LOMA YAABA 7:4 - Gourmanchéma Bible

⁴ N kpiiba, li tie yene leni yinba moko. Kelima Kilisiti kuuma o gbanandi nni yaa po, yi kpe yaala n tie li bali maama po. Moala nitoa n di die yi, lani n tie Kilisiti, U Tienu n den fiini yua bi tinkpiba siiga, ke tin yaa tiendi yaala n pia mayuli U Tienu po.

U TIENU MAAMA TILI 2013

⁴ N kpiiba, li tie yene leni yinba moko. Yi kpe yaala n tie li bali maama po, kelima yi taani leni Kilisiti o gbanandi nni. Moala nitoa n ji die yi, lani n tie Kilisiti. U Tienu den fiini wane bi tinkpiba siiga, ke tin yaa luoni li bonluonkaala U Tienu po.

LOMA YAABA 7:4 ပူးပေါင်းရင်းမြစ်များ

Esayi 54:5

Kelima a tagido n tie a calo O yeli yi Li Miali Diedo U Paaciamu Kuli Daano. A daafaabika n tie Isalele Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 62:5

Nani o jawaalo n tua li *powandiali calo maama, Yeni, a bijaba baa tua npo nani bi ciaba yeni. Nani o jafaano n tie o togibaa pamanli maama Yeni moko, a baa tua a Tienu pamanli yeni.

Matie 26:26

Ban den di yaa yogunu, Jesu den taa dupen, wan den mia U Tienu seli, o den cabidicabidi ki teni bi ŋoadikaaba, ki yedi: «Ga mani ki ŋmani, line tie n gbanandi.»

Marki 4:20

Bi nitianba mo tie nani yaa bonbi n baa ki tinŋanga nni yeni. Bani n tie yaaba n gba mi maama, ki ga ma ki luoni. Bi nitianba luoni bonbiyenbu piitaa taa, bi tianba piiluoba luoba, bi tianba mo kobiga kobiga.»

Jan n diani U Tienu Laabaaliŋamo maama 15:8

Yi yaa luoni li bonluonkaala boncianla, n Baa baa baadi ti kpiagidi lipo. Yeni, yi baa doagidi ke yi tie n ŋoadikaaba moko.

Jan n diani U Tienu Laabaaliŋamo maama 3:29

Yua n die o pocaano tie o pocaancalo. Ama o pocaancalo danli, yua n ye o kani ki cengi o, yaa pali mani boncianla o yaa gbadi o pocaancalo nialu. N moko pia laa pamancianli buolu yo ke li dagidi ki pundi.

Jan n diani U Tienu Laabaaliŋamo maama 6:51

Mini, n tie yaa jiema n fo ki ñani tanpoli po ki jiidi ki puuni li miali. Yua n di laa jiema kuli baa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po ke ban baa li miali.»

LOMA YAABA 6:11

Yi moko n yaa nua mani yi yula ke yi kpe ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:14

Ti tuonbiadi kan go yaa die yi, kelima U Tienu *balimaama ki go die yi, ama o *ŋanbili n die yi.

LOMA YAABA 6:2

Kalam. Tinba yaaba n den kpe ki paadi cain leni ti tuonbiadi, ti baa ga lede ki go yaa ye ti tuonbiadi nni?

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 7:3

Lanwani o yaa kuni jatoa ke o calo da ye, bi baa yi o li poconconli. Ama o calo yaa kpe, o pua yeni faabi leni li bali maama yeni, o yaa kuni jatoa waa tie poconconli.

LOMA YAABA 7:6

Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

LOMA YAABA 8:2

Kelima U Tienu Fuoma yaama n puuni li miali Jesu Kilisiti nni yaa bali faabi nni leni ti *tuonbiadi leni mi kuuma kuli yaa bali.

1 Korenti 10:16

Li seli tadiñokaaga tin tuondi U Tienu yaaga yaa po, naani kaa tie mi taanyenma leni Kilisiti soama po kaa? Tin cabidi yaa dupen, naani tii tie mi taanyenma leni Kilisiti gbanandi po kaa?

2 Korenti 11:2

N pia yipo U Tienu *nunponli buolu, kelima n den bua ki caa yi jayendo nani yaa *powandiali n ŋani cain yeni ke min teni yi Kilisiti.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Galati 5:18

U Tienu Fuoma yaa gobidi yi, li bali maama kaa go die yi.

Efesa 2:15

O den bolini li *bali maama leni man den pia yaa kuana kuli ki taa laa nibuoliedi ki tagi nibuopaanyendu wani oba yaa niinni ki tieni mi yanduanma.

Filipi 1:11

Yeni, yi baa yaa tuuni mi *teginma tuona ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 4:17

Laa tie ke n bua ki yaa baadi bu paabu ka, n bua yin baa ti ñuadi boncianla kelima laa paabu po.

Kolosi 1:10

Yeni yi tagu n yaa tie nani lan dagidi o Diedo po maama, ke yin yaa tiendi yaala n mani opo yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 1:22

o teni ke yi mangi leni o moala kelima o Bijua n den kpe yaa kuuma o gbanandi nni yaa po. U Tienu tieni yeni ki bua ke yin sedi o nintuali ki ŋani cain ki da pia tagiliba kuli kaa pia ban baa kuli yi leni yaala.

Kolosi 1:6

Laa laabaaliŋamo pundi yikani ki yayadi ŋanduna nni kuli ki luoni o bonluonkaala ki yabidi ki pugidi. Li tie yeni yi siiga hali yin den gbadi o yaa daali ki bandi U Tienu ŋanbili n tie yaala moamoani.

Kolosi 2:14

O den bolini yaa tili yaa diani N den buni ki cuo ti ki doagidi Tin den yie o mabilikaama maama, Ki kpaa ki tabini laa tili Li *dapoanpoanli po ki bolini li.

Kolosi 2:20

Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi nani yi da tie ŋanduna yaaba yeni?

Hebilunba 10:10

Kelima U Tienu yanbuama yeni po Kilisiti den puni o gbanandi ki tua li padili ki kpe tipo yenma ke li dagidi yogunu kuli po, ki gagidi ki ŋanbi ti.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

Mi Doagidima 19:7

Tin mangi mani ti pala Ki yaa pia li pamancianli Ki kpiagi o, Kelima ki Pebiga Potaali yogunu pundi, O pocaano bogini ki bobi.

Mi Doagidima 21:9

Lani yaa maleki-leleediba n den kubi yaa tadibuo-leleedimu n gbie leni i falabiadi-leleedi-juodike siiga nni yendo den cua n kani ki maadi leni nni, ki yedi: «Cua na, n baa waani a o pocaano, yua n tie ki Pebiga pua.»