Malaki 2:10 - Gourmanchéma Bible

¹⁰ Naani tikuli ki pia baayendo kaa? Naani U Tienyendu yeni ka tagi tikuli? Lanwani, be yaa po ke ti nan janbidi tiyaba, Ki biidi U Tienu n kuani yaa ŋantaado leni ti yaajanba?

U TIENU MAAMA TILI 2013

¹⁰ Naani tikuli ki pia baayendo ka? Naani U Tienyendu yeni ka tagi tikuli? Lanwani, be yaa po ke ti nan janbidi ti lieba, ki biidi U Tienu n kuani yaa ŋantaado leni ti yaajanba?

Malaki 2:10 ပူးပေါင်းရင်းမြစ်များ

Nehemi 13:29

«N Tienu, ŋan tiadi bipo, kelima bi cagini li padili tuonli leni ŋan den kuani yaa *ŋantaado fini leni bi kopadicianba leni Lefi buolu yaaba siiga.»

Jobi 31:15

Naani yua tagi nni n naa tugu nni yeni, Wani ka den tagi bani wani? Naani Tienyendu yeni ka kuani tikuli ti naanba tugidi nni?

Pisomi 100:3

Yin bandi mani ke Li Miali Diedo n tie U Tienu Wani n tagi ti, ti tie o yaa yaabe Ti tie o yaa nibe, Ti tie o yankulu, wani mo n tie ti yankpaalo.

Mi Ñama 19:4

‹Yi den laa yinba yiba min den tieni Ejipiti yaaba yaala. N den bugi yi nani jiebani n bugi o bila maama yene ki cuani yi n kani.

Mi Ñama 19:5

Moala yi yaa cengi n yedima ki go kubi n *ŋantaado, yi baa tie n yaa niba i nibuoli kuli siiga kelima mini n die ki tinga kuli.

Mi Ñama 24:3

Musa den cua ku niligu kani ki waani ba Li Miali Diedo ñoabona kuli leni o *bali maama kuli. Ku niligu kuli den taani ki maadi mayenma ki yedi: «Ti baa tieni Li Miali Diedo n yedi yaala kuli.»

Mi Ñama 24:7

O den taa o *ŋantaado tili ki cogi bi niba po ke bi yedi: «Ti baa tieni Li Miali Diedo n yedi yaala kuli, ti baa tuo ki yaa ŋua likuli.»

Esayi 43:1

Li Miali Diedo yua n tagi Isalele yaaba, wani yua n tieni bani Jakobo puoliŋuani yeni yedi yaa maama n tie na: «Da jie mani liba Kelima n da ki faabi yi. N den taa yi yela ki yini yi. Yi tie min die yaaba.

Esayi 43:15

N tie Li Miali Diedo yi Tienu Yua n Gagidi ki ŋani, Yi bado yua n tie Isalele yaaba tagido.»

Esayi 43:7

Mini leni yua n taa yeli kuli Mini n tagi yua Ki tieni ki go ŋanbi o n kpiagidi po yeni Guani o mani.»

Esayi 44:2

Li Miali Diedo yua n tagi yi, Yua n den tagi yi hali yi naa tugu nni, Yua n tie yi kubido Yedi yaa maama n tie na: ‹Da jie mani liba, n naacenba Jakobo puoliŋuani, Fini Yesuluna min gandi yua.

Esayi 51:2

Yaadi ki diidi mani yi yaaja Abalahama Leni Sala yua n mali yi po. O den ye o bebe yo, min den yini o yaa yogunu, Ama n den seligi o ki teni ke o mali boncianla.

Esayi 63:16

Fini n tie ti Baa Abalahama wani ki bandi ti, Isalele mo ki bani ki gagidi ti. Fini Li Miali Diedo, fini n tie ti Baa Fini n tie ti Gaaka yaa yogu n tu yaa yogu.

Esayi 64:7

Leni lani kuli, Li Miali Diedo, fini n tie ti Baa Tinba n tie ku yoagu Fini mo n tie ti maado, Tikuli tie a nii tuonli.

Esayi 64:8

Li Miali Diedo, da bieni a pali hali lan pendi, Da tiadi ti tuonbiadi po hali yaa yogunu kuli. Ama, diidi ki le, ke tikuli li tie a nibe!

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu ban kan tuudi naankani. N tie Isalele yaaba po nani bibaa yeni. N bijakpelo mo n tie Efilayima.»

Esekieli 33:24

«O ja na, ban bolini ki ŋa yaaba Isalele diema dogi nni tua: ‹Abalahama den ye o bebe, ama baa yeni, wani n den diedi yaa diema n tie ne. Lanwani tinba yaaba n yaba ki cie, tin diedi ma.›

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Malaki 2:11

Juda fidi ban den niani yaa ñoanianu, Bi soani Jelusalema nni leni Isalele diema nni kuli yaa tuonli n gundi, Kelima bi biidi U Tienu diegu, wan bua kuni yaagu bonŋanla yeni. Bi taa bi puoba, yaa nibuoli n ŋua i *buli yeni siiga.

Malaki 2:8

Ama yinba wani nan jadi ki ŋa u sanu. Yi guli niba boncianla leni yi bangima. Yi miidi min den kuani yaa ŋantaado leni Lefi buolu. Li Miali Diedo, U Paaciamu Kuli Daano n yedi yeni.

Matie 10:21

Kpelo leni waalo siiga, bi tianba baa cuo biyaba ki teni ban kpa ba. Bibaanba baa cuo bi bila ki teni ban kpa ba. A bila mo baa fii ki sedi bi danba po ki cuo ba ki teni ban kpa ba.

Matie 22:16

Bi den soani o kani bi ŋoadikaaba leni o bado *Elodo yaa buakaaba ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 3:9

Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie na n tua Abalahama puoliŋuani.

Luki 1:73

Wan den poli ki kuani yua leni ti yaaja Abalahama,

Luki 3:8

Yin yaa tuuni mani yaa tuona n doagidi ke yi lebidi yi yama. Yin da tua yi pala nni: ‹Ti pia Abalahama ke o tie ti yaaja.› N waani yi ke U Tienu baa fidi ki teni yaa tana n tie na n tua Abalahama puoliŋuani.

Jan n diani U Tienu Laabaaliŋamo maama 8:39

Bi den yedi o: «Ti baa n tie Abalahama.» Jesu den goa ki yedi ba: «Yi yaa bi tie Abalahama puoliŋuani, yi bi baa tiendi Abalahama n den tuuni yaa tuona.

Jan n diani U Tienu Laabaaliŋamo maama 8:41

Yi tiendi yi baa n tuuni yaa tuona.» Bi den yedi o: «Tii tie conconbila ka. Ti pia Baayendo, wani U Tienu de!»

Jan n diani U Tienu Laabaaliŋamo maama 8:53

Naani a cie ti yaaja Abalahama yua n kpe yoo? Bi sawalipuaba moko kpe. A tama ke a tie ŋme?»

Jan n diani U Tienu Laabaaliŋamo maama 8:56

Yi baa Abalahama den mangi o pali boncianla ke o baa le n daali. O den laa li ke li mangi o.»

Jesu Tondiba Tuona 17:24

U Tienu yua n den tagi tanpoli leni ŋanduna leni yaala n ye lienni kuli, wani yua n die tanpoli po leni ki tinga nni kuli, o yekaanu naa tie bi nisaaliba n maa yaa jaandiena nni ka.

Jesu Tondiba Tuona 17:25

Waa pia yaaba n tuuni opo nani o luo bonlaba ka, kelima wani n puuni bi niba kuli ke bi ye ki fo ki pia ban pia yaala kuli.

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani, ki go teni ke bi yayadi ki ye ki tinga kuli nni. Hali ban daa den ye, o den bili ban baa ye yaa yogunu leni ban baa ye naankani.

Jesu Tondiba Tuona 7:2

Etiena den yedi: «Yinba, n kpiiba leni n baanba, cengi mani! Ti kpiagidi Tienu den doagidi o yuli ti yaaja Abalahama po wan den ye Mesopotami diema nni yaa yogunu, hali ke o daa fii likani ki gedi ki ye Halana dogu.

Jesu Tondiba Tuona 7:26

Lan den fii ki fa o den laa Isalele yaaba siiga niba lie ke bi pua biyaba. O den moandi ki baa teni ban goa ki mangi leni biyaba, ki yedi ba: ‹Yinba yi tie buoyendu, be n teni ke yi faligidi yiyaba?›

LOMA YAABA 4:1

Ti baa yedi lede Abalahama po? Wani yua n tie ti yaaja ti gbanandi nni. O den baa be?

LOMA YAABA 9:10

Lani bebe ka, Lebeka moko yaa po li den tie yeni leni o bilieda yaaba n den pia baayendo, lani n tie ti yaaja Isaaka.

1 Korenti 8:6

Ama tinba yaa po wani Tienyendu bebe n ye, yua n tie Baa. O den tagi li bonla kuli, tinba mo ye o yaa po. Diediyendo bebe moko n ye, Jesu Kilisiti, li bonla kuli den tagi kelima o yaa po, ti moko ye kelima wani yaa po.

Efesa 4:25

Lani yaa po yin cedi mani mi faama, yi siiga yua kuli n yaa maadi o nisaalilielo i moamoani kelima tikuli tie gbananyendi yaaba.

Efesa 4:6

Tienyendu bebe n ye yua n tie Baa tikuli po, yua n die tikuli, ki ye tikuli siiga, ki go ye tikuli yaa niinni.

1 Tesaloniki 4:6

Oba kuli n da boandi o kpiilo laa bonla nni, ki janbi o. Ti den tuodi ki waani yi ki go kadi ki waani yi ke o Diedo baa tu laa biadima buolu kuli li panpaani.

Hebilunba 12:9

Ti baanba yaaba n tie nisaaliba den tundi ti tundifala ke ti fangi ba. Lanwani li pundi tin miini ti yula ti Baa yua n ye tanpoli kani, ke tin yaa pia li miali.

Josue 24:3

Mini U Tienu den ñani yi yaaja Abalahama Yufilata duoli ki teni ke o gaangaani Kanana diema nni kuli. N den puni o i puoliŋuani boncianla. N den puni o Isaaka,