LOMA YAABA 4:6 - Gourmanchéma Bible

⁶ Yeni moko, Dafidi doagidi yaa pamanli n ye leni U Tienu n coadi yaaba yaa teginma ke laa ŋoadi a tuona po ki yedi:

U TIENU MAAMA TILI 2013

⁶ Yeni moko, Davidi doagidi yaa pamanli n ye leni U Tienu n coadi yaaba yaa teginma, ke laa ŋoadi a tuona po, ki yedi:

LOMA YAABA 4:6 ပူးပေါင်းရင်းမြစ်များ

Pisomi 112:1

Pagi mani Li Miali Diedo! Li pamanli ye leni yua n fangi Li Miali Diedo Ki go mangidi o pali o *bali maama nni.

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Jeremi 22:6

Diidi Li Miali Diedo maadi yaa maama n tie na, Juda bado diegu po: «A tie npo nani Galaadi yene Bi nani Libani juana tanpojoma yeni. Ama baa leni lankuli n poli apo Ke n baa teni ŋan tua fanpienma, Yaa dogu n ki pia nilo.

Jeremi 33:16

Laa yogunu Juda baa baa mi *faabima, Jelusalema baa yaa pia mi yanduanma. Diidi mani ban baa yaa yi Jelusalema maama: “Li Miali Diedo ti teginma.”

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Matie 25:19

Lan den waagi boncianla, bi naacenba yeni canbaa den ti kpeni ki yini ba, ban waani o ban kubi opo yaa ligi maama fuuli.

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama kelima li dandanli yaa po, leni li dandanli bebe yaa po, nani lan diani maama: «O niteginka baa ye kelima o dandanli yaa po.»

LOMA YAABA 3:27

Lanwani o nisaalo baa kpiagi o yuli kelima be yaa po? Waa go pia li sanu. Mi laa bali maama po? A tuona po bi? A-a, ama li dandanli yaa po.

LOMA YAABA 4:11

O den baa ku koanciagu ke lan tua mi maalima ke o baa li moamoansaali kelima o dandanli yaa po wan da den tie jifolo yaa yogunu. Lanwani Abalahama tie yaaba n daani kuli yaa baa, baa ke bi tie jifola ke U Tienu n coadi bani moko yaa po bi teginma.

LOMA YAABA 4:24

Ama li diani tinba yaa po moko, U Tienu n baa coadi yaaba yaa po ke li tie teginma, tinba yaaba n daani U Tienu, wani yua n den fiini ti Diedo Jesu bi tinkpiba siiga.

LOMA YAABA 4:5

Ama, yua n ki soani tuona, ki nan daani U Tienu yua n saagi i moamoani ti *tuonbiadi daano po, U Tienu baa coadi opo o *dandanli yeni ke li tie teginma.

LOMA YAABA 4:7

Li pamanli ye leni yaaba N baa sugili bi biadima po, Leni U Tienu n piini yaaba yaa tuonbiadi,

LOMA YAABA 4:9

Naani laa pamanli baa ye yaaba n kua koanciagu bebe yaa po bi, bi li baa ye yaaba n ki kua moko yaa po? Kelima ti yedi moala na: «Abalahama den daani U Tienu, ke wani U Tienu den coadi opo la ke li tie teginma.»

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Galati 3:14

Li den tua yeni ke bi nilanba n baa Abalahama seli kelima Jesu Kilisiti yaa po, ke tikuli n baa U Tienu n den niani ti yaala kelima li dandanli yaa po. Lani n tie o Fuoma.

Galati 4:15

Yin pia yaa pamancianli yeni kua le? N tieni yipo siedi ke laa yogunu, li yaa den baa fidi, yi den baa logidi yi nunceli ki pa nni.

Efesa 1:3

Tin pagi U Tienu yua n tie ti Diedo Jesu Kilisiti yaa Baa. Wani n seligi ti, U Tienu Fuoma sela buoli kuli Kilisiti nni tanpoli po.

Mi Tiadima 33:29

Isalele yaaba, diidi yin pia li pamanli maama! Ŋme n naani leni yi Yinba Li Miali Diedo n den faabi yaa nibuolu yeni? O tie yaa gbankoandigu n todi yi Yi yibalinba baa digibi yi nintuali Yin ŋma ki biidi bi juana po padibinbina.»

Filipi 3:9

Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

2 Timote 1:9

O den faabi ti ki yini ti yaa yiinu n gagidi. Waa den tieni yeni kelima ti tuonŋama po ka, li tie kelima o yanjagili leni o ŋanbili po, wan den tieni tipo yaala Jesu Kilisiti nni hali ke ŋanduna daa tagi.

Jaki 2:18

Ama niloba yaa yedi: «Fini a pia li dandanli, n mo pia a tuona.» N baa yedi o: «Waani nni a dandanli yaali n ki pia tuona, n mo n baa waani a n dandanli kelima n tuona yaa po.»

2 Pieri 1:1

Mini Simono Pieli, Jesu Kilisiti naacemo leni o tondo, n diani li tili yipo, yinba yaaba n taa leni ti ki baa yaa *dandanli n tie bonmoanla, kelima ti Tienu leni Jesu Kilisiti ti Candaano *teginma po.