Malaki 1:6 - Gourmanchéma Bible

⁶ Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

U TIENU MAAMA TILI 2013

⁶ Li Miali Diedo U Paaciamu Kuli Daano yedi: «Ki biga jigindi o baa, O naacemo mo kpiagidi o canbaa. N yaa tie yi Baa, min pundi ki baa yaa jigidi yeni ye le? N yaa tie yi Canbaa, min pundi ki baa yaa kpiagidi yeni ye le? Yinba bi kopadicianba n fali n yeli ki nan tua: ‹Ti fali a yeli lede?›

Malaki 1:6 ပူးပေါင်းရင်းမြစ်များ

Pisomi 123:2

Diidi: Nani i yonbi nuni N pegidi ki diidi bi yonbidaano nuu po maama Nani o potuado nuni n pegidi ki nua O cannaa nuu maama yeni, Ti moko yaa nuni pegidi ki nua Li Miali Diedo po yene. Hali wan baa gbadi tipo mi niñima.

Mi Ñama 20:12

Yin jigini yi baanba leni yi naanba ke yi dana n foagidi Li Miali Diedo yi Tienu n puni yi yaa diema yaa niinni.

Mi Kpanjama 17:6

Yaaba n podi badifogilimu n tie bi yaabila, Bi baanba mo tie bi bijaba kpiagidi.

Mi Kpanjama 30:11

Bi nitianba ye ki yen soli bi baa, Bi kan go jigini bi naa mo.

Mi Kpanjama 30:17

Yua n ñuadi o baa, ki yie ki kan cengi binaa maama, U kpenu nni kankala baa fiadi o nuni Jiebani bila mo baa je o.

Esayi 1:2

Tanpoli, cengi! Ki tinga, diadi a tuba! Kelima Li Miali Diedo yedi mine: «N dini ki go wubi a bila, Ama bi fii ki yie n maama.

Esayi 43:23

Yii den taa yi pebila ki padi npo a padijuukaana. Yi pada mo naa den kpiagidi nni. Mii den tieni yi paalu ka ke yin cuani npo bu paabu, Mii den coagini yimo ke yin yaa juugi npo a *dugibila.

Esayi 45:10

Fala n baa yua n baa yedi o baamado: «Be n teni ke a mali nni?» Leni yua n baa yedi o naamado: «Be yaa po ke a gbaani ki mali nni?»

Esayi 64:7

Leni lani kuli, Li Miali Diedo, fini n tie ti Baa Tinba n tie ku yoagu Fini mo n tie ti maado, Tikuli tie a nii tuonli.

Esayi 64:8

Li Miali Diedo, da bieni a pali hali lan pendi, Da tiadi ti tuonbiadi po hali yaa yogunu kuli. Ama, diidi ki le, ke tikuli li tie a nibe!

Jeremi 23:11

Baa bi sawalipuaba leni bi kopadicianba kuli biidi cain. Baa hali n diegu nni n laa bi biadima. Li Miali Diedo n yedi yeni.

Jeremi 3:4

Moala a di kpaani ki maadi leni nni ki tua: «N baa, fini n den tie n bonwaama nni *nidugika.»

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu ban kan tuudi naankani. N tie Isalele yaaba po nani bibaa yeni. N bijakpelo mo n tie Efilayima.»

Jeremi 35:16

Lekabi bijua Yonadabi yaa bijaba, tuo ki kubi bi baa n bili bipo yaa ñoabonbilikaana. Ama bi naa niba wani naa tuo n maama!

Esekieli 22:26

Laa dogu kopadicianba miidi n balimaama ki nan go joagini n kaangagidiŋami, yaala n gagidi ki ŋani leni yaala n joagini naa pia bipo paadimaba kuli. Baa bangi bi niba yaala n ŋani leni yaala n joagini paadima, ki naa go faami n fuodima dana po mo. Oba kuli mo ki go fangi nni nani lan bi pundi ban yaa fangi nni maama.

Ose Tili 12:8

Isalele yaaba, yi kubi yi nuu nni Yaa *bonbiigikaala n ki tiegi nani Kanana yaaba yeni, Yi pala mani i janbi po.

Ose Tili 4:6

N niba bodi, Kelima baa pia bandima. Nani yin yie ki nani mi bandima yeni, N moko baa yie yi ki ñani yi min den puogi yi Bi kopadicianba tuonli yaali yaa niinni. Nain yin sundi yi Tienu balimaama po maama yeni, N moko baa sundi yi puoliŋuani po yene.

Ose Tili 5:1

Cengi mani line, yinba bi kopadicianba, Yinba Isalele yaaba kuli, cengi mani. Yinba badidiegu yaaba, diadi mani yi tuba ki cengi: «Ti buudi jiama tie yi yaa tuonle Ama yi den tua nani ku diagu yeni n niba po, Mitisipa dogu po, Taboli juali po mo, yi den tua bipo Nani ban dia yaa taalu yeni.

Levi 19:3

Yua kuli n fangi o naa leni o baa, ki kubi n fuodima dana ki gagidi ŋa. N tie Li Miali Diedo yi Tienu.

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Malaki 2:1

Li Miali Diedo, U Paaciamu Kuli Daano yedi: «Moala, yaa ñoabonli n tie na bili yinba bi kopadicianba po:

Malaki 2:10

Naani tikuli ki pia baayendo kaa? Naani U Tienyendu yeni ka tagi tikuli? Lanwani, be yaa po ke ti nan janbidi tiyaba, Ki biidi U Tienu n kuani yaa ŋantaado leni ti yaajanba?

Malaki 2:8

Ama yinba wani nan jadi ki ŋa u sanu. Yi guli niba boncianla leni yi bangima. Yi miidi min den kuani yaa ŋantaado leni Lefi buolu. Li Miali Diedo, U Paaciamu Kuli Daano n yedi yeni.

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Matie 15:4

Kelima U Tienu yedi: ‹Jigini a baa leni a naa,› ki go yedi: ‹Yua n soli o baa yaaka o naa li pundi ban kpa o.›

Matie 15:6

Yeni yi bolini U Tienu maama ki nan kubi yi bogida.

Matie 19:19

Ŋan jigini a baa leni a naa, ki go bua a nisaalilielo nani ŋan bua a yuli maama yeni.»

Matie 6:9

Diidi mani yin baa jaandi maama: Ti Baa yua n ye tanpoli,

Matie 7:21

Yaaba n tua nni: ‹O Diedo, o Diedo,› bikuli ka baa kua *tanpoli diema nni, se yaaba n tiendi n Baa yua n ye tanpoli yaa yanbuama.

Marki 10:19

A bani li balimaama n bili yaala: Ŋan da kpa o nilo, ŋan da conbi, ŋan da su, ŋan da tieni mi siedi faama a nisaalilielo po, ŋan da janbi oba yin pia yaa ŋantaado yi siiga nni kuli, ŋan yaa jigindi a baa leni a naa.»

Marki 7:10

Musa den yedi: ‹Jigini a baa leni a naa,› ki go yedi: ‹Yua n soli o baa yaaka o naa, ban kpa o.›

Luki 10:29

Li balimaama bangikaciamo yeni den bua ki saa o yuli po i moamoani ki yedi Jesu: «Ŋme nan tie n nisaalilielo?»

Luki 18:20

A bani li *balimaama n bili yaala: ‹Ŋan da conbi, ŋan da kpa nilo, ŋan da su, ŋan da tieni mi siedi-faama, ŋan jigini a baa leni a naa.› »

Luki 6:36

Yin yaa tiendi mani mi ŋanma nani yi Baa moko n tiendi mi ŋanma maama yeni.

Luki 6:46

Be n teni ke yi yi nni: ‹O Diedo, o Diedo,› ki naa tiendi min yedi yaala?

Efesa 6:2

Ŋan jigini a baa leni a naa, lan tie yaa balimakpiama n yegi leni u ñoanianu.

Mi Tiadima 32:6

Naani yi tungi Li Miali Diedo yo yi tagili Yinba yaa nibuolu n luo mi yama kaa go pia yanfuoma yeni? Naani wani kaa tie yi baa leni yi Tagido? Naani wani kaa den tagi yi ki den puni yi u fidu?

Mi Tiadima 5:16

Yin jigini yi baanba leni yi naanba nani Li Miali Diedo yi Tienu n bili yipo maama. Lani n tie yi miali dana n foagidi, yin go yaa ye leni li pamanli Li Miali Diedo yi Tienu n puni yi yaa tinga nni.

1 Pieri 1:17

Li yaa tie ke yi miadi U Tienu ki go yini o yi Baa, wani yua n ja nilo kuli ti buudi nani o tuona n tie maama, ki naa tiendi gagidima bi niba siiga, lani yaa po yin yaa ye mani leni li fangili o nintuali yin ye ŋanduna nni ki tie canba yaa yogunu bianu kuli.