Luki 2:4 - Gourmanchéma Bible

⁴ Josefi moko den fii Nasaleti dogu yu n ye *Galile diema nni, ki gedi Jude diema Dafidi maadogu Betelema nni kelima o den tie Dafidi puoliŋuanu, leni o diegu nni yua.

U TIENU MAAMA TILI 2013

⁴ Josefi moko den fii Nasareti dogu yuu n ye Galile diema nni, ki gedi Jude diema Davidi maadogu Betelemi nni, kelima o den tie Davidi puoliŋuanu leni o diegu nni yua.

Luki 2:4 ပူးပေါင်းရင်းမြစ်များ

Mi cilima 35:19

Lasela den kpe ke bi den piini o Yufilata yaa sanu po yu n go yi Betelema.

Mi cilima 48:7

Min den ñani Padana dogu nni ki goa, Lasela den kpe n kani u sanu nni Kanana diema nni ke ti daa pundi Yufilata. N den piini o lankani Yufilata yu n go yi Betelema yaa sanu nni.»

Mise 5:2

Lani yaa po U Tienu baa ŋa o niba bi yibalinba nuu nni, Hali yaa pua n baa maa ki bonjaga yeni Yaa mali ga yaa yogunu. Lanwani ki biga yeni kpiiba yaaba n sieni Ki ye foagima baa goa ki kpeni Bi lieba Isalele yaaba diema nni.

Matie 1:20

Wan den maliti yeni yaa yogunu, o Diedo maleki den doagidi o kani ti dangidi nni ki yedi o: «Josefi, Dafidi bijua, ŋan da jie ki taa Maliyama wan tua a pua. Kelima wan punbi yaa biga, o punbi ga kelima U Tienu Fuoma Yua yaa paalu po.

Matie 2:23

O den ban kali Nasaleti dogu nni. Li den tieni yeni ke bi sawalipuaba n den yedi yaala n tieni, lani n tie na: «Bi baa yini o Nasaleti yua.»

Luki 2:3

Yua kuli den caa ke ban coadi o o dandogu nni.

Luki 2:5

O den gedi ke ban ban coadi wani leni o toginaa Maliyama, yua n den punbi.

Luki 4:16

Jesu den gedi Nasaleti wan den fandi naani. *U Tienu fuodima daali o den kua li bali maama bangima dieli nni, nani wan den maani ki tiendi maama. O den fii ki baa cogi U Tienu maama,

Jan n diani U Tienu Laabaaliŋamo maama 1:46

Nataneli den buali o: «Naani yaala n ŋani baa fidi ki ña Nasaleti bi?» Filipi den yedi o: «Cua na ki ban le.»

Jan n diani U Tienu Laabaaliŋamo maama 7:42

Naani i Diani ki yedi ke U Tienu n Gandi Yua baa tie Dafidi puoliŋuanu, ki ña Betelema dogu nni Dafidi dandogu nni kaa?»

Ruti 1:19

Bikuli den yegi ki gedi Betelema. Ban den kua u dogu nni, li den lidi u dogu nni yaaba kuli, ke bi puoba tua: «Li ko li tie Naomi yo?»

Ruti 2:4

Lan den yen waamu, Boasa den ñani Betelema ki cua. O den tuondi bi tuonsoanba ki yedi: «Li Miali Diedo n yaa ye leni yi.» Bi den goa ki yedi o: «Li Miali Diedo n seligi a.»

Ruti 4:11

A nikpela leni yaaba n den ye u dogu bilinciamu buliñoabu kani kuli den yedi: «Ti tie a siedinba, Li Miali Diedo n teni ke yaa pua n baa kua a diegu nni yeni n yaa tie nani Lasela leni Lea yeni, bani yaa poliediba n mali Isalele yaaba buolu yeni. A paalu n doagidi Yufilata buolu yaaba siiga, a yeli n kpedi Betelema nni.

Ruti 4:17

O yieninlieba yaaba n tie puoba den yedi: «Naomi baa bonjaga.» Bi den yini o Obedi. Wani n mali *Isayi, Isayi mo mali Dafidi.

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 16:4

Samueli den tieni Li Miali Diedo n den yedi o yaala ki gedi Betelema. U dogu nikpela den cua o kani leni i jeje ki yedi o: «A cua laafia?»

1 Samueli 17:12

Dafidi den tie *Isayi bijua. Isayi yeni den tie Yufilata yua, lani n tie Juda diema nni Betelema yua. O den pia bijaba nii. Sayula yogunu wani Isayi den kpeligi ki podi.

1 Samueli 17:58

Sayula den yedi o: «O jawaalo, a tie ŋme yaa bijua yo?» Dafidi den goa ki yedi o: «N tie a naacemo Betelema yua Isayi yaa bijua yo.»

1 Samueli 20:6

A baa yaa tiadi ki buali npo, ŋan yedi o: ‹O den mia nni ke min cedi wan sani ki gedi o dogu Betelema, kelima o deni yaaba pia ban maani ki padi yaa padili binli kuli likani.›