Luki 11:2 - Gourmanchéma Bible

² Jesu den yedi ba: «Yi yaa yen baa jaandi yin yedi: ‹Ti Baa, a yeli n baa mi gagidima. A diema n cua.

U TIENU MAAMA TILI 2013

² Jesu den yedi ba: «Yi yaa yen baa jaandi, yin yedi: ‹Ti Baa, a yeli n baa mi gagidiŋanma. Ŋan teni a diema n cua.

Luki 11:2 ပူးပေါင်းရင်းမြစ်များ

1 Bi Badiba 8:43

fini yua n ye hali tanpoli ŋan cengi ki guani o caano yeni po wan mia ŋa yaala kuli. Yeni ki tinga nibuoli kuli baa bandi a ki yaa fangi a nani a niba Isalele yaaba n fangi a maama. Bi go baa bandi moko ke a yeli ye min maa yaa diegu ne niinni.

2 Bi Badiba 19:19

Lanwani Li Miali Diedo ti Tienu, ŋan ga ti Senakeliba nuu nni, ke ŋanduna diema kuli n bandi ke fini Li Miali Diedo bebe n tie U Tienu.»

2 Bi Badiba Jama 20:6

O den yedi: «Li Miali Diedo ti yaajanba Tienu, fini ka ye hali tanpoli po, ki die ki tinga nibuoli kuli? U paaciamu leni u fidu kuli ye a yaa nuu nni kaa? Oba kuli kan fidi ki niagi leni a.

Pisomi 103:20

Pagi mani Li Miali Diedo, yinba o malekinba, Yinba yaaba n pia u paalu ki tiendi wan yedi yaala.

Pisomi 108:5

Kelima a *ŋanbili kpedi ki cie tanpoli, A moamoani mo pundi hali ti tawadi nni.

Pisomi 11:4

Li Miali Diedo ye o diegagidikaali nni. Li Miali Diedo bali kalikaanu ye tanpoli po. O nuni diidi ki baa le bi nisaaliba n tie maama.

Pisomi 57:11

Kelima a ŋanbili ban pundi hali tanpoli. A moamoani mo pundi hali ti tawadi nni.

O Yanfuodaano 5:2

Yeni de, i yanbankandike n kpendinni ti dangidi, mi makandikaama n kpendinni mi gaadimaama.

Esayi 63:16

Fini n tie ti Baa Abalahama wani ki bandi ti, Isalele mo ki bani ki gagidi ti. Fini Li Miali Diedo, fini n tie ti Baa Fini n tie ti Gaaka yaa yogu n tu yaa yogu.

Esekieli 36:23

N baa gagidi ki ŋanbi n yeli yaali n yaba yeni, i nilanbuoli n den jugi yaali yeni. Yin den jugi bi siiga yaa yeli yeni. Yin baa teni min gagidi ki ŋanbi yi siiga yaa yogunu, i nilanbuoli yeni baa bandi ke n tie Li Miali Diedo. O Diedo, Li Miali Diedo n yedi yeni.

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Levi 10:3

Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 22:23

A baa fidi ki cuani nua bi pia ke o taayenli foagi bi ke li koabi, li yaa tie yanbuama bi tuondi paabu po. Ama li kan tuo ŋan cuani laa yanga buolu li nianli po.

Habakuki 2:14

Ki tinga niba baa gbie leni mi bandima, Yaala n tie Li Miali Diedo paalu leni o kpiagidi, Nani mi ñincianma n gbie mi kaanu maama yeni.

Matie 10:32

Lani yaa po yua n tuo nni bi niba nintuali, n moko baa tuo o n Baa yua n ye tanpoli nintuali.

Matie 3:2

ki tua: «Lebidi mani yi yama kelima *tanpoli diema kuli.»

Matie 5:16

Yeni yin cedi mani yi yenma n yendi yeni bi niba kani ke ban le yi tuonŋama ki kpiagi yi Baa yua n ye tanpoli po.

Luki 11:1

Dayenli Jesu den jaandi kaanuba. Wan den jaandi ki gbeni, o ŋoadikaaba siiga yendo den yedi o: «N Daano, bangi ti tin baa jaandi maama, nani Jan n bangi o yaa ŋoadikaaba maama.»

LOMA YAABA 1:7

N diani yipo, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi opo. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 8:15

U Tienu naa puni yi yaa Fuoma n teni ke yi tie yonbi ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali ke ti kpaani ki tua U Tienu: «Ti Baa, ti Baa.»

1 Korenti 1:3

Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma.

2 Korenti 1:2

Ti Baa U Tienu leni ti Diedo Jesu Kilisiti yaa *ŋanbili leni o yanduanma n yaa ye leni yi.

Galati 1:4

Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Efesa 1:2

Ti Baa U Tienu leni o Diedo Jesu Kilisiti *ŋanbili leni o yanduanma n yaa ye leni yi.

Filipi 1:2

Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma.

Filipi 4:20

U Tienu ti Baa n yaa pia ti kpiagidi hali yaa yogunu kuli. Amina.

Kolosi 1:2

yinba ti kpiiba yaaba n tie bi *nigagidiŋanba leni bi nidugikaaba Kilisiti nni ki ye Kolosa po po. Ti Baa U Tienu n pa yi li *ŋanbili leni mi yanduanma.

1 Tesaloniki 1:1

Mini Polo leni Silasa leni Timote n diani li tili yinba Kilisiti n yini yaaba, yaaba n ye Tesalonika yaa po ki ye U Tienu yua n tie Baa niinni leni o Diedo Jesu Kilisiti niinni. U Tienu *ŋanbili leni o yanduanma n yaa ye lenli yi.

1 Tesaloniki 1:3

Ti tiani yogunu kuli kaa cedi ti Baa U Tienu kani yi *dandanli leni yi buama ti Diedo Jesu Kilisiti po n teni ke yi tuuni maama, leni yi suginma n se bonŋanla maama.

2 Tesaloniki 2:16

Ti Diedo Jesu Kilisiti wani oba, leni ti Baa U Tienu yua n den bua ti, ki puni ti kelima o *ŋanbili po yaa baagi n ki pia mi gbenma leni yaa suginma n ŋani,

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»

Mi Doagidima 19:6

Lani n den gbadi ku fuugu ke ku tie nani yaa niligu n yaba yaa fuugu, ki go tie nani mi ñincianma yaa fuugu, leni i tatantanciami yaa fuugu yeni, ke ku tua: «Aleluya. O Diedo U Tienu, U Paaciamu Kuli Daano cili o diema.

Mi Doagidima 20:4

N den laa i bali kalikaani, ke yaaba n ka ipo den baa li bali ki baa jia ti buudi. N go den laa ban jendi yaaba yaa yula yaa naani kelima Jesu yaa siedi po leni U Tienu Maama po, leni yaaba n kaa den gbaani ki kpiagi ki fuayanga leni ki nannanli, kaa ga o maalima bi yutuna yaaka bi nii po. Bi den goa ki baa li miali ki die leni Kilisiti hali bina tudili.