Luki 2:10 - Gourmanchéma Bible

¹⁰ Maleki den yedi ba: «Da jie mani. Kelima n cuani yipo o laabaaliŋamo, yua n baa tua bi niba kuli po pamancianli.

U TIENU MAAMA TILI 2013

¹⁰ Maleki den yedi ba: «Da jie mani, kelima n cuani yi po o laabaaliŋamo, yua n baa tua bi niba kuli po pamancianli.

Luki 2:10 ပူးပေါင်းရင်းမြစ်များ

Mi cilima 12:3

N baa seligi yaaba n seligi a, N baa soli yaaba n fali a, Ki tinga nibuoli kuli baa baa li seli kelima a yaa po.»

Esayi 40:9

Yinba Siyono yaaba, o laabaaliŋamo tonda, Do mani yaa juali n kpedi po, Ki kpedi yi niali lan yaa pa. Yinba Jelusalema yaaba, o laabaaliŋamo tonda, Kpedi mani yi niali ki da jie Ki yedi Juda yaaba dogi: «Na mani yi Tienu nne!»

Esayi 41:27

Mini n den kpa puni li laabaalo Siyono nni ki yedi: ‹Diidi ba, bi cua.› Ki yedi bani Jelusalema yaaba mo: ‹N soani o laabaaliŋamo tondo.›

Esayi 49:6

O den yedi nni: «Min teni ke a tua n naacemo yeni daa dagidi. A baa fiini Jakobo buoli yaaba Ki nan guani Isalele yaaba siiga yaaba n sieni. N go gandi a ke ŋan tua mi yenma i nibuoli po Ke n *faabima mo n talini Ki pundi hali ŋanduna banlu kuli po.»

Esayi 52:10

Li Miali Diedo yugidi o buagu yaagu n Gagidi ki ŋani Ke diema kuli n le gu. I tinbiani kuli yaaba baa le Ti Tienu faabima.

Esayi 52:7

Diidi mani yua n cuoni a juana po Ki caagi o laabaaliŋamo cenli n ŋani maama! Yua n kpaani mi yanduanma laabaalo, Yua n kpaani mi *faabima laabaalo! Yua n yedi Siyono yaaba: «Yi Tienu n kaa ti gbandi po.»

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Sakari 9:9

Mangi mani yi pala, yinba Siyono dogu yaaba! Kpaani mani i pamandankpaani, yinba Jelusalema yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Matie 14:27

Jesu den jaligi ki yedi ba: «Duani mani yi yama. Mine. Yin da jie mani.»

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Matie 28:5

Maleki yeni den yedi bi puoba: «Yinba wani n da jie mani, n bani ke yi lingi Jesu ban den joani yua li *dapoanpoanli po.

Marki 1:15

ki tua: «U yogunu pundi, *U Tienu diema yogunu nagini. Yin lebidi ki tuo o Laabaaliŋamo.»

Marki 16:15

Lani o den yedi ba: «Gedi mani ŋanduna nni kuli ki ban yaa wangi bi niba kuli o Laabaaliŋamo.

Luki 1:13

Ama Maleki den yedi o: «Sakali, ŋan da jie, U Tienu ga a miabu, a pua Elisabeta baa maa apo bonjaga, ŋan yini o Jan.

Luki 1:19

Maleki den goa ki yedi o: «Mini Gabiyeli, yua n ye U Tienu kani ki tuuni opo. O soani nni ke min maadi a ki waani laa laabaaliŋamo.

Luki 1:30

Maleki den yedi o: «Maliyama, ŋan da jie, kelima a baa li ŋanbili U Tienu kani.

Luki 2:11

Lani n tie ke dinla, Dafidi dogu nni, bi mali yipo o Candaano, yua n tie Kilisiti, o Diedo.

Luki 24:47

ke bi baa cili Jelusalema na ki yadi ki gedi i nibuoli kuli po ki ban yaa wangi ke bi niba n lebidi bi yama ki baa sugili bi tuonbiadi po.

Luki 8:1

Yaa dana n ŋua Jesu den goagoadi i dociami leni i dowaali nni kuli, ki kpaani ki wangi *U Tienu diema Laabaaliŋamo.

Jesu Tondiba Tuona 13:32

Tinba tiba wangi yi laa Laabaaliŋamo. U Tienu n den niani ti yaajanba yaa ñoanianu, o kuani u tinba yaaba n tie bi puoliŋuani yeni po, ki fiini Jesu bi tinkpiba siiga. Li diani Pisoma tili nni diani lie kani yaa maama n tie na: ‹A tie n Bijua, Mini n mali a dinla.›

LOMA YAABA 10:15

Oba kuli yaa soani U Tienu mawangikaaba mo, bi baa ga lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili ki baa wangi bi nilanba o Laabaaliŋamo, yua n doagidi Kilisiti n pia yaa ŋalimani n yaba hali ke li kandi maama.

Kolosi 1:23

Li baa tie yeni ke yi n yaa se bonŋanla yaa tanpuuli n pa po kelima yi dandanli po, ki naa lebidi ki ŋa o Laabaaliŋamo suginma, yin den baa yaama. Bi waani ŋanduna yaaba kuli o Laabaaliŋamo yeni, mini Polo mo n tua yua yaa naacemo.