Luki 18:9 - Gourmanchéma Bible

⁹ Jesu go den pua mi naa kpanjama kelima bi nitianba yaaba n pagi bi yula ke bi tiegi, ki fali yaaba n sieni yaa po.

U TIENU MAAMA TILI 2013

⁹ Jesu go den pua mi naa kpanjama nitianba yaaba n jigini bi yula ke bi tiegi, ki fali yaaba n sieni po.

Luki 18:9 ပူးပေါင်းရင်းမြစ်များ

Mi Kpanjama 30:12

Bi nitianba tama ke bi tiegi cain Ke bi joagindi naa wali ki ñani.

Esayi 65:5

Bi tua: «Fangi a yuli Ki da nagini nni! Kelima n baa gagidi ki ŋanbi a.» Laa bonla kuli tie muñii yo n miani nni Nani yaa fantama n co u yogunu kuli yeni.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Levi 13:32

O kopadiciamo go baa diidi li legili yeni li daleleeli daali bonŋanla. O yaa sua ke li legili yeni naa talini ke likani yudi naa duudi ke li legili mo naa mia,

Luki 10:29

Li balimaama bangikaciamo yeni den bua ki saa o yuli po i moamoani ki yedi Jesu: «Ŋme nan tie n nisaalilielo?»

Luki 15:2

*Falisieninba leni li *bali maama bangikaaba den yenbidi ki tua: «O ja na gaani i tagibiadi danba cangu ki go di leni ba.»

Luki 16:15

O den yedi ba: «Yinba yi moandi ke bi niba n yaa nua ke yi tiegi, ama U Tienu wani n bani yi pala. Bi niba n nua ke yaala n pia ti kpiagidi yeni tie caginde U Tienu po.

Luki 18:11

Falisieni yeni den sedi ki jaandi o pali nni ki yedi: ‹U Tienu, n tuondi a kelima mii taa leni yaa niba n sieni ki tie concona, leni bi nibiadiba, leni mi conconma danba, n tuondi a ke mii taa leni yaa lubigaalo n tie na moko.

Luki 19:7

Bi niba kuli den laa lani ki yenbidi ki tua: «O ja na gedi ki ban cani u tagibiadu daano.»

Luki 7:39

Yaa Falisieni n den yini Jesu n den laa lani, o den yedi o yama nni: «One yaa bi tie sawalipualo moamoani o bi baa bandi yaa pua n siigi o na n tie yua, leni o tagu n tie maama, ke o tie tagibiadu daano.»

Jan n diani U Tienu Laabaaliŋamo maama 8:48

Jufinba den goa ki yedi o: «Tii pia moamoani ka ki yedi ke a tie Samali yua ki pia ki cicibiadiga?»

Jan n diani U Tienu Laabaaliŋamo maama 9:28

Bi den sugidi o ki yedi: «Fini n tie o ŋoadika, tinba wani tie Musa yaa ŋoadikaabe.

Jan n diani U Tienu Laabaaliŋamo maama 9:34

Bi den goa ki yedi o: «Fini yua n mali ki go fandi ti tuonbiadi nni, fini n bangi tinba?» Bi den deli ki ñani o.

Jesu Tondiba Tuona 22:21

Lani o Diedo den yedi nni: ‹Fii ki gedi, kelima n baa soani a hali foagima, bi nilanba po.› »

LOMA YAABA 10:3

Ban ki bani U Tienu n puuni yaa *moamoansaali yeni, li teni ke bi lingi bi yula po li moamoansaali ki naa lingi li U Tienu kani.

LOMA YAABA 14:10

Lanwani fini, be yaa po ke a ja ti buudi leni a kpiilo? Be yaa po ke a fali a kpiilo yeni? Tikuli baa sedi U Tienu bujiali kaanu kani.

LOMA YAABA 14:3

Yua n tama ke o fidi ki je li bonla kuli n da fali yua n kaa di jetianma. Yua n kaa di jietianma mo n da jia ti buudi leni yua n daani ke o baa fidi ki je li bonla kuli yeni kelima U Tienu tuo o.

LOMA YAABA 7:9

Min ki den pia li bali maama yaa yogunu n den ye ki fo, ama li bali maama n den cua ti tuonbiadi den faadi,