Malaki 2:12 - Gourmanchéma Bible

¹² Li Miali Diedo n ñani Jakobo puoliŋuani siiga, Yaaba n tieni laa bonla, Ki da go li tuo hali abada laa niba buolu n taani leni ti diema yaaba Ki padi pada paabu Li Miali Diedo, U Paaciamu Kuli Daano po.

U TIENU MAAMA TILI 2013

¹² O Diedo n ñani Jakob puoliŋuani siiga, yaaba n tieni laa bonla, ki da go li tuo laa niba buolu n taani leni ti diema yaaba ki padi a pada Li Miali Diedo, U Paaciamu Kuli Daano po.

Malaki 2:12 ပူးပေါင်းရင်းမြစ်များ

1 Bi Badiba Jama 25:8

Bi den toani tiatia li tuonli po ki naa gagidi a bila leni a nikpela, bi bangikaaba leni bi ŋoadikaaba siiga kuli.

Esayi 61:8

Kelima mini Li Miali Diedo n bua mi teginma, N nani bu subu leni mi biadima. N baa pa n niba bi panpaani lan dagidi leni bi tuona, Ki go kuani leni ba yaa *ŋantaado n ki pia fidima.

Esayi 66:3

Bi yaa bua ki padi padili Bi yen kodi nua. Ama bi yen kodi nisaalo moko. Bi yaa kodi pia, Bi yen kpa sangbanlo moko. Bi yaa cuani mi pienma padili Bi yen cuani ki padi mi duosoama moko. Bi yaa cua ki juu tulale Bi yen cua ki kpiagi i *buli moko. Landanba kuli mangidi bi pala bi sani nni Bi pala mo mani bi cancagintuona po.

Esekieli 14:10

Laa sawalipualo leni yaa nilo n cua o kani kuli tagili tie yenma. Bikuli go baa baa panpaanyende.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Ose Tili 9:12

Baa bi yaa baa ki wubi bitiama, N baa fie bi ciba ke bi daa pundi jaba. Bi baa le fala, min baa foagidi leni ba Ki ŋa ba yaa yogunu.

Levi 18:29

Yaa niba n tieni laa cagindi buoli siiga baa bonyenla, bi baa paadi ki ñani ba bi yaa niba siiga.

Levi 20:3

Mini mo baa *buli n nunga laa nilo po ki paadi ki ñani o o buolu nni kelima o den padi o biga Moloko po. O*joagini n *kaangagidiŋamu ki biidi n yeli yaali n gagidi.

Amosi 5:22

Yi yaa cuani yi padijuukaana leni yi paabu, Laa go pia yankualiba kuli. Mii go faami Yi taanyenma pada leni yi naatonbiwubida kuli po.

Sakari 12:7

Li Miali Diedo baa kpa faabi Juda diedi yaaba no yo, Ke Dafidi puoliŋuani leni Jelusalema yaaba n da nuali, Ke bi cie Juda yaaba yaaba n sieni.

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Malaki 1:13

Yi go tua ke li padibinbinli kani tuonli Pia li coagili, yi baga ki ye mo. Li Miali Diedo, U Paaciamu Kuli Daano yedi: ‹Yi kpendinni ti yansukaadi leni yaadi n duugi leni ti yanyiandi, Yi padi npo laa pada buolu yo. Naani n baa ga laa paabu yikani?› Li Miali Diedo n yedi yeni.

Malaki 2:10

Naani tikuli ki pia baayendo kaa? Naani U Tienyendu yeni ka tagi tikuli? Lanwani, be yaa po ke ti nan janbidi tiyaba, Ki biidi U Tienu n kuani yaa ŋantaado leni ti yaajanba?

Mi Coadima 24:5

Yinba Jakobo puoliŋuani, yi gbandiena ŋani hali bonŋanla! Yinba Isalele puoliŋuani yi yekaani ŋani lede n ne!

Matie 15:14

Cedi ba mani, bi tie yaa juama n dia a juama. Juamo yaa dadi juamo mo, bani bilie kuli n baa baa ku buogu nni.»

2 Timote 3:13

Ama bi nibiadiba leni i boandi danba baa suagi liiga mi biadima nni ki yaadi biba ki go yaandi nitoaba.

Mi Doagidima 19:20

O den cuo ki fuayanga, wani leni o sawalipua-faadaano, yua n den tiendi mi bancianma o nintuali ki boandi yaaba n ga ki fuayanga maalima ki go gbaani ki kpiagi o nannanli. O den luni bani bonba lie kuli ke bi fo ku *fantanbuogu nni, li cidibili n co naani.

1 Samueli 3:14

Li tie lani yaa po ke n poli Eli diegu po ki yedi ke Eli diegu tuonbiaciandi kan baa sugili hali abada, baa a pada bi wan baa pa nni yaa paabu kan teni ban baa sugili.»