LOMA YAABA 6:6 - Gourmanchéma Bible

⁶ Ti bani ke bi den joani ti tagikpelu leni Kilisiti li *dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

U TIENU MAAMA TILI 2013

⁶ Ti bani ke bi den joani ti tagikpelu leni Kilisiti li dapoanpoanli po ke u kpe. Ti gbanankpiadi, ti tuonbiadi n die yaadi, kan go fidi liba. Lani n tie tin da go ye ti tuonbiadi yonbidi nni.

LOMA YAABA 6:6 ပူးပေါင်းရင်းမြစ်များ

2 Bi Badiba 5:17

Lanwani Naama den yedi o: «Nani ŋan yie n paabu ne, ŋan nan pa nni a diema tama, *buomi lie n baa fidi ki tugi yaa tama banlu, kelima n naa go bua ki padi *bulo po pada leni padijuukaana, se Li Miali Diedo U Tienu yaa po bebe.

Esayi 26:13

Li Miali Diedo ti Tienu Canbaantoaba diedi ti. Ama fini bebe n tie tin jaandi ki miadi yua.

LOMA YAABA 6:12

Lani yaa po yin da go tuo mani ke ti tuonbiadi n yaa die yi gbanandi yaadi n baa kpe. Yin da tuo mani ki yaa tiendi yi gbanandi bonbuaka-biadila.

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 7:14

Ti bani ke li bali maama ñani U Tienu kani. Ama mini wani tie nisaalo ki ;nua n gbanandi n bua yaala, ki tie nani bi kuadi nni ti tuonbiadi po yeni.

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu ku yi gbanandi bontienkaala, yi baa ye.

2 Korenti 5:14

Kilisiti buama die ti ki tigini ti. Ti sua ke niyendo yaa den kpe bi niba kuli po, lanwani bi niba kuli kpe.

Galati 2:20

Lanwani laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe npo.

Galati 5:24

Yaaba n tie Kilisiti yaaba joani ti gbanandi leni ti yantiali leni ti bonbuakaala li dapoanpoanli po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli. Kilisiti n den kpe li dapoanpoanli po yeni, ŋanduna bonla kuli tie npo nani li kpe, n moko tie nani n kpe ŋanduna bonla kuli po yeni.

Efesa 4:22

Lani n tie ke yin da go tie nani yin den kpa tie maama. Ama yi siiga yua kuli n landi o tagikpelu nani li liadili yeni, o yanbuabiadima boandi n den biidi yu.

Kolosi 3:5

Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n *joagini yaa buama kuli, leni mi ŋalimanbuama, yaala n tie nani i *buli ŋoadima yeni.

Titi 3:3

Ti moko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.