Luki 2:9 - Gourmanchéma Bible

⁹ O Diedo maleki den doagidi o yuli bikani. O Diedo kpiagidi mo den yendi ki lindi ba, ke ti jawaandi cuo ba boncianla.

U TIENU MAAMA TILI 2013

⁹ O Diedo maleki den doagidi o yuli bi kani. O Diedo kpiagidi mo den yendi ki lindi ba, ke ti jawaandi cuo ba boncianla.

Luki 2:9 ပူးပေါင်းရင်းမြစ်များ

1 Bi Badiba 8:11

Bi kopadicianba ki den fidi ki sedi ki soani bi tuonli lienni kelima laa tawaligu po, kelima Li Miali Diedo kpiagidi den gbieni wani Li Miali Diedo diegu.

Mi Ñama 16:10

Alono n da den maadi yaa yogunu leni Isalele yaaba nitaana kuli, bi den gbegi ki diidi mi fanpienma nni ki laa ke Li Miali Diedo kpiagidi doagidi ku tawaligu nni.

Mi Ñama 16:7

Ku tiŋaagu yi baa le Li Miali Diedo yaa kpiagidi kelima o gbadi yi yenbidi, yin yenbidi maama opo. Timo tie ŋmenba ke yi baa yenbidi tipo?»

Esayi 35:2

U baa puudi bonŋanla, u pali n mangi, Wun yiini i jakoandiyani leni i pamandanyani. Bi baa pa u Libani kpiagidi, Leni Kalimeli leni Salona jigidi. Bi baa le Li Miali Diedo kpiagidi Leni ti Tienu jigidi.

Esayi 40:5

Lanwani Li Miali Diedo kpiagidi baa doagidi Ke pia miali kuli baa taani ki le ti Kelima Li Miali Diedo yaa ñoabu n maadi.»

Esayi 60:1

Fii ki sedi, ki tua yenma, kelima a yenma cua, Li Miali Diedo kpiagidi mo fii apo.

Esekieli 3:23

N den fii ki tagini u sanu ki gedi ku joaloangu nni. Li Miali Diedo kpiagidi go den ye likani nani min den laa ti maama Kebali kpenu balinma yeni. N den baa ki labini tinga po.

Matie 1:20

Wan den maliti yeni yaa yogunu, o Diedo maleki den doagidi o kani ti dangidi nni ki yedi o: «Josefi, Dafidi bijua, ŋan da jie ki taa Maliyama wan tua a pua. Kelima wan punbi yaa biga, o punbi ga kelima U Tienu Fuoma Yua yaa paalu po.

Luki 1:28

Maleki yeni den cua o kani ki yedi o: «N fuondi a, fini yua n baa li *ŋanbili U Tienu kani. O Diedo ye leni a.»

Luki 2:8

Laa tinkunu nni bi yankpaaba den ye ku muagu nni ki gu bi yandi ku ñiagu.

Luki 24:4

Ban kaa den bani ban baa maali yaala, jaba lie yaaba n laa yaa tiadi n ñuliti den doagidi ki sedi bikani.

Jan n diani U Tienu Laabaaliŋamo maama 12:41

Esayi den maadi lani kelima o den laa Jesu kpiagidi ki maadi o maama.

Jesu Tondiba Tuona 12:7

O Diedo maleki den ludi ki cua Pieli kani ke mi yenma yendi li kpaadidieli nni. Maleki den maa Pieli kalu ki fundi o ki yedi: «Fii tontoni.» Lanyogunu i kuseseli den piti o nii kani ki baa.

Jesu Tondiba Tuona 27:23

Kelima U Tienu yua n die nni ke n tuuni opo yeni yaa maleki doagidi o yuli npo ku naa ñiagu,

Jesu Tondiba Tuona 5:19

Ama ku ñiagu o Diedo maleki den luodi li kpaadidieli buliñoana ki ñani ba lienni ki yedi ba:

2 Korenti 3:18

Tinba yaaba yaa nunmu n pigidi ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni ki baadi ti kpiagidi ki pugidipugidi. O Diedo yua n tie mi Fuoma n tiendi lankuli.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

Hebilunba 12:21

Ban den laa yaala yeni kuli den pia i jeje hali ke Musa yedi: «N jie ti jawaandi hali ki digibi.»

Mi Doagidima 18:1

Lani yaa puoli n den laa malekitoa ke o ñani tanpoli po ki ji. O den pia li bali boncianla, o kpiagidi mo den yendi ki tinga.

Mi Doagidima 20:11

Lani n den laa u bali kalikaanpienciamu leni yua n ka u po. Ki tinga leni tanpoli kuli den sani ki foagidi o kani, ke baa go laa ba.