LOMA YAABA 6:4 - Gourmanchéma Bible

⁴ Lanwani tin den batisi yeni, bi den taani ki piini ti leni o o kuuma nni, ke nani ti Baa U Tienu kpiagidi paalu n den teni ke Kilisiti fii bi tinkpiba siiga maama, ti moko baa ye leni li miapanli yene.

U TIENU MAAMA TILI 2013

⁴ Lanwani, tin den batisi yeni, bi den taani ki piini ti leni o o kuuma nni. Nani ti Baa U Tienu kpiagidi paalu n den teni ke Kilisiti fii bi tinkpiba siiga maama, o baa teni timoko n yaa ye leni li miapanli yene.

LOMA YAABA 6:4 ပူးပေါင်းရင်းမြစ်များ

Jan n diani U Tienu Laabaaliŋamo maama 11:40

Jesu den yedi o: «Mii yedi a ke a yaa daani ke a baa le U Tienu kpiagidi?»

Jan n diani U Tienu Laabaaliŋamo maama 2:11

Lani n tie Jesu n den cili ki tieni yaa bancianma Kana, Galile diema nni. O den doagidi o kpiagidi ke o ŋoadikaaba den daani o.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o moko.

Jesu Tondiba Tuona 2:32

U Tienu den fiini o bi tinkpiba siiga. Tikuli tie lipo siedinba.

LOMA YAABA 6:19

N maadi nani bi nisaaliba n maadi maama kelima yi yantiana tadingu po, ke yin fidi ki gbadi. Nani yin den kpa puni yi gbananbuoli ke yi tua ti cagindi leni mi biadima yonbi ki baa tiendi ti tuonbiadi maama, moala yin yaa puuni mani yi gbananbuoli yin yaa tie mi teginma yonbi, ke yin fidi ki pundi mi gagidiŋanma U Tienu po.

LOMA YAABA 6:3

Yii bani ke tinba yaaba n den *batisi Jesu Kilisiti nni kuli, li tie o kuuma nni ke ti den batisi?

LOMA YAABA 6:8

Li yaa tie ke ti den kpe leni Kilisiti, ti daani ke ti baa ye ki fo leni o moko.

LOMA YAABA 6:9

Ti bani ke Kilisiti n den fii bi tinkpiba siiga yeni, o kan go kpe. Mi kuuma naa go pia bali o yaa po.

LOMA YAABA 7:6

Ama moala, ti faabi leni li bali maama kelima ti kpe ki paadi leni yaala n den kpa luo ti nani a kpaada yeni. Lani yaa po U Tienu Fuoma gobidi ti ke ti tuuni U Tienu po leni yantiapanli ke laa go taa leni tin den moandi ki baa ;noadi yaala n diani li bali maama nni maama.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

1 Korenti 6:14

U Tienu, yua n den fiini o Diedo bi tinkpiba siiga, o go baa fiini ti mo kelima o paalu yaa po.

2 Korenti 13:4

Moamoani o den ye leni o tadingu ban den kpaa o li*dapoanpoanli po yaa yogunu. Ama o ye ki fo kelima U Tienu paaciamu po. Ti moko taani leni o o tadingu nni, ki go baa fo leni o kelima U Tienu paaciamu po tin tiendi yaala yi siiga po.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Efesa 4:17

Lanwani min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi yeni, bani yaaba n ŋua bi yantiana ya n tie fanma fanma yeni.

Efesa 5:8

Yi den kpa tie li *biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

Kolosi 3:10

ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.

Kolosi 4:1

Yinba canbaanba, yin yaa tiendi mani yi yonbi po yaala n tiegi leni yaala n pundi, ki yaa tiani ke yi moko pia Canbaa tanpoli po.

1 Pieri 3:21

Mi ñima yeni den tie yaa *batisima n faabi yi moala yaa nannanli. Laa tie ke mi batisima ŋuudi ki ñani ti gbanandi*joagindi ka, li tie yaa nilo n puni o yuli U Tienu leni yaa pali siedi n ŋani. Yi baa ki faabi kelima Jesu Kilisiti fiima bi tinkpiba siiga yaa po.

1 Jan 2:6

Li pundi ke yua n yedi ke o ye o niinni n yaa cuoni nani wani o Diedo n den cuoni maama.