Malaki 2:2 - Gourmanchéma Bible

² Yin teni ke yi bontienkaala n yaa tie npo ti kpiagidi. Yi yaa cengi min yedi yaala, Yi yaa kuani la yi pala nni, N baa soli yi bonbaakaala. Baa moala n soli la, Kelima yii kuani n ñoabonli yi pala nni.

U TIENU MAAMA TILI 2013

² Yi yàá teni ke yi bontienkaala kpiagidi n yeli, kaa cengi min yedi yaala, kaa kuani la yi pala nni, n baa soli yi bonbaakaala. Ba moala n soli la, kelima yii kuani n bali maama yi pala nni.

Malaki 2:2 ပူးပေါင်းရင်းမြစ်များ

Pisomi 69:22

Bi tieni u ñoagubiadu n jiema nni Ñunñuunu mo yaa cuo nni, se ban teni nni mi ñinmiligima.

Mi Kpanjama 3:33

Li Miali Diedo solindi ye bi nibiadiba diedi po, ama o seligidi bi niteginkaaba yaa diedi.

Esayi 42:25

Lani yaa po, o pali den beni Isalele yaaba po Ke o den wuli bipo o pabiencianli falabiado Leni bu toabu falabiado. Bu toabu den pebidi bipo i kaani kuli, Ke bi naa den bua ki bandi liba kuli. Bu den buoni ba Ama baa den kpaagi lipo.

Esayi 47:7

Yi den tua: «Tinba n li baa tie bi badisiaba yaa yogunu kuli.» Yii den tia ki kuani laa bonla yi pala nni. Yii den tiadi ke li baa baa u bianu.

Esayi 57:11

Ŋme n den yagini yi yama? Yi den jie ŋme yo ki boandi nni Ki kan tiadi npo Ki didi kan yagi yi yama npo mo? Naani mii den ŋmini Ki ŋmini hali ke li waagi kaa? Lani yaa po n teni ke yii jie nni.

Jeremi 34:17

Lani n teni ke Li Miali Diedo yedi nanda: Nani yin naa tuo n maama ki kpaani ke yua kuli n faabi o nikpiilo yeni, diidi mini Li Miali Diedo n fii ki sedi yipo. N baa ŋa yi leni bu toabu, u yianbiadipuodiko leni mi koma, ki teni ki tinga nibuoli, yaaba n baa le yi kuli, ti jawaanciandi n cuo ba.

Esekieli 3:7

Ama bani Isalele yaaba, bi kan cengi a kelima baa bua ki cengi nni. Bi tuli pa ke bi pala mo juagi.

Age Tili 1:6

Yi buu boncianla ki nan yendi waamu, Yi di, ama yii guodi, Yi ñu ke yi ñunñuunu naa gbendi, Yi bobi ti tiadi ke yi wadi naa gbendi, Yua n tuuni ki gaani i panpaani Li tie nani o ŋu li boagicibinli nni yeni.

Age Tili 1:9

Yi den daani ke yi baa baa ti kpaandi boncianla, Ama yi baa waamu bebe. Yi tugi lani mo ki kuni nni yi denpo, Ama n piebi ke limo yayadi. Be yaa po ke n tieni laa bonla? Li tie kelima n Diegu mumudi ki se diejengu, Ke yi siiga yua kuli nan moandi ki ŋanbidi o dieceli.

Malaki 2:1

Li Miali Diedo, U Paaciamu Kuli Daano yedi: «Moala, yaa ñoabonli n tie na bili yinba bi kopadicianba po:

Malaki 3:9

Ti solindi ŋua yi, Kelima yi janbidi nni, Yinba, Isalele nibuoli kuli.

Luki 17:18

Naani oba ki lebidi ki cua ki baa pagi U Tienu kali o *nilamo na bebe?»

Josue 7:19

Josue den yedi Akana: «N bijua ŋan kpiagi Isalele yaaba Tienu, Li Miali Diedo ki pagi o, ki waani nni ŋan tieni yaala ki da wuoni nni liba.»

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

Mi Doagidima 14:7

O den kpaani leni u nialu ki tua: «Yin fangi mani U Tienu ki kpiagi o kelima o bujiali yogunu pundi. Yin gbaani ki kpiagi wani yua n den tagi tanpoli, ki tinga, mi ñincianma leni a ñinbuna kuli.»

Mi Doagidima 16:9

Ku tontonbiadigu den fulini ba ke bi sugidi U Tienu yeli, wani yua n die laa falabiadi yeni. Baa den lebidi bi yama ki kpiagi U Tienu.