Malaki 3:2 - Gourmanchéma Bible

² Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? Kelima o baa tie nani ban duadi ti kudi leni yaa fantama yeni. O baa yaa tie nani a tiaŋuuda ciebu yeni.

U TIENU MAAMA TILI 2013

² Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? O baa yaa tie nani ban duadi ti kudi leni yaa mu yeni. O baa yaa tie nani a tiaŋuuda ciebu yeni.

Malaki 3:2 ပူးပေါင်းရင်းမြစ်များ

Mi cilima 19:28

O den nua Sodoma leni Gomola yaa kaanu leni mi fanma bianu kuli ki laa ke i muñii fii ki ña ki tinga nni nani ki buaga yaa muñii yeni.

Jobi 28:1

Li pia ban ñandi ŋanjilifa naani Leni ban ŋanbidi wula mo naani.

Pisomi 130:3

Li Miali Diedo, li yaa bi tie ke a tiadi i tagili po yo, N Diedo, ŋme n bi baa fidi ki yaa ye.

Pisomi 2:7

N baa kpaani Li Miali Diedo ñoabonli. O yedi nni: «A tie n bijua. Mini n mali a dinla.

Pisomi 76:7

Jakobo Tienu, ŋan funi leni ba yaa yogunu, I taami leni bi tanjagiba kuli den guani.

Mi Kpanjama 25:4

Bi yaa ñani ŋanjilifa joagindi, O maano baa fidi ki duadi yaa tiagu n ŋani bonŋanla.

Esayi 1:18

Li Miali Diedo yedi: «Cua mani tin taani ki juogi: Yi tuonbiadi yaa moani baa nani mi soama Se tin goa ki pendi nani a tatana yeni. Baa yi tuonbiadi yeni yaa moani colicoli Se tin goa ki pendi paipai.

Esayi 33:14

Ti jawaandi cuo ti *tuonbiadi danba Siyono tugu nni, Mi digibima cuo a sugida. Ti siiga ŋme n baa fidi ki sedi yaa fantama n buondi kani? Ti siiga ŋme n baa fidi ki sedi yaa fantama n kan gbindi kani?

Esayi 4:4

Li Miali Diedo yaa ŋuudi ki ñani yaa yogunu Siyono bisiaba joagindi, O baa teni ti buudi fawaama n cua ki ŋuudi Ki ŋanbi ki ñani yaa soama n wuli Juda nni.

Jeremi 2:22

Baa a yaa bi wuu leni mi cieñima, Ki tuuni leni mi jiama boncianla A tagili baa yaa baa ye n nintuali. N Diedo Li Miali Diedo n yedi yeni.

Esekieli 22:14

Naani a baa pia li papaali, a nii mo n yaa pia u fidu min baa cua ki pua ŋa yaa yogunu? Mini Li Miali Diedo n maadi, n go baa tieni mo.

Danieli 11:35

Bi siiga bi yanfodanba boncianla baa kpe. Bi kuuma baa ŋanbi bi nibuolu yaaba ki teni ban pendi paipai nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Nahumi 1:6

U Tienu pali yaa beni, oba kuli kan fidi ki sedi. O pali yaa beni boncianla, oba kuli kan fidi ki yaa ye. O pali co nani mi fantama yeni. A tana pudi ki yagidi o nintuali.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Matie 25:10

Ban den caa yaa yogunu ki baan da, o pocaancalo den pundi. Yaa powandiana n bogini den yegi leni o ki kua mi pocaajiema kani. Bu buliñoabu den luoni.

Marki 9:3

O tiayiekaadi den pendi paipai ki ñuliti boncianla, hali maama ke li tiaŋuudo daa ye ŋanduna nni ki baa fidi ki pendi ti yeni.

Luki 2:34

Simeyono den gaali ba ki yedi o naa Maliyama: «Diidi ki le, U Tienu bili ke ki naa biga baa teni ke Isalele buolu yaaba siiga boncianla n baa, boncianla mo n fii. O go baa tie U Tienu sinankeeni bi nitianba n baa yie yua,

Luki 21:36

Lani yaa po yin yaa ji mani ki yaa jaandi U Tienu yaa yogunu kuli, ke yin fidi ki ña yaa bonla n baa cua kuli nni, ki sedi o Ja Bijua kani.»

Luki 3:17

O kubi o kaaligu o nuu nni, o baa ŋanbi o jalu cain, ki lendi ki tigi ki wodi ki kuodi o buali nni, ki nan sia mi fenma yaa fantama n kaa pia gbindima.»

Luki 3:9

Baa moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.»

Luki 7:23

Li pamanli ye leni min kaa tie yua yaa po tingbali bonla.»

Jan n diani U Tienu Laabaaliŋamo maama 8:55

Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o ki kubi o maama.

Hebilunba 12:25

Fangi mani yi yula ki da yie ke yi kan cengi yua n maadi leni yi moala. Kelima yaaba n den yie kaa cengi yua n soagindi ba U Tienu maama ŋanduna nni naa den fidi ki sani ki cia. Lanwani ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Mi Doagidima 19:8

Bi puni o wan bobi *len yaa tiadi, Ke ti pieni ki ñuliti ki ŋani cain.» Len yaa tiadi yeni bundima tie bi nigagidiŋanba *teginma.

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.

Mi Doagidima 6:17

Kelima bi pabienli dacianli pundi. Ŋme n baa fidi ki yaa ye?»

Mi Doagidima 7:14

N den goa ki yedi o: «Canbaa, a bani.» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga yaa soama nni ki pendi ŋa.

1 Samueli 6:20

Lane Beti-Semesi yaaba den yedi: «Ŋme baa fidi ki yaa ye ki fo Li Miali Diedo, U Tienu Yua n Gagidi ki ŋani nintuali? Ku ŋantaadikpaku baa gedi le ki foagidi ti kani?»