Luki 4:18 - Gourmanchéma Bible

¹⁸ O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

U TIENU MAAMA TILI 2013

¹⁸ O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi faabima, Ke min pa a juama mi nunnualima. O soani nni ke min yaa faabidi ban miabi yaaba,

Luki 4:18 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

2 Bi Badiba Jama 34:27

‹Nani ŋan cedi ke yaa maama n maadi li naa tili nni Jelusalema po leni u niba po cuo a pali yeni, ke a miini a yuli n nintuali, ki dadi ki padi a tiayiekaadi, ki go buudi n nintuali yeni, mini moko gbadi.› Li Miali Diedo n yedi yeni.

Pisomi 102:20

Kelima hali tanpoli po, o *kaangagidiŋamu nni, Wani Li Miali Diedo tibini ki baa le ki tinga,

Pisomi 147:3

O duandi yaaba yaa pala n biidi yama Ki buu bi poagilima mo.

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi Li Miali Diedo Leni wan gandi yua po ki tua:

Pisomi 2:6

«Mini n gagidi n bado ki kaani o Siyono joagagidikaali yuli po.»

Pisomi 34:18

Bi niteginkaaba yaa kuudi, Li Miali Diedo gba. O yen faabi ba leni bi paboanli kuli.

Pisomi 45:7

U Tienu, a bali kalikaanu ye hali yaa yogunu kuli. A badigbiamu mo tie mi teginma gbiamu.

Pisomi 51:17

O Diedo, yaadi n ñoacuuna Lani, n ñoabu baa kpaani ki doagidi a pagidi.

Esayi 32:3

Yaaba n nua nuni kan go yaa nua kpigili kpigili Yaaba n cengi mo yaa tuba baa yaa gba bonŋanla.

Esayi 35:5

Lanwani a juama nuni baa noadi A woma mo baa gbadi.

Esayi 42:7

Ki noadi a juama nuni, Ki teni a kpaada n ña li kpaadidieli nni Ki go teni yaaba n lo li *biigili nni n ña li niinni.

Esayi 45:13

N tigini Silusa ke o fii Kelima mi teginma po, N baa teni o sani kuli n pendi, Wani n baa goa ki maa n dogu ki faabi n niba, Ban cuo yaaba ti yonbidi. O kan tieni la panpaani leni suuli po. Mini Li Miali Diedo U Paaciamu Kuli Daano n yedi yeni.»

Esayi 49:9

Ki nan yedi a kpaada mo: ‹Ña mani!› Leni yaaba n ye li *biigili nni mo: ‹Doagidi ban le yi!› Bi baa fidi ki yaa kpaa i sankuni Ki baadi bi jiema a juana po.

Esayi 50:4

Li Miali Diedo U Tienu puni nni, Bi ŋoadikaaba yaa maama Ke min bandi min baa maadi maama ki todi Yaaba n tadi. Tiŋaagu kuli o fundi nni Ki maadi yogunu kuli n tubili nni Ke min cengi Nani bi ŋoadikaaba n cengi maama yeni.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 59:21

Li Miali Diedo yedi: «Diidi mini wani n baa kuani yaa ŋantaado leni ba: N Fuoma yaama n ye apo, Leni n maama, min kuani yaama a ñoabu nni yeni Kan ña a ñoabu nni, Bi a bila ñoana nni Bi a bila yaa bila ñoana nni.» Li Miali Diedo n yedi yeni moala po leni yaa yogunu kuli po.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Sofoni 3:12

N baa kubi yi siiga taliginba leni bi yumiindanba, Yaaba n bili bi suginma Li Miali Diedo kani, Ki baa yaa lingi bi wuonkaanu n yaa kani.

Sakari 11:11

O ŋantaado yeni den biidi lanyogu, lanyogu. A yankpenda, yaaba n den kpaagi nni den bandi ke n bontienkaala kuli den tie Li Miali Diedo n yedi yaale.

Matie 11:5

A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo.

Matie 12:18

«Diidi min gandi n naacemo yua, Wani n buado, n pali n mani yua yaa po boncianla. N baa kuani n Fuoma o niinni Wan yaa wangi i nibuoli mi *teginma.

Matie 12:20

O kan kua ki dudi yaa ñinkankagili n diegi, O kan gbindi yaa fidisancabigu n ŋubidi, Hali wan baan teni mi teginma n paadi.

Matie 4:16

Laa niba, yaaba n den ye li *biigili nni, di laa mi yencianma. Laa yenma yendi bani, Yaaba n den ka mi kuuma leni mi jinjingu n den die naankani.»

Matie 5:3

«Li pamanli ye leni yaaba n pia li yumiinli, kelima *tanpoli diema tie bi yaama.

Luki 4:17

ke bi teni o o sawalipualo *Esayi yaa tili, wan den gbabidi li, o den laa lan diani naankani yaa maama n tie na:

Luki 6:20

Lani Jesu den yaadi ki diidi o ŋoadikaaba ki yedi: «Li pamanli ye leni yinba yaaba n tie a luoda, kelima *U Tienu diema tie yi yaama.

Luki 7:22

O den goa ki yedi Jan tondiba: «Guani mani ki ban togidi Jan yin gba ki go nua yaala: A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo.

Jan n diani U Tienu Laabaaliŋamo maama 1:41

O den jaligi ki tuogi o kpelo Simono ki yedi o: «Ti laa U Tienu n Gandi Yua n tie Kilisiti.»

Jan n diani U Tienu Laabaaliŋamo maama 12:46

Mini n tie mi yenma, ki cua ŋanduna nni ke yua n daani nni kuli n da go ye li biigili nni.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jesu Tondiba Tuona 10:38

U Tienu den teni ke U Tienu Fuoma Yua jiidi Nasaleti yua Jesu po ki gbie o niinni maama, ki puni o u paalu. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli ki paagidi ba kelima U Tienu den ye leni o.

Jesu Tondiba Tuona 26:18

N soani a bikani ke ŋan ŋubidi bi nuni, ki ñani ba li *biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani ban baa bi *tuonbiadi sugili, ki baa bi u kaanu U Tienu gagidi ki ŋanbi yaaba kelima li *dandanli po yaa siiga.›

Jesu Tondiba Tuona 4:26

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi o Diedo Leni wan Gandi Yua po.›

Jesu Tondiba Tuona 4:27

Moamoani o bado *Elodo leni gufeneeli Ponisa Pilata den taani yanyenma leni yaaba n kaa tie Isalele yaaba leni Isalele yaaba kuli u naa dogu nni, ki juogi ban baa tieni maama ki cuo fini U Tienu yaa naacen-gagidiŋamo Jesu, ŋan Gandi Yua.

Kolosi 1:13

O faabi ti ki ñani ti li *biigili paaciamu nni ki kuani ti o *Bijabuadiga yaa diema nni.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po ke ban tua a piada li *dandanli nni, ki go baa wan niani ke o baa pa yaaba n bua o kuli yaa diema kaa?

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.