Malaki 2:9 - Gourmanchéma Bible

⁹ Lani n teni ke n baa cedi Isalele yaaba kuli N yie yi ki fali yi, Kelima yii tuo ki ŋua n sani, Ki go pia u nigagidu mo, yin tiendi n *balimaama yaa yogunu.»

U TIENU MAAMA TILI 2013

⁹ Lani n teni ke n baa cedi Isidayeli yaaba kuli n yie yi ki fali yi, kelima yii tuo ki ŋua n sani, ki go pia u nigagidu mo, yin kuandi n bali maama yaa yogunu.»

Malaki 2:9 ပူးပေါင်းရင်းမြစ်များ

1 Bi Badiba 22:28

Mise den yedi o: «A yaa goa ki kpeni leni laafia, Li Miali Diedo wani ka soani nni.» Mise go den yedi: «I nibuoli kuli, yi naa gbadi mani!»

Jobi 32:21

N kan tieni gagidima bi niba siiga N kan taani yi siiga oba kuli po.

Mi Kpanjama 10:7

Bi tiadi o niteginka po leni li seli, Ama o nibiado wani, bi sundi baa o yeli.

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Esekieli 13:21

N baa dadi ki toadi yi cabilibinkaana Ki faabi n niba yi nuu nni, Ke bi kan go baa yi diagu nni. Lanwani yi baa bandi ke n tie Li Miali Diedo.

Esekieli 7:26

Fala baa pendi, fala n cua. Laabaalibiado baa tu laabaalibiado. Bi baa mia o sawalipualo n baa bipo li bonlekaala O kopadiciamo mo kan go baa wan baa bangi ba yaala, A nikpela mo kaa go pia tundi.

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Nahumi 3:6

N baa wuli apo ti baadi, Ki cagini a. Bi niba kuli baa le ŋa ki kpaagi.

Malaki 2:3

N baa waani yi puoliŋuani fala. N baa taa yin padi yaa yandi mi *jaanma yogunu pobindi, Ki madi yi nunmu nni. Bi baa taani ki tugi yinba leni tini kuli.

Malaki 2:8

Ama yinba wani nan jadi ki ŋa u sanu. Yi guli niba boncianla leni yi bangima. Yi miidi min den kuani yaa ŋantaado leni Lefi buolu. Li Miali Diedo, U Paaciamu Kuli Daano n yedi yeni.

Luki 10:29

Li balimaama bangikaciamo yeni den bua ki saa o yuli po i moamoani ki yedi Jesu: «Ŋme nan tie n nisaalilielo?»

Luki 11:42

Fala baa ye leni yi, yinba Falisieninba, kelima yi coadi yaa kpinfaadi n yi menti leni lu, leni kpinfatoadi kuli, ki ñandi *dim. Ama yi ŋa mi *teginma leni U Tienu yaa buama. Li pundi yin yaa bi tiendi lani, ki nan da cedi yin maani ki tiendi yaala yeni mo.

Galati 2:6

Ban den nua yaaba ke bi tie bi yudanba, (to, ban tie yaaba ki tie npo liba, kelima U Tienu naa tiendi gagidima bi niba siiga,) yaaba n den tie bi yudanba yeni naa bili npo bontoala.

Mi Tiadima 1:17

Yi bujiali nni yin da pia gagidimaba kuli. Yin da jie niloba kuli kelima U Tienu n die li bujiali. Lanwani li yaa tie ke buudiba jiama pa yipo hali boncianla, yi baa cuani ti n yaa kani ke min gbadi ti.

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.