LOMA YAABA 5:12 - Gourmanchéma Bible

¹² Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.

U TIENU MAAMA TILI 2013

¹² Ti tuonbiadi den kua ŋanduna nni kelima niyendo yaa po, ti tuonbiadi yeni mo den teni ke mi kuuma kua. Li tie yeni ke mi kuuma den pundi bi nisaaliba kuli, kelima bikuli tieni ti tuonbiadi.

LOMA YAABA 5:12 ပူးပေါင်းရင်းမြစ်များ

Mi cilima 2:17

Ama ŋan da ŋmani mi ŋanma leni mi biadima yaa bandima tibu yaa bonluonkaala kelima a yaa ŋmani bu yaa daali, a baa kpe.»

Mi cilima 3:19

A baa soani li tuonli ki mande ki nan baa li bonjekaala Hali ŋan baa goa ki tinga nni, Ŋan den ñani naankani, Kelima a tie mi tama ki go baa guani mi tama nni.»

Mi cilima 3:6

O pua den laa ke bu tibu bonluonkaala ŋani li bonjekaala po, ki go ŋani bu nunbu po ki tie yaa bonbuadila n baa teni ke o nilo n baa mi yanfuoma. O den cie bu bonluonkaala ki ŋmani ki puni o calo, yua n den ye o kani, ke omo ŋmani.

Pisomi 51:5

Kelima n tuo ki bandi n tagili, Yogunu kuli n tuonbiadi ye n nintuali.

Esekieli 18:4

Mini n die yua kuli miali, bibaa miali leni ki biga miali, mini n die laa mialieda kuli. Yua n tieni ti*tuonbiadi yeni, wani n baa kpe.

LOMA YAABA 3:23

kelima bikuli tieni ti tuonbiadi ki poadi U Tienu kpiagidi.

LOMA YAABA 5:18

Nani o niyendo yeni tuonbiadi n den teni ke U Tienu cuonu cua bi niba kuli po maama, li go tie yeni, o niyendo tuonteginkaali mo teni ke li moamoansaali yaali n puuni li miali mo cua bi niba kuli po.

LOMA YAABA 5:19

Nani niyendo yaa yiema n den teni ke bi niba boncianla tua ti tuonbiadi danba maama, li go tie yeni, niyendo yaa tuoma baa teni niba boncianla n baa li moamoansaali.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, li go tie yeni, U Tienu ŋanbili mo die bi niba kelima wani U Tienu puni baa li moamoansaali, ki caani ba yaa miali n kan gbeni po kelima ti Diedo Jesu Kilisiti yaa po.

LOMA YAABA 6:21

Moala yi jie i fe leni yin den tiendi yaala laa yogunu. Yi den baa be ñuadi laa bonla po? Laa bonla baa juodi mi kuuma.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

1 Korenti 15:56

Mi kuuma bonjunkaala tie ti tuonbiadi, ti tuonbiadi paalu mo tie li *bali maama yaa po.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Ti den mali ki tie U Tienu pali n be leni yaaba nani bi nisaaliba kuli yeni.

Jaki 1:15

Lanwani, o bonbuaka-biadila yaa punbi, li baa maa ti*tuonbiadi. Ti tuonbiadi mo yaa kpedi ki dagidi, tini mo baa maa mi kuuma.

Jaki 3:2

Tikuli tudi yaa tudima buoli n yaba. O nilo yaa tudi o maama nni baa waamu, o tie yaa nilo n ŋani ki dagidi cain ki fidi ki paani o gbanandi kuli.