Malaki 2:8 - Gourmanchéma Bible

⁸ Ama yinba wani nan jadi ki ŋa u sanu. Yi guli niba boncianla leni yi bangima. Yi miidi min den kuani yaa ŋantaado leni Lefi buolu. Li Miali Diedo, U Paaciamu Kuli Daano n yedi yeni.

U TIENU MAAMA TILI 2013

⁸ Ama yinba wani nan jadi ki ŋaa u sanu. Yi guli niba boncianla leni yi bangima. Yi miidi min den kuani yaa ŋantaado leni Levi buolu. Li Miali Diedo U Paaciamu Kuli Daano n yedi yeni.

Malaki 2:8 ပူးပေါင်းရင်းမြစ်များ

2 Bi Badiba 16:11

O kopadiciamo den maa li padibinbinli ke li tie nani o bado Akasi n den ye Damasa ki soani ke bi waani o maama. O kopadiciamo Uli den maa li hali ke o bado Akasi daa ñani Damasa ki kpeni.

Nehemi 13:29

«N Tienu, ŋan tiadi bipo, kelima bi cagini li padili tuonli leni ŋan den kuani yaa *ŋantaado fini leni bi kopadicianba leni Lefi buolu yaaba siiga.»

Pisomi 119:102

Mii foagidi leni a ñoabona Kelima fini n bangi nni.

Pisomi 18:21

Li Miali Diedo tieni npo nani min tiegi maama, Nani n nii n ki pia biadima maama.

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Esayi 30:11

Ŋa mani u sanu, Jadi mani ki ŋa u sanu Ñani mani ti nintuali Isalele Tienu Yua n Gagidi ki ŋani yeni.»

Esayi 59:13

Lani n tie tin tiendi Yaa biadima leni yaa boandi Li Miali Diedo po Ki foagidi leni ti Tienu. Mabinga maama leni yiema maama Tuofaamaama leni bunbidi li pali nni,

Esayi 9:16

Lani n teni ke Li Miali Diedo kan fidi ki mangi o pali bi jawaaba po Bi ki gbadi mi niñima bi kpepuona leni bi kpienbila po. Kelima bikuli tie tuongunda danba leni nibiadiba. Bi ñoana mo ki pia maŋanma. Baa leni lankuli Li Miali Diedo pabienli daa kuugi bipo, O nuu mo baa tiane ki baa waani ba fala.

Jeremi 17:13

Li Miali Diedo, fini Isalele suginma Yaaba n ŋa ŋa kuli baa le i fe. Yaaba n foagidi leni nni kuli baa kpe. Kelima bi ŋa Li Miali Diedo yua n tie li miali ñinbunli.»

Jeremi 17:5

Li Miali Diedo yedi nanda: «Ti solindi n yaa ye yua n dugi o nisaalilielo po, Ki taa o jigi kuli ki bili o nisaalo kani, Ki foagidi leni Li Miali Diedo!

Jeremi 18:15

Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

Jeremi 2:8

Bi kopadicianba naa buali: ‹Li Miali Diedo ye le?› Yaaba n kubi li *bali maama ki bani nni, Bi gobidikaaba ki tegini npo, Bi sawalipuaba pua sawali o bulo *Baali yaa yeli nne. Bikuli sani ki pugi yaa *buli n kan midi yanbu Ki naa pia fuomaba mo.

Esekieli 22:26

Laa dogu kopadicianba miidi n balimaama ki nan go joagini n kaangagidiŋami, yaala n gagidi ki ŋani leni yaala n joagini naa pia bipo paadimaba kuli. Baa bangi bi niba yaala n ŋani leni yaala n joagini paadima, ki naa go faami n fuodima dana po mo. Oba kuli mo ki go fangi nni nani lan bi pundi ban yaa fangi nni maama.

Esekieli 44:10

Lefi buolu yaaba, yaaba n foagidi leni nni Isalele yaaba n den yaadi ki ŋa nni yaa yogunu ki ŋoadi i *buli yeni, bi baa tugi bi *tuonbiadi panpaani.

Esekieli 44:12

Kelima bi den tuuni bi niba po bi buli kani, ki go den tua tantuudikaali Isalele yaaba po. Lanwani kelima bi tagili po, mini o Diedo, Li Miali Diedo yugidi n nuu ki poli ki yedi ke bi baa tugi bi tagili tugili.

Esekieli 44:7

Yi den kuani n kaangagidiŋamu nni yaa canba n tie jifola bi pala nni leni bi gbanandi po, ke bi *joagini n diegu. Yin den padi npo dupen leni ti yandi kpama leni mi soama yaa yogunu, yi den biidi yaa *ŋantaado n den luo mini leni yinba kelima yi cagindi po.

Ose Tili 4:6

N niba bodi, Kelima baa pia bandima. Nani yin yie ki nani mi bandima yeni, N moko baa yie yi ki ñani yi min den puogi yi Bi kopadicianba tuonli yaali yaa niinni. Nain yin sundi yi Tienu balimaama po maama yeni, N moko baa sundi yi puoliŋuani po yene.

Levi 21:15

O kan jigidi o puoliŋuani, o buolu siiga yaaba, kelima n tie Li Miali Diedo Yua n Gagidi ki ŋanbi o.»

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Malaki 2:5

N den puni ba li miali leni mi yanduanma laa ŋantaado nni. N den bangi ba li fangili. Bi den fangi nni, Ki digibi n nintuali.

Mi Coadima 25:12

Ŋan waani o ke li tie lani yaa po ke n kuani leni o n yanduanma *ŋantaado.

Mi Coadima 25:13

Laa ŋantaado baa yaa tie wani leni o puoliŋuani po kuli li kopadician-tuonli yaa ŋantaado, yua n baa yaa ye hali yaa yogunu kuli po, kelima o doagidi ke o pia o Tienu yaa nunponli buolu, ki teni ke Isalele yaaba baa bi*tuonbiadi sugili.»

LOMA YAABA 14:21

Yaala n baa ŋani tie ŋan cedi ki da ŋmani nandi, ki da ño duven mo, ki da tieni yaala n sieni ki baa tua a kpiilo po tingbali bonla.

Hebilunba 3:12

N kpiiba, yin fangi mani yi yula ke yi siiga niloba n da pia yaa pali n bia ki luo li dandanli hali yaala ke o baa lebidi ki ŋa U Tienu yua n fo.

1 Samueli 2:17

Laa jawaaba den kuandi bi yula ti tuonbiaciandi nni Li Miali Diedo kani, kelima bi den fali ban padi yaa pada Li Miali Diedo po.

1 Samueli 2:24

A-a, n bila, min gba ke bi maadi yipo yaala, laa ŋani. Yi teni ke Li Miali Diedo niba tiendi ti *tuonbiadi.

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.