Luki 4:1 - Gourmanchéma Bible

¹ Jesu den ñani Judana kani ki gbie leni U Tienu Fuoma Yua. Wani U Tienu Fuoma den gedini o mi fanpienma po

U TIENU MAAMA TILI 2013

¹ Jesu den ñani Jurden kpenu kani ki gbie leni U Tienu Fuoma Yua. Wani U Tienu Fuoma Yua den gedini o mi fanpienma po.

Luki 4:1 ပူးပေါင်းရင်းမြစ်များ

1 Bi Badiba 18:12

N yaa ñani a kani ke Li Miali Diedo Fuoma cua ki taa ŋa ki gedini a min ki bani naani, ki nan sua ke n gedi ki ban waani Akabi, ke o cua kaa laa ŋa, o baa kpa nni. Mini a naacemo mo fangi Li Miali Diedo hali min tie jawaalo yaa yogunu.

1 Bi Badiba 19:4

Ama wani oba den kua mi fanpienma nni ki go ban cuoni damunli cenli, ki ban kali gene tinga ki mia mi kuuma ki yedi: «Li dagidi, Li Miali Diedo. Ŋan taa n miali moala kelima mii cie n baanba.»

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Esekieli 3:14

Lanwani U Tienu Fuoma den yua nni ki gedini nni. Li Miali Diedo paaciamu den cuo nni maama ke n kan fidi ki yie, baa ke n den caa ke n pali naa mani.

Matie 3:16

Wan den batisi o yaa yogunu, Jesu den ñani mi ñima nni. Tanpoli den luodi ke Jesu laa ke *U Tienu Fuoma ñani lipo ki ji nani ki kpaajiega yeni ki ti jagini opo.

Luki 2:27

U Tienu Fuoma den fiini o ke o cua U Tienu diegu nni. Ki canpandiga Jesu danba n den cuani o ki baa tieni opo U Tienu bali maama n bili yaala,

Luki 3:3

Lane o den caa yaa dogi n baali Judana ki wangi bi niba ke ban lebidi bi yama ke wan *batisi ba ban baa bi tuonbiadi sugili.

Luki 3:38

Kenama mo tie Enosa bijua, Enosa mo tie Seta bijua, Seta mo tie Adama bijua, Adama mo tie U Tienu bijua.

Luki 4:14

Jesu den guani *Galile leni mi Fuoma paaciamu. O yeli den ñani laa diema nni kuli.

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

Jan n diani U Tienu Laabaaliŋamo maama 1:32

Jan go den tieni yaa siedi n tie na: «N den laa ke U Tienu Fuoma ñani tanpoli ki jiidi nani ki kpaajiega yeni, ki jagini opo.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jesu Tondiba Tuona 1:2

ki taa ki pundi hali yaa daali ke o den doni tanpoli. Hali ke o daa doni, U Tienu Fuoma Yua paaciamu po, o den teni o ñoabona o tondiba wan gandi yaaba.

Jesu Tondiba Tuona 10:38

U Tienu den teni ke U Tienu Fuoma Yua jiidi Nasaleti yua Jesu po ki gbie o niinni maama, ki puni o u paalu. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli ki paagidi ba kelima U Tienu den ye leni o.

Jesu Tondiba Tuona 8:39

Ban den ñani mi ñima nni, o Diedo Fuoma den taa Filipi ke ki moagiliga ki go laa o. Ki moagiliga den suagi liiga leni o sancenli ke o pali mani.