LOMA YAABA 5:2 - Gourmanchéma Bible

² Li tie kelima li dandanli Jesu po n teni ke ti baa U Tienu *ŋanbili, tin se yaali yaa niinni bonŋanla. Ti go pia li pamancianli kelima ti sugini ke ti baa taani leni U Tienu o kpiagidi nni.

U TIENU MAAMA TILI 2013

² Jesu yaa po yo ke ti baa li dandanli, yaali n teni ke ti baa U Tienu ŋanbili, tin se yaali yaa niinni bonŋanla. Ti go pia li pamancianli, kelima ti daani ke ti baa taani leni U Tienu, o kpiagidi nni.

LOMA YAABA 5:2 ပူးပေါင်းရင်းမြစ်များ

Pisomi 17:15

Ama mini wani n teginma nni, N baa le a nunga. N yaa fundi yaa yogunu n baa ñuadi ŋan tie maama ki guo.

Pisomi 73:24

A gobidi nni leni a tundi, Li yaa puoli, a baa kuani nni ti kpiagidi nni.

Mi Kpanjama 14:32

O nibiado biadima n yen guli o, Ama o niteginka pia gaapo baa mi kuuma nni.

Habakuki 3:18

Baa leni lani kuli n baa yaa mangidi n pali Li Miali Diedo po. N baa yaa mangidi n pali kelima n faabima Tienu po.

Matie 25:21

O canbaa den yedi o: ‹Li ŋani, n naacendugika, a teni ke n dugi apo li bonwaala po, n baa teni ŋan diedi boncianla. Cua ki taani ki mangi a pali leni nni.›

Jan n diani U Tienu Laabaaliŋamo maama 10:7

Jesu go den yedi ba: «N yedi yi i moamoani, mini n tie bu buliñoabu i pe po.

Jan n diani U Tienu Laabaaliŋamo maama 10:9

Mini n tie bu buliñoabu. Yua n tagini n yaa kani ki kua kuli baa faabi. O baa kua ki go ña ki baadi mi jiema.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jesu Tondiba Tuona 14:27

Ban den goa ki pundi likani, bi den taani Kilisiti n yini yaaba ki togidi ba U Tienu n den tuuni leni ba ki tieni yaala kuli, leni wan den luodi li dandanli buliñoabu bi nilanba mo yaa po maama.

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni kelima li *dandanli yaa po. Lanwani ŋan da kpiagi a yuli, ama ŋan yaa jie.

LOMA YAABA 12:12

Yin yaa mangidi yi pala yi suginma nni. Yin yaa pia li juunli fala nni. Yin yaa jaandi mani ki da cedi.

LOMA YAABA 14:4

A tie ŋme, fini yua n ja ti buudi leni nitoa naacemo? O yaa se bonŋanla, leni o yaa baa, li tie o canbaa maama. Ama o baa se kelima o Diedo pia u paalu ki baa teni wan yaa se.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni.

LOMA YAABA 3:23

kelima bikuli tieni ti tuonbiadi ki poadi U Tienu kpiagidi.

LOMA YAABA 5:5

Mi suginma yeni kan boandi ti kelima U Tienu yaa buama gbieni ti pala kelima U Tienu Fuoma Yua, wan puni ti yua yaa po.

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

LOMA YAABA 8:24

U Tienu den faabi ti ke ti pia laa suginma. Ama o nilo yaa laa wan sugini yaala, laa go tie suginma. Kelima o nilo yaa laa wan sugini yaala, be yaa po ke o go baa sugini ke li baa cua?

1 Korenti 15:1

N kpiiba n bua ki go tiadi yi min den kpa waani yi yaa Laabaaliŋamo, yin den ga yua, ki se lienni bonŋanla.

2 Korenti 3:18

Tinba yaaba yaa nunmu n pigidi ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni ki baadi ti kpiagidi ki pugidipugidi. O Diedo yua n tie mi Fuoma n tiendi lankuli.

2 Korenti 4:17

Kelima tin laadi yaa fala u naa yogunu po, naa tie pu ti yaa biigi o leni wan bogini tipo yaa kpiagidi n yaba ki kandi ki naa pia pendima maama po.

Efesa 2:18

Kelima wani yaa po, tikuli pia u sanu ki baa fidi ki pundi Baa kani, Fuoma yenma nni.

Efesa 3:12

O yaa niinne ke ti fidi ki nagini U Tienu kani leni ti dugidi kelima tin pia yaa *dandanli opo yaa po.

Efesa 6:13

Lani yaa po yin taa mani U Tienu n puni yi yaa toatiadi kuli, ke yin fidi ki sedi ki yie yaala n bia yaa ti cua yaa daali ki koani ki paadi, ki go yaa se ke li pa mo.

2 Tesaloniki 2:16

Ti Diedo Jesu Kilisiti wani oba, leni ti Baa U Tienu yua n den bua ti, ki puni ti kelima o *ŋanbili po yaa baagi n ki pia mi gbenma leni yaa suginma n ŋani,

Hebilunba 3:6

Ama Kilisiti wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa opo ki cuo wan bili tipo yaa suginma ki muubi.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

Mi Doagidima 21:11

U den pia U Tienu kpiagidi, ki ñuliti nani jasipe tanli yaali yaa dunga n pa ki tie nani mi tanpenpelinma yeni.

Mi Doagidima 21:23

U dogu yeni kaa bua yienu, u kaa bua ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu po, nani mini nba n den koani mi jama ki paadi, ki ka leni n Baa o bali kalikaanu po maama yeni.