LOMA YAABA 8:7 - Gourmanchéma Bible

⁷ Li tie yeni, ki yaa ŋua ti gbanandi n bua yaala tie ti yibalindi leni U Tienu, kelima laa tuo ki tiendi U Tienu balimaama n bili yaala, li kan fidi moko.

U TIENU MAAMA TILI 2013

⁷ Ti gbanandi n bua yaala tie U Tienu yibali, kelima laa tuo ki tiendi U Tienu bali maama n bili yaala. Li kan go fidi ki tieni la mo.

LOMA YAABA 8:7 ပူးပေါင်းရင်းမြစ်များ

2 Bi Badiba Jama 19:2

O sawalipualo Hanani bijua Jehu den tuogi o bado Josafati ki yedi o: «Be yaa po ke a todi o nibiado? Naani a bua yaaba n nani Li Miali Diedo yo? Kelima ŋan tieni yaala yaa po yeni, Li Miali Diedo pali beni apo.

Jobi 15:13

A bieni a pali leni U Tienu yo, Ki yaadi a ñoabu ki maadi laa maama buolu?

Pisomi 53:1

Bi yanyanba yudaano yani siiga yanbu yaabu n yiini leni ki yeliga. Dafidi yanbu.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li *nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Jeremi 13:23

Naani Etiopi yua baa fidi ki lebidi o boanu? Naani o naamunpieno wani baa fidi ki lebidi o gbanu lega? Naani yinba wani n maani ki tieni yaala n gundi yeni, Yi go baa fidi ki tieni yaala n ŋani?

Esekieli 14:5

Yeni, n maguankaama baa yagi Isalele yaaba yama, bani yaaba n ŋa nni kelima bi buli kuli po yeni.

Matie 12:34

Yinba, u waalabi-buolu na, yin bia maama na, yi baa ga lede ki fidi ki maadi yaa maama n ŋani? O nilo maadi yaala n gbie o pali nne.

Matie 5:19

Yua n miidi li bali maama nni baa yaama n wa ki cie siiga mayenma, ki go bangi bi niba ban yaa tiendi yeni, o baa tua yua n wa ki cie tanpoli diema nni. Yua mo n tiendi man bili yaala ki go bangi ma, o baa tie niciamo tanpoli diema nni.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋa ba ke bi yantiabiada paadi ba, ke ban yaa tiendi yaala n ki pundi.

LOMA YAABA 1:30

Bi go tie bi ñoakpalidanba ki maadi bi lieba po yaala n bia leni U Tienu yiekaaba leni bi yusiedanba, leni bi japaadanba, leni yaaba n pagi bi yula. Bi go cili yaa biadima n kaa den kpa ye, ki tie bi danyiekaaba moko.

LOMA YAABA 3:31

Naani tin wangi li dandanli maama yeni, li bua ki yedi ke ti teni ke U Tienu bali maama ki go pia mayuli bi? Kalam, ti doagidi li bali maama n pia yaa mayuli moamoani.

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o kelima o Bijua kuuma po. Lanwani moala ke ti mangi leni o, laa pia kuli tama ke ti baa tindi kelima o yaa miali po.

LOMA YAABA 7:22

N pali tugu nni U Tienu bali maama mani npo.

LOMA YAABA 8:4

U Tienu den tieni lankuli ke li bali maama n bili yaa teginma n tieni ti niinni, tinba yaaba n tiendi U Tienu Fuoma n bua yaala, ki naa tiendi ti gbandi n bua yaala.

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.

1 Korenti 9:21

Li bali maama n kaa die yaaba moko yaa siiga, n tua nani maa die nni yeni, baa ke mi die nni, kelima Kilisiti bali maama die nni, ke min fidi ki dadi li bali maama n kaa die yaaba.

Kolosi 1:21

Yinba yaaba n den tie bi canba leni U Tienu yibalinba kelima yi yantiabiada leni yi tuonbiada po,

Kolosi 2:18

Yin da tuo niloba kuli n fie yi nuama panpaani nani wan bua maama, baa yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

2 Timote 3:4

leni i janbi danba, leni bi yanjegibidanba, leni bi yusiedanba, ki bua yaala n mani bipo ki cie U Tienu.

Hebilunba 8:10

O Diedo go yedi: «Laa dana yaa pendi, Diidi min baa kuani Leni Isalele buolu yaaba yaa ŋantaado: N baa kuani n balimaama bi yantiana nni Ki diani ma bi pala nni. N baa tie bi Tienu, Bani mo baa tie n niba.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

2 Pieri 2:14

Bi nuni gbie leni mi conconma. Bi kan tieni tuonbiadi ki guo. Bi boandi ki dadi yaaba n tadi, ki gbie leni mi ŋaliŋabuama. U Tienu solindi jagi bi yula po.