Luki 2:41 - Gourmanchéma Bible

⁴¹ Jesu danba den maani ki caa Jelusalema binli kuli mi *Pendima jaanma yogunu.

U TIENU MAAMA TILI 2013

⁴¹ Jesu danba den maani ki caa Jerusalemi binli kuli mi Pendima jaanma yogunu.

Luki 2:41 ပူးပေါင်းရင်းမြစ်များ

Mi Ñama 12:11

Yin baa ŋmani ti maama nne: yin kpa ñagini yi ciamu ti gbanñagiditi ki pili yi cacaadi ki mubini yi gbiami yi nii nni. Yi baa ŋmani ti tontoni. Li tie Li Miali Diedo yaa *Pendima jaanma.

Mi Ñama 12:14

Yi baa kubi laa daali yaa tiadima. Yi baa jaani mi jaanma ki jigindi Li Miali Diedo kelima laa tiadima yaa po. Yi baa jaani ma man tua yipo yaa bogidili n baa ye yogunu kuli.

Mi Ñama 34:23

Yi jaba kuli baa cua mini yi Diedo, Li Miali Diedo Isalele yaaba Tienu kani taalima taa binli kuli nni.

Levi 23:5

Ciyendo piiga n danaali daali yaa yenjuogu baa tie mi*Pendima jaanma Li Miali Diedo po.

Mi Coadima 28:16

Li binli ŋmakpialo piiga n danaali daali, yin jaani mi *Pendima jaanma ki kpiagi Li Miali Diedo.

Luki 2:42

Jesu n den pia piiga n bina lie, bi den gedi Jelusalema laa jaanma po nani ban maani ki tiendi maama.

Jan n diani U Tienu Laabaaliŋamo maama 11:55

Jufinba *Pendima jaanma go den nagidi ke bi niba boncianla den ñani i dogi nni ki gedi Jelusalema, ki baa ŋanbi biba hali ke mi Pendima jaanma daa pundi.

Jan n diani U Tienu Laabaaliŋamo maama 13:1

Hali ke mi *Pendima jaanma daa pundi, Jesu den bani ke wan baa ña ŋanduna nni ki gedi Baa po yaa yogunu pundi. O den bua o yaaba, yaaba n ye ŋanduna nni, o den bua ba hali mi juodima.

Jan n diani U Tienu Laabaaliŋamo maama 2:13

Jufinba jaanma, mi *Pendima jaanma yeni n den nagidi, Jesu den doni ki gedi Jelusalema.

Jan n diani U Tienu Laabaaliŋamo maama 6:4

Jufinba jaanma yaama n tie mi *Pendima jaanma den kuli.

Mi Tiadima 12:11

Lankani n baa yaa tie Li Miali Diedo yi Tienu n gandi yaa kaanu ki baa teni o yeli n yaa ye. Lankane yi baa kpendinni min bili yipo yaala kuli lan tie: yi padijuukaana, yi pada, yi dim, yin ñandi yaala opo yi kpaandi nni leni yin baa niani Li Miali Diedo yaa paabu kuli.

Mi Tiadima 12:18

Ama yinba, yi bijaba leni yi bisiaba, yi naacenba leni yi potuada leni Lefi buolu yua, yua n kaa yi siiga, baa je laa bonla Li Miali Diedo yi Tienu nintuali, Li Miali Diedo yi Tienu n baa gandi yaa kaanu yeni kani. Lanwani yi baa mangi yi pala Li Miali Diedo yi Tienu nintuali leni wan mubini yi nuu nni yaa piama kuli.

Mi Tiadima 16:16

Binli kuli taalima taa, yi siiga bi jaba kuli baa cua Li Miali Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, dana lele taalima lele jaanma po, leni a koasuga jaanma po. Bi kan cua Li Miali Diedo nintuali leni nikuomi.

1 Samueli 1:21

Li yaa puoli o calo Elikana den goa ki gedi Silo, wani leni o denpo yaaba kuli ki ban padi Li Miali Diedo po binli kuli padili leni wan den niani U Tienu yaa nianli.

1 Samueli 1:3

Binli kuli Elikana den yen fii o dogu nni ki gedi Silo dogu ki ban kpiagi Li Miali Diedo, U Paaciamu Daano, ki padi opo a pada. Eli bijaliediba Ofini leni Finea den ye likani ki tie Li Miali Diedo kopadicianba.