LOMA YAABA 8:18 - Gourmanchéma Bible

¹⁸ Lani yaa po n bani ke tin laadi yaa fala yaa yogunu n tie na kan fidi ki boagini leni U Tienu n baa doagidi yaa kpiagidi yaadi n baa ye.

U TIENU MAAMA TILI 2013

¹⁸ Lani yaa po, n bani ke tin laadi yaa fala yaa yogunu n tie ne, kan fidi ki boagini leni U Tienu n baa doagidi yaa kpiagidi, yaadi n baa yaa ye.

LOMA YAABA 8:18 ပူးပေါင်းရင်းမြစ်များ

Jesu Tondiba Tuona 20:24

Ama mii nua n miali ke li tie bonmoanla, yaala n pia npo mayuli tie ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu *ŋanbili yaa Laabaaliŋamo.

LOMA YAABA 8:19

Mi tagima kuli gu leni mi sugincianma U Tienu n baa doagidi o bila yaa yogunu.

Kolosi 3:4

Kilisiti, yua n tie yi miali, yaa go cua ki doagidi o yuli yaa yogunu, yi moko baa taani ki doagidi leni o o kpiagidi nni.

2 Tesaloniki 2:14

U Tienu den yini yi lankuli po kelima tin den waani yi yaa Laabaaliŋamo po, ke yin baa yi biinu ti Diedo Jesu Kilisiti kpiagidi nni.

Titi 2:13

ki go gu tin sugini yaala ke li pia li pamancianli yeni, lani n tie ti Tienu yua n tie Tienciamu leni ti Candaano Jesu Kilisiti yaa kpiagidi yaa doagidima.

Hebilunba 11:35

Li dandanli po den teni ke bi potianba baa ke bi kpiiba yaaba n kpe goa ki fii bi tinkpiba siiga. Bi den waani bi nitianba mo fala ke baa tuo ki ga mi faabima kelima bi den bua ki baa yaa tinkpifiima n ŋani ki cie.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

1 Pieri 5:1

Lanwani, mini yua moko n tie o nikpelo, ki go tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie bi nikpeliba line:

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa tie nani wani n tie maama, kelima ti baa le o nani wan tie maama.