LOMA YAABA 8:11 - Gourmanchéma Bible

¹¹ Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

U TIENU MAAMA TILI 2013

¹¹ Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

LOMA YAABA 8:11 ပူးပေါင်းရင်းမြစ်များ

Esayi 26:19

N niba, yi tinkpiba n goa ki faadi! N niba yaaba n kpe baa goa ki fii bi tinkpiba siiga! Fundi mani, mangi mani yi pala, Yinba yaaba n dua mi tama nni! Kelima Li Miali Diedo baa goa ki pa yi mi yenma mangu, Ki tinga mo n teni bi tinkpiba kuli n faadi.

Esekieli 37:14

N baa kuani n Fuoma yi niinni yin go goa ki faadi. N baa goa ki kaani yi yi diema nni ke yin bandi ke mini Li Miali Diedo n maadi, n go baa tieni la mo. O Diedo, Li Miali Diedo n yedi yeni.› »

Jan n diani U Tienu Laabaaliŋamo maama 14:17

wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 5:21

Kelima nani Baa n yen fiini bi tinkpiba ki teni ban goa ki yaa fo maama, yeni moko Bijua puuni li miali wan bua yua kuli.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o moko.

LOMA YAABA 16:10

Yin fuondi mani Apelesa wani yua n doagidi ke o se Kilisiti nni ke li pa. Yin fuondi mani Alisitobula denpo yaaba.

LOMA YAABA 16:3

Yin fuondi mani Pilisila leni Akilasa, yaaba n tie n tuonsoanlieba Jesu Kilisiti tuonli nni.

LOMA YAABA 16:7

Yin fuondi mani n kpiiba Andonikusa leni Juniasa, mini leni yaaba n den taani ki ye li kpaadidieli nni. Jesu tondiba siiga bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 16:9

Yin fuondi mani Ulibana, ti tuonsoanlielo Kilisiti nni, leni n buado Sitakisa.

LOMA YAABA 6:12

Lani yaa po yin da go tuo mani ke ti tuonbiadi n yaa die yi gbanandi yaadi n baa kpe. Yin da tuo mani ki yaa tiendi yi gbanandi bonbuaka-biadila.

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

LOMA YAABA 8:12

Lani yaa po n kpiiba, baa ke ti pia li panli, tii pia li ti gbanandi bonbuakaala po ka, hali yaala ke ti go baa tiendi tin bua yaala.

LOMA YAABA 8:2

Kelima U Tienu Fuoma yaama n puuni li miali Jesu Kilisiti nni yaa bali faabi nni leni ti *tuonbiadi leni mi kuuma kuli yaa bali.

LOMA YAABA 8:9

Yinba yaa po, ti gbanandi bonbuakaala ka die yi, ama mi Fuoma n die yi kelima U Tienu Fuoma ye yi niinni. Yua n kaa pia Kilisiti Fuoma, waa tie Kilisiti yua.

1 Korenti 15:16

Kelima bi tinkpiba yaa kan fii, Kilisiti moko naa den fii bi tinkpiba.

1 Korenti 6:14

U Tienu, yua n den fiini o Diedo bi tinkpiba siiga, o go baa fiini ti mo kelima o paalu yaa po.

2 Korenti 4:11

Kelima tinba yaaba n da fo, ti ye mi kuuma nni yogunu kuli kelima Jesu po, ke wani Jesu miali n yaa doagidi ti gbanandi yaadi n baa kpe yaa niinni.

2 Korenti 4:14

Ti bani ke wani yua n den fiini o Diedo Jesu bi tinkpiba siiga baa fiini ti mo leni Jesu, ki teni ke tinba leni yinba kuli n taani ki sedi o nintuali.

2 Korenti 5:4

Ama, tin da ye li naa gbandieli nni, ti duni ki laadi fala ki go coagi. Laa tie ke ti bua ki landi ti naa gbanandi ka, ama ti bua ki laa ti gbananpandi, ke li miali n nali yaala n baa kpe.

Galati 6:8

Yua n buli o gbanandi bonbuakaala po, baa yendi o gbanandi bonbuakaala po mi bedima. Yua n buli U Tienu Fuoma n bua yaala, baa yendi U Tienu Fuoma po yaa miali n kan gbeni.

Efesa 2:5

Lani yaa po, tin den tie bi tinkpiba kelima ti tagili po, o den goa ki puni ti li miali leni Kilisiti. Li tie kelima o*ŋanbili-paabu yaa po ke yi tindi.

Filipi 3:21

ki lebidi ti gbanandi yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi yaadi n pia ti kpiagiciandi. O baa tieni lani kelima o paaciamu po, yu n teni ke o paani li bonla kuli ki go die la.

Hebilunba 13:20

Mi yanduanma Tienu yua n den fiini ti Diedo Jesu bi tinkpiba siiga, wani yua n tie i pe yankpaaciamo, kelima o soama yaama n kuani yaa *ŋantaado n baa ye hali yaa yogunu kuli po,

1 Pieri 1:21

Li tie kelima wani Kilisiti yaa po ke yi daani U Tienu wani yua n den fiini o bi tinkpiba siiga ki puni o ti kpiagidi, ke yin yaa pia li dandanli leni mi suginma wani U Tienu po.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

Mi Doagidima 1:18

yua n ye ki fo. N den kpe, ama diidi ki le, n go fo ki baa ye hali yaa yogunu kuli. N kubi mi kuuma leni bi tinkpiba yekaanu sendabila.

Mi Doagidima 11:11

Dana taa leni boagidima yeni n den pendi, li miali fuoma den ñani U Tienu kani ki kua bi niinni ke bi fii ki sedi. Lanwani ti jawaanciandi den cuo yaaba n nua ba.