Luki 4:34 - Gourmanchéma Bible

³⁴ «Ŋain, fini Nasaleti yua Jesu, be n ye tinba leni fini siiga? A cua ki baa bolini ti. N bani ŋan tie yua. A tie U Tienu n *Nigagidiŋamo.»

U TIENU MAAMA TILI 2013

³⁴ «Ŋain, fini Jesu, Nasareti yua, be n ye tinba leni fini siiga? A cua ki baa bolini ti. N bani ŋan tie yua. A tie U Tienu Nigagidiŋamo.»

Luki 4:34 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

1 Bi Badiba 17:18

Lane o pua yeni den yedi Elia: «U Tienu nilo, be n ye mini leni fini siiga? A cua n deni ki baa tiadi nni n*tuonbiadi ki go teni n bijua n kpe yo?»

Pisomi 16:10

Kelima a kan ŋa nni bi tinkpiba diema nni, A kan tuo mini a buado n le mi bedima.

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Matie 8:29

Bi den tiani opo: «Be n ye tinba leni fini siiga, U Tienu Bijua? Naani a cua ne ki baa duoli ti ke u yogunu daa pundi yoo?»

Marki 1:24

«Ŋain, fini Nasaleti yua Jesu, be n ye tinba leni fini siiga? A cua ki baa bolini ti. N bani ŋan tie yua. A tie U Tienu *Nigagidiŋamo.»

Marki 1:34

O den paagi yaa niba n yaba leni ban den pia yaa yianbuoli kuli po, ki deli mu cicibiadimu boncianla ki ñani mu mun ye yaaba yaa niinni. Waa den tuo ke mu cicibiadimu n maadi, kelima mu den bani wan tie yua.

Marki 5:7

ki kpaani ki yedi: «Be n ye mini leni fini siiga, Jesu, U Tienu yua n ye hali Tanpojoma Bijua. Hali U Tienu po, ŋan da faligi nni.»

Luki 1:35

Maleki den goa ki yedi o: «U Tienu Fuoma Yua baa cua a kani, Tanpojoma Tienu paalu baa yini apo. Lani yaa po bi baa yini ŋan baa maa yaa bigagidikaaga yeni U Tienu Bijua.

Luki 4:33

Li den sua ke ki cicibiadiga n ye yaa ja yaa niinni ye li bali maama bangima dieli nni. O den tiani boncianla ki yedi:

Luki 4:41

Mu cicibiadimu moko den ñani bi niba boncianla niinni ki tangi ki tua: «A tie U Tienu Bijua.» Ama Jesu den fu leni mu kaa tuodi ke mu maadi, kelima mu den bani ke o tie *U Tienu n Gandi Yua.

Luki 8:28

Wan den laa Jesu, o den tiani, ki gbaani o nintuali ki kpaani boncianla: «Be n ye mini leni fini siiga, Jesu, U Tienu yua n ye hali Tanpojoma Bijua? N mia ŋa, ŋan da faligi nni.»

Luki 8:37

Lani Jelasa yaaba leni u tinkundogi yaaba kuli den taani ki mia Jesu ke wan ña bi kani kelima ti jawaanciandi den cuo ba. Jesu den kua ku ñinbiagu nni ki baa goa ki duodi.

Jesu Tondiba Tuona 16:39

Bi den cua ki mia ba sugili ki ciani ki ñani ba li kpaadidieli nni ki mia ba ban ña u dogu nni.

Jesu Tondiba Tuona 2:27

Kelima fini U Tienu kan ŋa nni bi tinkpiba diema nni, A kan tuo ke a *nigagidiŋamo n le mi bedima.

Jesu Tondiba Tuona 3:14

Ama yi den yie o, wani o *Nigagidiŋamo leni o Niteginka. Yi den mia ban faabi yipo o nikpalo.

Jesu Tondiba Tuona 4:27

Moamoani o bado *Elodo leni gufeneeli Ponisa Pilata den taani yanyenma leni yaaba n kaa tie Isalele yaaba leni Isalele yaaba kuli u naa dogu nni, ki juogi ban baa tieni maama ki cuo fini U Tienu yaa naacen-gagidiŋamo Jesu, ŋan Gandi Yua.

Hebilunba 2:14

Kelima a bila n tie nisaaliba ki pia ti gbanandi leni mi soama yeni, Jesu moko den tua nisaalo ki pia ti gbanandi leni mi soama. O den tua yeni ki baa kpe, ke o kuuma n bolini Sutaani paalu wani yua n pia mi kuuma paalu,

Jaki 2:19

A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Mi Doagidima 20:2

O den cuo o bonfuodibiado, o waakpelo yeni, lani n tie, ku *tuotabigu yudaano Sutaani, ki loli o hali bina tudili po.

Mi Doagidima 3:7

Ŋan diani Kilisiti n yini yaaba Filadelifi po yaa maleki po ki yedi o: «Yua n Gagidi ki Ŋani, Ki tie o Moamoandaano, Wani yua n kubi Dafidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie na: