Luki 16:3 - Gourmanchéma Bible

³ O ŋalimankubilo yeni den yedi o pali nni: ‹N canbaa baa ñani nni li ŋalimankubili tuonli nni. N baa tieni lede? Ki ko bu kpaabu? N kan fidi. Ki yaa miadi? Bu miabu pia npo i fe.

U TIENU MAAMA TILI 2013

³ O ŋalimankubilo yeni den tia o pali nni: ‹N canbaa baa ñani nni o ŋalimankubili nni. N baa tieni lede? Ki ko bu kpaabu? N kan fidi. Ki yaa miadi? Bu miabu pia n po i fe.

Luki 16:3 ပူးပေါင်းရင်းမြစ်များ

Esiteri 6:6

Hamana den kua ke o bado yedi o: «Mini o bado yaa bua ki kpiagi o nilo, n baa tieni o lede?» Hamana den kpaagi line: «O bado baa yaa bua ki kpiagi ŋme li yaa tie mini yaaka?»

Mi Kpanjama 13:4

O kpadijedaano pia wan bua ki baa yaala ki nan kan baa la, Ama bi tuonsoanba wani baadi ban bua yaala.

Mi Kpanjama 15:19

O kpadijedaano sanu gbie leni i konkoni, Ama bi niteginkaaba yaa yu koadi ki ŋanbi.

Mi Kpanjama 18:9

Yua n tuuni li tuonli ki yoaligidi o buadi, Tie yua n bolindi yaa kpiilo yo.

Mi Kpanjama 19:15

I kpadije kpendinni mi goacianma, Yua n ki tuuni mo baa luo li bonjekaala.

Mi Kpanjama 20:4

Ti wadi teni ke o kpadijedaano ki bua ki ko, Ama u jetaagu yogunu o fii ki lingi ke pu naa go ye.

Mi Kpanjama 29:21

Ban gbabini yaa naacemo hali o biwaama nni, O yen ti tama ke o tie o canbaa bijua yo.

Esayi 10:3

Yi baa tieni lede fala daali leni yaa yebiadima n ye foagima ki kpendi yeni po? Yi baa sani ki gedi ŋme yaa po yo ki baa mi todima? Yi baa ŋa yi piama le yo?

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Ose Tili 9:5

Mi *jaanma dana yeni yaa ti pundi, Mani Li Miali Diedo jaanma yeni, Yi baa tieni be?

Matie 20:8

Ku jofangu n den pundi, o koadaano den yedi o tuonsoanjiido: ‹Yini bi tuonsoanba na ki pa ba bi pani, ki cili leni yaaba n yuandi ki kua, ki ban juodi leni yaaba n kpa kua.›

Marki 10:46

Jesu leni o ŋoadikaaba den pundi Jeliko dogu nni. Ban den ña laa dogu nni bi den yegi leni yaa niligu n yaba, ke o juanmiado, Time bijua yua n yi Batime, ka u sankunu.

Luki 12:17

O den kpaagi ki yedi o pali nni: ‹N baa tieni lede? Kelima mii pia min baa bili n kpaandi kuli naani.›

Luki 16:2

O den yini o ki yedi o: ‹N gba ke bi maadi apo be n yeni? Doagidi ki waani nni a ŋalimankubili tuonli fuuli, kelima a kan go baa ki yaa tie n ŋalimankubilo.›

Luki 16:20

O luodo moko den ye ke bi yi o Lasala. O den yen dua o piado yeni diegu buliñoajabu nni ke o gbanandi kuli tie nala.

Luki 16:22

To, o luodo den kpe ke malekinba taa o ki gedini Abalahama kani. O piado moko den ti kpe ke bi piini o.

Luki 16:4

N bani min baa tieni maama ke o yaa ti ñani nni li ŋalimankubili tuonli nni, ke n gedi ki cani yaaba kuli, ban ga n cangu.›

Luki 18:4

O bujialo den waagi ki yiedi. Li yaa puoli o den ti maadi o yuli ki yedi: ‹Baa ke mii jie U Tienu kaa fangi niloba mo,

Jan n diani U Tienu Laabaaliŋamo maama 9:8

Lane o yieninlieba leni yaaba n den kpa laadi o ke o tie miado den buali biyaba ki tua: «One ka tie yua n den ka ki miadi yeni?»

Jesu Tondiba Tuona 3:2

Bi niba den yuani yaa ja n mali ki tie wabo. Daali kuli bi den yuani o ki kaandi o U Tienu diegu buliñoajabu yaabu n yi bu Buliñoaŋanbu kani, ke wan yaa miadi yaaba n kua U Tienu diegu nni.

Jesu Tondiba Tuona 9:6

«Fii ki kua u dogu nni, bi baa waani a ŋan baa tieni yaala tiladi.»

2 Tesaloniki 3:11

Ti maadi yeni kelima ti gba ke yi siiga bi nitianba yie kaa tuuni tuonliba kuli, ama ki goadi leni bu tingbangbaabu.