LOMA YAABA 8:1 - Gourmanchéma Bible

¹ Lanwani moala buudi cuonuba ki go ye yaaba n ye Jesu Kilisiti nni po.

U TIENU MAAMA TILI 2013

¹ Lanwani, moala buudi cuonuba ki go ye yaaba n ye Jesu Kilisiti nni po.

LOMA YAABA 8:1 ပူးပေါင်းရင်းမြစ်များ

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Esekieli 18:9

O ŋua n mabilikaama ki kubi n *balimaama ki ŋua i moamoani, wani n tie o niteginka. Moamoani o baa yaa ye. Mini o Diedo Li Miali Diedo n yedi yeni.

Jan n diani U Tienu Laabaaliŋamo maama 14:20

Laa daali yi baa bandi cain ke n ye n Baa niinni, ke yi ye n niinni, ke n mo ye yi niinni.

Jan n diani U Tienu Laabaaliŋamo maama 15:4

Yin yaa ye n niinni, n mo baa ye yi niinni. Nani u benu n kan fidi ki luoni u yuceli po, kali wun yaa tuugi leni li ñiali yeni, li tie yene leni yi moko. Yi kan fidi ki luoni yi yaa tuugi leni mini yaaka.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

LOMA YAABA 16:3

Yin fuondi mani Pilisila leni Akilasa, yaaba n tie n tuonsoanlieba Jesu Kilisiti tuonli nni.

LOMA YAABA 16:7

Yin fuondi mani n kpiiba Andonikusa leni Juniasa, mini leni yaaba n den taani ki ye li kpaadidieli nni. Jesu tondiba siiga bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 5:1

Lanwani, tin baa li *moamoansaali kelima li *dandanli yaa po yeni, ti pia mi yanduanma leni U Tienu kelima ti Diedo Jesu Kilisiti yaa po.

LOMA YAABA 5:16

U Tienu paabu mo n cuani yaala ki naani leni o niyendo yeni yaa tuonbiadi n cuani yaala. Kelima o niyendo yeni yaa tuonbiadi den cuani U Tienu buudi leni o cuonu. Ama ti tuonbiadi n den yabidi, naankani, U Tienu *ŋanbili-paabu den cuani li moamoansaali.

LOMA YAABA 7:17

Lanwani laa go tie mini nba n tiendi yeni, ama li tie ti tuonbiadi yaadi n ye n niinni n tiendi la.

LOMA YAABA 7:20

To, n yaa tiendi min kaa bua ki tieni yaala, laa go tie mini n tiendi la, li tie ti tuonbiadi yaadi n ye n niinni n tiendi la.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

LOMA YAABA 8:14

Kelima mi Fuoma n gobidi yaaba kuli, bani n tie U Tienu bijaba.

LOMA YAABA 8:2

Kelima U Tienu Fuoma yaama n puuni li miali Jesu Kilisiti nni yaa bali faabi nni leni ti *tuonbiadi leni mi kuuma kuli yaa bali.

LOMA YAABA 8:34

Ŋme baa jia leni ba ti buudi ki cuo ba? Oba kuli, kelima Jesu Kilisiti kpe, li cie yeni. O go den fii bi tinkpiba siiga. O ye U Tienu jienu po ki miadi o tipo.

LOMA YAABA 8:39

baa i paaciami, baa yaaba n ye tanpoli, baa yaaba n ye tiipo, mi tagima kuli nni liba kuli kan fidi ki paadi ti leni U Tienu n pia tipo yaa buama, yaama n den doagidi ti Diedo Jesu Kilisiti nni.

LOMA YAABA 8:4

U Tienu den tieni lankuli ke li bali maama n bili yaa teginma n tieni ti niinni, tinba yaaba n tiendi U Tienu Fuoma n bua yaala, ki naa tiendi ti gbandi n bua yaala.

LOMA YAABA 8:9

Yinba yaa po, ti gbanandi bonbuakaala ka die yi, ama mi Fuoma n die yi kelima U Tienu Fuoma ye yi niinni. Yua n kaa pia Kilisiti Fuoma, waa tie Kilisiti yua.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

1 Korenti 15:22

Nani bi niba kuli n kpe kelima Adama po maama, yeni bi niba kuli go baa baa li miali kelima Kilisiti yaa po.

2 Korenti 12:2

N bani o nilo Kilisiti nni laa luo piiga n bina naa moala ke bi den duoni o hali tanpotuada taa kaanu. O yaa den ye leni o gbanandi bi o yaa den ye leni ti, mii bani, U Tienu bebe n bani.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Galati 5:16

Min yedi yi yaala tie line: Cedi mani U Tienu Fuoma n yaa gobidi yi, lani yi kan yaa go tiendi yi gbanandi bonbuakaala.

Galati 5:25

U Tienu Fuoma yaa teni ke ti fo, tin go yaa cuoni kelima o yaa po.

Efesa 1:1

Mini Polo, Jesu Kilisiti tondo kelima U Tienu yanbuama po, n diani li tili ki fuondi yinba yaaba n tie bi *nigagidiŋanba leni bi nidugikaaba Jesu Kilisiti nni ki ye Efesa.

Filipi 3:9

Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.