Malaki 1:11 - Gourmanchéma Bible

¹¹ Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

U TIENU MAAMA TILI 2013

¹¹ Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Malaki 1:11 ပူးပေါင်းရင်းမြစ်များ

1 Bi Badiba Jama 16:25

Kelima Li Miali Diedo yaba ki pundi ki baa ti pagidi, O pia i jeje ki cie i *buli kuli.

Pisomi 111:9

O den soani mi *faabima o niba po, Wan kuani leni yaa niba Yaa ŋantaado n ki pia fidima, O yeli gagidi ki ŋani ki go pia i jeje.

Pisomi 113:3

Li Miali Diedo yeli n baa ti pagidi Ki cili u yienu n pudi naanpo Ki yaa caa hali wun baali naanpo.

Pisomi 138:5

Ban yaa yiini ki pagi Li Miali Diedo n tieni yaala ki tua: «Li Miali Diedo kpiagidi yaba.»

Pisomi 141:2

N jaandi n do ki pundi a kani nani a *dugibila muñii yeni, Min yugidi n nuu ki miadi a yeni Lan yaa tie nani ku yenjuogu padili.

Pisomi 45:17

A bijaba baa ti faa ki ga a baanba kaanu, Ŋan kaani ba ban tua badijaba mi diema nni kuli.

Pisomi 48:10

U Tienu, ti baa tiani a *ŋanbili po A diegu tugu nni.

Pisomi 48:11

U Tienu, nani a yeli n ñani maama, A pagidi moko pundi hali u tinbianu yene. A jienu kuli gbie leni mi *teginma.

Pisomi 50:1

Asafi yani siiga yanbu. U Tienu, U Tienu, Li Miali Diedo maadi, Ki yini ki taani ki tinga niba kuli, Ki cili u yienu n pudi naani, hali wun baali naanpo.

Pisomi 65:9

Yaaba n ka u tinbianu, Ye leni i jeje kelima a sinankeeninba po. A teni ke puoli leni nintuali kuli kpaani leni li pamanli.

Pisomi 67:2

U Tienu n yaa gba tipo mi niñima ki yaa seligidi ti. Wan teni o nunga n yendi tipo. *Joma

Pisomi 86:9

O Diedo, ŋan tagi yaa nibuoli kuli baa cua Ki gbaani ki pugi a, ki go kpiagi a yeli.

Pisomi 96:8

Kpiagi mani Li Miali Diedo yeli! Cua mani ki kua o luoli nni leni bu paabu!

Esayi 12:4

Laa daali yi baa yedi: «Pagi mani Li Miali Diedo, mia mani o todima. Teni mani bi niba n bandi o bancianma i nibuoli siiga, Kpaani mani ki waani bi niba o yeli n yaba maama.

Esayi 12:5

Yiini mani Li Miali Diedo kpiagidi Kelima o tieni yaa bonla n ŋani ki pia mi ñuadima. Teni mani ki tinga n bandi laa bonla kuli.»

Esayi 19:21

Li Miali Diedo baa yaa tie Ejipiti n bani yua. Ejipiti yaaba baa bandi Li Miali Diedo laa yogunu bi baa kpiagi o, ki padi opo a pada, ki go pa o bu paabu. Bi baa niani Li Miali Diedo i ñoaniani, ki go kuani ban bili yaa ñoaniani.

Esayi 30:27

Diidi Li Miali Diedo wani oba ñani hali foagima O pali beni hali boncianla. Li tie yaa bonla n bia hali boncianla O ñoacuuna doagidi o pabienli O lanbu mo tie nani yaa fantama n buondi yeni.

Esayi 45:6

Li tie ke ban bandi Ki cili u yienu n pudi naani ki yaa caa hali wun baali naankani, Ke mini yaaka, Tientoa ki ye N tie Li Miali Diedo, Toa ki ye.

Esayi 54:5

Kelima a tagido n tie a calo O yeli yi Li Miali Diedo U Paaciamu Kuli Daano. A daafaabika n tie Isalele Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 59:19

Ki cili nintuali po, bi baa yaa fangi Li Miali Diedo. Ki cili u yienu n pudi naanpo, o kpiagidi mo baa doagidi. Yibali yaa puubi ki cua nani u kpenu yeni, Li Miali Diedo Fuoma baa deli o.

Esayi 66:18

Mini, n bani bi tuona leni bi yantiana. U yogunu pundi ke min taani i nibuoli kuli Leni i mabuoli kuli. Bi baa cua ki le n kpiagidi.

Jeremi 10:6

Oba kuli ki naani leni a, Li Miali Diedo A yaba, a yeli moko yaba ki go pia u paaciamu

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua Kelima i nibuoli yanfodanba kuli siiga, Leni mi diema buoli kuli siiga, Oba kuli kan niagi leni a.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Danieli 2:45

Ŋan den laa yaa tanli ke li ñani li juali po ke nisaalo nuu ki lugidi li ke li pua ki mumudi ti kuboandi leni ti kudi leni ku yoagu leni ŋanjilifa leni wula yeni, waani lane. U Tienu, yua n pia u paaciamu kuli waani a yaala n baa ti cua yo. Ti dangidi yeni waani moamoani, tama mo kuli ki ye ti bundima nni.»

Amosi 9:12

Dafidi puoliŋuani go baa diedi Edomi yaaba, yaaba n sieni leni i nilanbuoli kuli, Ban den kpa diedi yaaba ki yedi ke bani moko tie n yaa niba. Li Miali Diedo, yua n baa teni lani kuli n tieni ki dudi, n yedi yeni.»

Mise 5:4

Wani n baa cuani mi yanduanma. Asili yaaba yaa cua ti diema nni Ki kua hali ti dieŋama nni. Ti baa teni bi yudanba boncianla n fii ki sedi bipo.

Sofoni 2:11

Li Miali Diedo baa cie bi jigi, Kelima o baa bolini bi nisaaliba *buli kuli. Lanwani baa yaa nibuoli yaa niba n ye hali foagima Baa gbaani ki kpiagi o bi diema nni.

Sofoni 3:9

Li Miali Diedo go yedi: «Lani, n baa lebidi i nilanbuoli niba maama Ki teni ke man tua maŋanma. Bi baa yaa ŋua mini Li Miali Diedo bebe Ki kpiagidi nni leni payenli.

Sakari 8:7

N baa faabi n niba yaaba n ye ti yonbidi nni Puoli diema leni nintuali diema nni.

Malaki 1:14

Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

Malaki 3:3

O baa kali nani yua duadi ŋanjilifa u maafanu nni, Ki ñandi ti joagindi yeni. O baa ŋanbi Lefi puoliŋuani, Ki ñani bipo bi *joagindi, Nani ban ñandi wula leni ŋanjilifa joagindi maama. Yeni, bi go baa fidi ki padi Yaa pada n tiegi Li Miali Diedo po.

Matie 28:19

Lanwani, yin gedi mani ki tieni i nibuoli nni kuli bi ŋoadikaaba, ki *batisi ba Baa yeli nni, Bijua yeli nni leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Matie 8:11

N waani yi i moamoani ke bi niba boncianla baa ña puoli leni nintuali kuli, ki cua ki taani ki kali leni Abalahama leni Isaaka leni Jakobo, u saajekaanu kani *tanpoli diema nni.

Luki 1:10

Ban den juugi a dugibila yaa yogunu, U Tienu niba nitaanli kuli den ye niini ki jaandi.

LOMA YAABA 12:1

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

Filipi 4:18

N diani yeni ki waani yi ke yin den soani npo yaala kuli pundi n kani ke n pia ke li kandi. Min den ga yin den soani Epafilodita ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n ga yaa padili ke li mani opo.

2 Tesaloniki 1:12

Yeni ti Diedo Jesu yeli baa baa ti kpiagidi yi siiga, ke yi mo n baa ti kpiagidi kelima o yaa po, nani ti Tienu leni ti Diedo Jesu Kilisiti ŋanbili n tie maama.

1 Timote 2:8

Lanwani n bua ke bi jaba n yaa jaandi i kaani kuli ki yugidi yaa nii n ŋani cain, ki naa pia pabienli leni niamaba kuli.

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»

Mi Doagidima 5:8

Wan den ga li tili, a bonfuodinaada leni bi piilie n nikpenaadiba den gbaani wani ki Pebiga nintuali. Bi siiga yua kuli den muubi ku kogidigu, leni wula tadibuomu ke mu gbie leni a *dugibila, yaala n tie bi *nigagidiŋanba jaandi.