa tie yi pagidi Yin niani tanpoli Badiciamo yaa ñoanianu, yin kuani u.

Pisomi 50:23

Yua yaa padili n tie ti pagidi, mini U Tienu po, Wani n kpiagidi nni. Yua n kubi o sanu ke u tiegi, N baa teni wan le mini U Tienu *faabima.

Pisomi 51:19

Yaa pada n mani U Tienu po tie Ti tuonbiadi yanyagidi n cie yua yaa jigi, U Tienu, a kan fali ti tuonbiadi paboanli n pia yua ke o jigi cie.

Pisomi 66:10

U Tienu, kelima a biigi ti, A den jugi ti nani ban jugi, Ŋanjilifa u maafanu nni maama yeni.

Mi Kpanjama 17:3

Bi biigidi ŋanjilifa leni wula ki buaga nne, Ama yua biigidi a pala wani n tie Li Miali Diedo.

Mi Kpanjama 25:4

Bi yaa ñani ŋanjilifa joagindi, O maano baa fidi ki duadi yaa tiagu n ŋani bonŋanla.

Esayi 1:25

Jelusalema, n baa soani a tuonli, N baa nandi a mi fantama nni ki ñani a joagindi kuli, Ki ŋuudi ki ñani a joagindi kuli leni bu ciebu.

Esayi 48:10

N den tongi ki nandi yi ki baa biigi Ke laa tie nani ban nandi ŋanjilifa maama ka. Ama n den biigi yi leni fala.

Esayi 61:6

Ama yinba, bi baa yaa yi yi Li Miali Diedo yaa kopadicianba, Ki go yini yi ti Tienu naacenba. Yi baa je mi nilandiema kuli ŋalimani Ki yaa kpiagidi yi yula leni bi yaa kpiagidi.

Jeremi 9:7

Bi landi tie nani yaa piemi n sondi bonŋanla yene. Bi li pia i boandi bebe. Bi baa maadi leni bi yieninlielo mi yanduanma maama, Ki nan bani bi pala nni ke bi dia o ku diagu.

Esekieli 20:38

N baa ñani yi siiga yaaba n den fiini npo mi yiema, ki naa den tuo n maama yeni. N baa ñani ba ban ye yaa diema nni. Ama bi kan go guani Isalele diema nni. Lanwani yi baa bandi ke n tie Li Miali Diedo.»

Danieli 11:35

Bi siiga bi yanfodanba boncianla baa kpe. Bi kuuma baa ŋanbi bi nibuolu yaaba ki teni ban pendi paipai nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 12:10

Bi niba boncianla baa ŋuudi ki pendi paipai ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima, bi siiga nni oba kuli kan ga liba, ama yaaba n pia mi yanfuoma baa ga.

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Mi Coadima 8:6

«Ñani Lefi buolu yaaba, Isalele yaaba siiga ki gagidi ki ŋanbi ba.

Luki 3:16

O den yedi bikuli: «Mini n batisi yi leni mi ñima, ama yua n pia u paalu ki cie nni baa cua, mii pundi baa yua n baa loti o cacaagbansiama. Wani, o baa batisi yi leni U Tienu Fuoma Yua, leni mi fantama.

LOMA YAABA 12:1

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

Filipi 2:17

Baa li yaa tie ke n soama baa wuli ki tua nani li*ñincabili yeni, yi *dandanli tuonli padili po, n baa mangidi n pali lipo, n go baa mangidi n pali leni yikuli.

Filipi 4:18

N diani yeni ki waani yi ke yin den soani npo yaala kuli pundi n kani ke n pia ke li kandi. Min den ga yin den soani Epafilodita ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n ga yaa padili ke li mani opo.

2 Timote 4:6

Mini yaa po, bi wuli nni nani mi padiñima yeni, n kuuma yogunu pundi.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Hebilunba 12:10

Ti baanba den yen tundi ti tundifala u yogunu waamu bebe nani ban sua ke li dagidi maama, ama U Tienu tundi ti tundifala ti ŋamu po ke tin taani leni o o gagidiŋanma nni.

1 Pieri 1:7

Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.

1 Pieri 2:5

Yinba yaaba moko n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi opo yaa pada n gagidi, ki go mani opo kelima Jesu Kilisiti yaa po.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paaciamu hali yaa yogunu kuli. Amina!

Mi Doagidima 3:18

Lani yaa po n tundi a ke ŋan da n kani ban ŋanbi yaa wula u maafanu nni ke ŋan tua piado, ki go da n kani ti tiapiendi ki yaa yie ban da go le a mubima fe, ki go da n kani u nunñoagu ki duo a nuni ki yaa nua.

Mi Doagidima 5:10

A teni ke bi tua diema Leni kopadicianba U Tienu po. Bi baa diedi ki tinga nni.»