LOMA YAABA 7:24 - Gourmanchéma Bible

²⁴ Fala ye leni nni boncianla. Ŋme baa faabi nni leni n gbanandi yaadi n caani nni mi kuuma nni?

U TIENU MAAMA TILI 2013

²⁴ Fala baa nni! Ŋme nan baa faabi nni leni n gbanandi yaadi n caani nni mi kuuma nni?

LOMA YAABA 7:24 ပူးပေါင်းရင်းမြစ်များ

1 Bi Badiba 8:38

a niba Isalele yaaba kuli yaa tuo bi tagili ki jaandi ki mia ŋa, bi yaa diidi ku naa diegu po ki yugidi bi nii ki jaandi a,

Pisomi 102:20

Kelima hali tanpoli po, o *kaangagidiŋamu nni, Wani Li Miali Diedo tibini ki baa le ki tinga,

Pisomi 119:131

N gaani a maama bonŋanla Kelima n bua a balimaama boncianla.

Pisomi 119:143

Li paboanli leni li pabiidili cuo nni, Ama a bali maama n tie n pamanli.

Pisomi 119:176

N puagi nani yaa pia n yaadi yeni Cua ki lingi mini a naacemo Kelima mii sundi a bali maama po.

Pisomi 119:20

A ñoabona yankuali Co nni u yogunu kuli.

Pisomi 38:2

Li Miali Diedo, da waani nni fala a pabienli nni. Da mabini nni a pabienkandikaali nni.

Pisomi 6:6

Kelima mi kuuma nni, baa go tiadi apo. Bi tinkpiba n ban ye naanpo ŋme n baa pagi a yeli?

Pisomi 71:11

Ki tua: «U Tienu ŋaa o Ŋoadi ki deli ki cuo o mani. Niloba naa ye ki baa faabi o.»

Pisomi 72:12

Kelima o baa faabi yaa niñinnilo n kpaani ki mia o. Ki taani leni yaa luodo n ki pia todika.

Pisomi 88:5

Bi coadi ki taagi nni leni yaaba n jii mi kuuma buogu nni, N di tie nani yaa nilo n ki go pia fidu yeni.

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Mise 7:19

A go baa gbadi tipo mi niñima, Ki ŋma ti tuonbiadi a taana tiipo, Ki lu ti mi ñincianma tiipo.

Matie 5:4

Li pamanli ye leni yaaba n ye leni li pabiidili, kelima bi baa baagi ba.

Matie 5:6

Li pamanli ye leni mi *teginma koma leni mi ñunñuunu n pia yaaba, kelima bi baa guo.

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

LOMA YAABA 6:6

Ti bani ke bi den joani ti tagikpelu leni Kilisiti li *dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu ku yi gbanandi bontienkaala, yi baa ye.

LOMA YAABA 8:2

Kelima U Tienu Fuoma yaama n puuni li miali Jesu Kilisiti nni yaa bali faabi nni leni ti *tuonbiadi leni mi kuuma kuli yaa bali.

LOMA YAABA 8:23

Laa tie mi tagima bebe ka ye leni fala. Tinba yaaba n pia U Tienu paakpiabu, lani n tie o Fuoma, ti moko duni ti pala nni, ki gu U Tienu n baa ti teni tin tua o bimoanmu cain yaa yogunu, ki faabi ti gbanandi.

LOMA YAABA 8:26

Li tie yeni, mi Fuoma moko todi ti ti tadingu nni. Kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu tipo ki duni yaa dunli n kaa pia maama.

Kolosi 2:11

O yaa niinne, ke yi kua yaa koanciagu n naa tie o nisaalo nuu n tieni yaala, gu tie Kilisiti n tieni yaala, lani n tie ke yi landi ti nisaali-gbanandi tagibiadu.

2 Timote 4:18

Wani o Diedo n go baa ga nni leni bonbiadila kuli po, ki faabi nni ki kuani nni o diema tanpoli po. Wani n yaa baadi ti kpiagidi hali yaa yogunu kuli. Amina.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Hebilunba 2:15

ki baa faabi mi kuuma jawaandi n den kubi yaaba ti yonbidi nni hali bi miana dana kuli.

Mi Doagidima 21:4

O baa duuni ki ñani ti ninsiidi kuli bi nuni nni. Mi kuuma kan go yaa ye, li paboanli, leni a bubula, leni mi funfunma moko kan go yaa ye, kelima li bonkpiala pendi.»