Luki 2:11 - Gourmanchéma Bible

¹¹ Lani n tie ke dinla, Dafidi dogu nni, bi mali yipo o Candaano, yua n tie Kilisiti, o Diedo.

U TIENU MAAMA TILI 2013

¹¹ Dinla, Davidi dogu nni, bi mali yi po o Candaano, yua n tie Kilisiti, o Diedo.

Luki 2:11 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

Mi cilima 49:10

Li bali yaa gbiamu kan foagidi Juda kani, O badiciamo yaa gbiamu kan fuadi o taana nni. Hali yua n die o n baa cua, Bi niba kuli n baa tuo yua.

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi Li Miali Diedo Leni wan gandi yua po ki tua:

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Matie 1:16

Jakobo n maa Josefi, Maliyama calo, yaa pua n den mali Jesu ke bi yi o Kilisiti.

Matie 1:21

O baa maa bonjaga, ŋan yini o Jesu, kelima wani n baa faabi o niba leni bi *tuonbiadi.»

Matie 16:16

Simono Pieli den goa ki yedi o: «A tie *U Tienu n Gandi Yua, U Tienu yua n fo yaa Bijua.»

Matie 16:20

Lane o den maadi leni o ŋoadikaaba leni li bali, ki yedi ke ban da waani oba ke o tie U Tienu n Gandi Yua.

Luki 1:43

Be n teni ke n baa ke fini n Diedo naa cua n kani?

Luki 1:69

Ki fiini tipo o naacemo Dafidi diegu nni Yaa Candaano n pa.

Luki 2:26

Li den sua ke U Tienu Fuoma Yua tuodi ki doagidi ki waani o ke o kan kpe kaa laa o Diedo n *Gandi Yua.

Luki 2:4

Josefi moko den fii Nasaleti dogu yu n ye *Galile diema nni, ki gedi Jude diema Dafidi maadogu Betelema nni kelima o den tie Dafidi puoliŋuanu, leni o diegu nni yua.

Jan n diani U Tienu Laabaaliŋamo maama 1:41

O den jaligi ki tuogi o kpelo Simono ki yedi o: «Ti laa U Tienu n Gandi Yua n tie Kilisiti.»

Jan n diani U Tienu Laabaaliŋamo maama 1:45

Filipi den tuogi Nataneli ki yedi o: «Ti laa ban maadi yua yaa maama Musa n den diani yua yaa po li bali maama nni, leni bi sawalipuaba n den diani yua po lani n tie Nasaleti yua Jesu Josefi bijua.»

Jan n diani U Tienu Laabaaliŋamo maama 11:27

Malata den yedi o: «Mm, n Daano, n daani ke a tie *U Tienu n Gandi Yua, U Tienu Bijua, yua n den baa cua ŋanduna nni.»

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 4:25

O pua yeni den yedi o: «N bani ke *U Tienu n Gandi Yua baa cua, wani, ban yi yua Kilisiti yeni. O yaa cua o baa waani ti li bonla kuli.»

Jan n diani U Tienu Laabaaliŋamo maama 4:42

Bi den yedi o pua yeni: «Moala, laa di tie ŋan bi waani ti yaa maama bebe ka teni ke ti tuo ki daani o, tinba tiba gbadi o maama ki bani ke moamoani wani n tie ŋanduna Candaano.»

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Jan n diani U Tienu Laabaaliŋamo maama 7:41

Bine mo den yedi: «One n tie U Tienu n Gandi Yua.» Bine mo den tua: «Naani U Tienu n Gandi Yua baa ña Galile yoo?

Jesu Tondiba Tuona 10:36

U Tienu den soani u tondu Isalele yaaba po ki waani ba mi yanduanma Laabaaliŋamo, kelima Jesu Kilisiti yaa po, wani yua n tie bi niba kuli Diedo.

Jesu Tondiba Tuona 13:23

U Tienu den tieni wan den niani yaa ñoanianu ki teni ke bi mali Jesu ke o tie Dafidi puoliŋuanu ki tie Candaano Isalele buolu yaaba po.

Jesu Tondiba Tuona 17:3

O den bundi ki doagidi ke li tie tiladi ke *U Tienu n Gandi Yua n le fala ki kpe ki go fii bi tinkpiba siiga. O den yedi ba: «Min wangi yi Jesu yua yaa maama na, wani n tie U Tienu n Gandi Yua yeni.»

Jesu Tondiba Tuona 2:36

Pieli go den yedi: «Lani yaa po yinba Isalele yaaba kuli, yin bandi mani bonŋanla ke U Tienu teni ke Jesu, yin den joani yua li dapoanpoanli po, tie o Diedo leni U Tienu n Gandi Yua.»

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano ke wan pa Isalele yaaba ban lebidi bi yama ki baa sugili bi*tuonbiadi po.

1 Korenti 15:47

O nikpialo den ñani ki tinga tama nni ki tie ki tinga yua, o nilielo ñani tanpoli.

Filipi 2:11

Ke nilo kuli mo n tuo Ke Jesu Kilisiti n tie o Diedo, U Tienu yua n tie Baa yaa kpiagidi yaa po.

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

Kolosi 2:6

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni,

1 Jan 4:14

Tinba n den laa ki tiendi siedi ke Baa soani o Bijua, ke o tie ŋanduna Candaano.

1 Jan 5:1

Yua n daani ke Jesu tie *U Tienu n Gandi Yua, tie U Tienu biga. Yua n bua ki biga baa kuli baa bua o biga mo.