LOMA YAABA 7:6 - Gourmanchéma Bible

⁶ Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

U TIENU MAAMA TILI 2013

⁶ Ama moala, ti faabi leni li bali maama, kelima ti kpe, ki paadi leni yaala n den kpa luo ti nani a kpaada yeni. Lani yaa po, U Tienu Fuoma gobidi ti, ke ti tuuni U Tienu po leni yantiapanli. Laa yantiali ki go taa leni yaali n den ñani li bali maama nni.

LOMA YAABA 7:6 ပူးပေါင်းရင်းမြစ်များ

Esekieli 11:19

N baa pa ba payenli. N baa kuani bi niinni yantiayenli, N baa ñani bi pali yaali n juagi nani li tanli yeni, Ki pa ba yaa pali n dingi,

Esekieli 36:26

N baa pa yi papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

LOMA YAABA 1:9

U Tienu, min ŋua yua leni li payenli, ki wangi o Bijua yaa Laabaaliŋamo, tie n siedo ke n tiadi ki taagi yikuli yela yogunu kuli

LOMA YAABA 12:2

Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

LOMA YAABA 6:11

Yi moko n yaa nua mani yi yula ke yi kpe ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:19

N maadi nani bi nisaaliba n maadi maama kelima yi yantiana tadingu po, ke yin fidi ki gbadi. Nani yin den kpa puni yi gbananbuoli ke yi tua ti cagindi leni mi biadima yonbi ki baa tiendi ti tuonbiadi maama, moala yin yaa puuni mani yi gbananbuoli yin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 6:2

Kalam. Tinba yaaba n den kpe ki paadi cain leni ti tuonbiadi, ti baa ga lede ki go yaa ye ti tuonbiadi nni?

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 6:4

Lanwani tin den batisi yeni, bi den taani ki piini ti leni o o kuuma nni, ke nani ti Baa U Tienu kpiagidi paalu n den teni ke Kilisiti fii bi tinkpiba siiga maama, ti moko baa ye leni li miapanli yene.

LOMA YAABA 7:1

N kpiiba, yi baa ga min baa maadi yipo yaama na kelima yi bani li *bali maama fuuli. Laa boani yi ke li bali maama die o nilo hali wan ye yaa yogunu kuli.

LOMA YAABA 7:2

Li tie nani li bali maama n loli o pua leni o calo hali o calo miali banlu kuli maama. Ama o ja yaa kpe, o pua yeni faabi leni yaa bali maama n luo o yeni.

LOMA YAABA 7:4

N kpiiba, li tie yene leni yinba moko. Kelima Kilisiti kuuma o gbanandi nni yaa po, yi kpe yaala n tie li bali maama po. Moala nitoa n di die yi, lani n tie Kilisiti, U Tienu n den fiini yua bi tinkpiba siiga, ke tin yaa tiendi yaala n pia mayuli U Tienu po.

2 Korenti 3:6

Wani n teni ke ti dagidi ki tua o ;nantaadipaano tuonsoanba ke laa ;nua leni yaa *bali maama n den diani, ama ke li ;nua leni U Tienu Fuoma. Kelima yaa bali maama n den diani kpendinni mi kuuma, ama mi Fuoma puuni li miali.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Galati 6:15

Kelima yaala n pia mayuli naa tie ki kua ku koanciagu, bi ki da kua, laa tie liba, kali ki yaa tie nipaano.

Efesa 4:24

Yin laa mani u tagipaanu, yu n tagi nani U Tienu n bua maama, ki ŋua i moamoani n kpendinni yaa *teginma leni yaa gagidiŋanma.

Filipi 3:3

Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

Kolosi 3:10

ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.