Malaki 1:14 - Gourmanchéma Bible

¹⁴ Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

U TIENU MAAMA TILI 2013

¹⁴ U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Malaki 1:14 ပူးပေါင်းရင်းမြစ်များ

2 Korenti 8:12

O nilo yaa pia li yankuali ki baa tieni mi todima, U Tienu baa ga la ki nua o piama banlu, ki naa nua wan ki pia yaala.

Malaki 1:8

Naani yin yen cuani ki yanjuanga li padili po yeni, li tiegi? Naani yin yen cuani yaa yanga n duugi yaaka yaaga n yia yeni, Naani li tiegi? Naani yi yaa taa laa yanga ki ban puni gufeneeli, O baa ga yi cangu leni nunmanga?

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Luki 12:46

laa naacemo canbaa baa kpeni wan ki daani o yaa daali leni wan ki faami yaa yogunu. O baa teni ban waani o fala hali boncianla, ki gedini o ki ban taani leni yaaba n ki ŋua U Tienu.

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

Sakari 14:9

Laa daali, Li Miali Diedo baa yaa tie ŋanduna kuli bado, Bi niba kuli baa yaa kpiagidi wani bebe, Bikuli baa yaa taagi wani bebe yaa yele.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi I nibuoli kan fidi ki sedi o pabiencianli nintuali.

Pisomi 76:12

Niani mani Li Miali Diedo yi Tienu I ñoaniani, ki go kuani yi. Yaa niba n gaani ki lindi o kuli N cuani bu paabu wani U Tienu yua n pia jeje po.

Pisomi 47:2

Yinba i nilanbuoli kuli, Pua mani ti nupodi! Yiini mani ki pagi U Tienu!

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»

Hebilunba 12:29

kelima ti Tienu tie yaa fantama n bolindi.

1 Timote 6:15

Li yogunu yaa pundi, U Tienu baa teni ke o doagidima yeni n tieni, Wani U Tienu yua bebe n pia ti kpiagidi, Yua yaa bali n cie batoali kuli, Wani bi badiba kuli Badiciamo Leni bi diediba kuli yaa Diedo.

Danieli 9:4

N den mia Li Miali Diedo n Tienu ki tuo ti *tuonbiadi ki yedi o: «O Diedo, fini U Tienu yua n yaba ki pia li fangili, fini yua n kubi ŋan den kuani yaa *ŋantaado, ki tiendi o yaaba n kubi a ñoabonbilikaana po, ki ŋanbidi yaaba n bua ŋa po.

Jeremi 48:10

Ti solindi n yaa jagi yua n tuuni Li Miali Diedo tuonli leni mi gbefema Ki muni o jugisiega mo mi soama.»

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Mi Tiadima 28:58

Yi yaa kubi ki go tieni yaa bali maama n diani li naa tili nni kuli n yedi, yi yaa fangi Li Miali Diedo yi Tienu yeli, yaali n pia ti kpiagidi ki go pia i jeje,

Mi cilima 27:12

Daalinba n baa baa baali nni ke n baa tua o tuofaadaano o nuni po, wan ti soli nni ki kan gaali nni baa waamu.»

Marki 14:8

O pua na tieni npo wan paani maama. Wan wuli npo tulale yeni, o tuodi ki bogini n gbanandi mi piinma po yo.

Matie 24:51

O baa teni ban pua o hali ki poagili o, ki gedini o ki ban taani leni pala lie danba a bubula leni mi ñincegima n baa ye naankani.

Matie 5:35

baa leni ki tinga kelima ki tie o taaŋmaakaanu, baa leni Jelusalema kelima li tie o badiciamo dogu.

Malaki 3:9

Ti solindi ŋua yi, Kelima yi janbidi nni, Yinba, Isalele nibuoli kuli.

Pisomi 95:3

Kelima Li Miali Diedo tie yaa Tienu n yaba O tie Badiciamo, ki cie ban ŋua yaala kuli.

Pisomi 68:35

Kpaani mani ki doagidi ke U Tienu n tie U paalu Daano! O kpiagidi yiini Isalele yaaba po, O paalu mo ye ti tawadi nni.

Pisomi 48:2

Li Miali Diedo yaba, Li pundi tin pagi ti Tienu o dogu nni, o joagagidikaali po.

2 Samueli 24:24

Ama o bado den yedi Alafina: «A-a, n bua ki da likuli ki pa ŋa li ligi. N kan pa Li Miali Diedo n Tienu min ki biani yaa pada po liba.» Lanwani Dafidi den da u jalu leni i ne ki teni ŋanjilifa kujapiena piimuu.

Jeremi 46:18

Mini Li Miali Diedo U Paaciamu Kuli Daano n tie Bade. Nani a juana siiga Taboli juali n kpedi maama Ke Kalimeli juali mo n se mi ñincianma nni maama yeni, Yibalinba baa cua ki baa Ejipiti diema ke laa pia tama yene.

Jeremi 48:15

Moabi diema pua nafanu Mi dogi muñii fii ki loli Bi caani ki baa n kodi mi nipanba liiga yaaba. Yaa bado n yi Li Miali Diedo U Paaciamu Kuli Daano n yedi yeni.

Sofoni 2:11

Li Miali Diedo baa cie bi jigi, Kelima o baa bolini bi nisaaliba *buli kuli. Lanwani baa yaa nibuoli yaa niba n ye hali foagima Baa gbaani ki kpiagi o bi diema nni.

Malaki 2:1

Li Miali Diedo, U Paaciamu Kuli Daano yedi: «Moala, yaa ñoabonli n tie na bili yinba bi kopadicianba po:

Pisomi 47:3

Kelima Li Miali Diedo, Tanpoli Tienu pia i jeje, Wani n tie ki tinga kuli bado.

Pisomi 47:8

U Tienu n tie ki tinga kuli bado, Yiini mani ki pagi o leni bu yanmanbu.

Pisomi 102:16

Lanwani i nilanbuoli kuli baa yaa fangi Li Miali Diedo, Ki tinga badiba kuli mo n yaa kpiagidi o.