LOMA YAABA 5:10 - Gourmanchéma Bible

¹⁰ Tin den tie U Tienu yibalinba yaa yogunu, o den teni ke ti mangi leni o kelima o Bijua kuuma po. Lanwani moala ke ti mangi leni o, laa pia kuli tama ke ti baa tindi kelima o yaa miali po.

U TIENU MAAMA TILI 2013

¹⁰ Tin den tie U Tienu yibalinba yaa yogunu, o den teni ke ti mangi leni o, kelima o Bijua kuuma po. Lanwani, moala ke ti mangi leni o, laa pia kuli tama, ke ti baa faabi kelima o yaa miali po.

LOMA YAABA 5:10 ပူးပေါင်းရင်းမြစ်များ

2 Bi Badiba Jama 29:24

Bi kopadicianba den kodi ba ki wuli bi soama li padibinbinli po, ki mia Isalele yaaba po bi *tuonbiadi sugili. O bado den yedi ke li padijuukaali leni ti tuonbiadi padili kuli tieni kelima Isalele yaaba kuli poe.

Esekieli 45:20

A baa tieni yene o ŋmaalo dana lele daali yua n tieni ti tuonbiadi kaa bi bua, bi kaa bi bani po. Yi baa tieni yene ki ñani ti tuonbiadi U Tienu diegu nni.

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Jan n diani U Tienu Laabaaliŋamo maama 14:19

Li yaa go pugini waamu, ŋanduna kan go le nni. Ama yinba wani, yi baa le nni kelima n fo ki ye, yi mo baa fo ki ye.

Jan n diani U Tienu Laabaaliŋamo maama 5:26

Kelima nani Baa n pia li miali o niinni maama, o teni ke Bijua moko pia li miali o niinni yene.

Jan n diani U Tienu Laabaaliŋamo maama 6:40

N Baa yanbuama go tie line, ke yua n nuali Bijua ki daani o kuli n baa yaa miali n kan gbeni, ke min fiini o bi tinkpiba siiga li juodidaali.»

Jan n diani U Tienu Laabaaliŋamo maama 6:57

Baa yua n soani nni fo, n moko fo kelima wani yaa po. Li go tie yeni leni yua n di nni, o mo baa fo kelima n yaa po.

LOMA YAABA 11:28

A yaa kpaagi Isalele buolu yaaba n yie o Laabaaliŋamo maama, bi tie U Tienu yibalinba yinba bi nilanba yaa ŋamu po. Ama a yaa kpaagi U Tienu gandima po, bi tie U Tienu buakaaba kelima bi yaajanba po.

LOMA YAABA 5:11

Laa tie lani bebe ka, ama ti pia li pamancianli U Tienu nintuali kelima ti Diedo Jesu Kilisiti po, yua n teni ke ti mangi leni U Tienu.

LOMA YAABA 5:6

U Tienu n den bili yaa yogunu n den pundi, tin kaa den fidi ki todi ti yula yaa yogunu, Kilisiti den kpe ti *tuonbiadi danba po.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?

LOMA YAABA 8:34

Ŋme baa jia leni ba ti buudi ki cuo ba? Oba kuli, kelima Jesu Kilisiti kpe, li cie yeni. O go den fii bi tinkpiba siiga. O ye U Tienu jienu po ki miadi o tipo.

LOMA YAABA 8:7

Li tie yeni, ki yaa ŋua ti gbanandi n bua yaala tie ti yibalindi leni U Tienu, kelima laa tuo ki tiendi U Tienu balimaama n bili yaala, li kan fidi moko.

2 Korenti 5:20

Lanwani ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Goa ki mangi mani leni U Tienu.»

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Efesa 2:16

O den tieni yeni ki baa teni ban mangi leni U Tienu, ki tua nibuoliyendu kelima li *dapoanpoanli yaa po, wan den bolini ti yibalindi naankani.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Ti den mali ki tie U Tienu pali n be leni yaaba nani bi nisaaliba kuli yeni.

Hebilunba 2:17

Lani yaa po, li den tie tiladi ke wan tua nani o waamu yeni li bonla kuli nni. Yeni, ke wan yaa tie yaa kopadicianba bado n gba bipo mi niñima ki go tie o nidugika wan tuuni bipo yaa tuonli U Tienu kani leni wan go den padi i *candanbaani padili ki baa sugili bi niba*tuonbiadi po maama.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu kelima o yaa todima po yaa yogunu kuli, kelima o ye ki fo yogunu kuli ki miadi U Tienu bipo.

1 Jan 2:1

N bibuadimu, n diani yipo yaala n tie na ke yin da tieni*tuonbiadi. Li yaa tie ke yua n tieni ti tuonbiadi, ti pia o*candanbaalo ti Baa U Tienu kani, Jesu Kilisiti o niteginka.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i *candanbaani padili ti yaa *tuonbiadi po.

Mi Doagidima 1:18

yua n ye ki fo. N den kpe, ama diidi ki le, n go fo ki baa ye hali yaa yogunu kuli. N kubi mi kuuma leni bi tinkpiba yekaanu sendabila.