LOMA YAABA 4:20 - Gourmanchéma Bible

²⁰ Baa yeni, o yama ki den lengidi ke o luo li dandanli U Tienu po ki nua ke o kan kuani wan den niani yaa ñoanianu. Ama o dandanli den paagi o ke o kpiagi U Tienu.

U TIENU MAAMA TILI 2013

²⁰ Ba yeni, o yama ki den lengidi ke o luo li dandanli U Tienu po, ki nua ke o kan kuani wan den niani yaa ñoanianu. Ama o dandanli den paagi o, ke o kpiagi U Tienu.

LOMA YAABA 4:20 ပူးပေါင်းရင်းမြစ်များ

Mi cilima 15:6

Abalama den daani Li Miali Diedo yedima po, lani yaa po Li Miali Diedo den coadi opo la ke li tie teginma.

2 Bi Badiba 7:19

Bi guudikaaba yudaano yen den oa ki yedi o: «Baa Li Miali Diedo yaa luodi tanpoli bona, laa bonla baa tieni?» Lane Elise mo den yedi o: «A baa le la leni a nuni, ama a nan kan je la.»

2 Bi Badiba 7:2

Bi guudikaaba yudaano, o bado n den dugi yua yaa po yeni den goa yedi U Tienu nilo: «Baa Li Miali Diedo yaa luodi tanpoli ki jiini mi jiema boncianla, laa bonla baa tieni?» Elise den goa ki yedi o: «A baa lee la leni a nuni ama a kan je la.»

Esayi 35:4

Yedi mani yaaba yaa tugusoama n tiini: «Paagi mani yi pala ki da jie mani Yi Tienu n tie na. O baa tu yipo i panpaani. O baa pa yua kuli o panpaani Wani oba n kpendi ki baa faabi yi.»

Esayi 7:9

Efilayima yaaba dociamu n tie Samali, Samali bado mo tie Lemalia bijua.› Yinba Juda diema yaaba yaa se bonŋanla yi dugidi nni, Yi kan ti fidi ki mua jamaba kuli.»

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Danieli 11:32

Leni o ñoamandi o baa tulini yaaba n miidi U Tienu ŋantaado. Ama U Tienu nibuolu siiga yaaba n bani wani bi Tienu yeni baa yaa se bonŋanla.

Age Tili 2:4

Li tie lani yaa po ke mini, U Tienu yedi Solobabeli leni Yehotisadaka bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo n yedi: ‹Fii mani ki cili ki yaa tuuni, Kelima n baa yaa ye leni yi, Li Miali Diedo U Paaciamu Kuli Daano n yedi yeni.

Sakari 8:13

Juda yaaba leni Isalele yaaba, Yaala n den baa yi den tua Ti solindi makpanjama i nilanbuoli siiga. Ama, n baa faabi yi ki teni yin tua li seli makpanjama bi siiga. Yin da go jie mani, paagi mani yi pala!»

Sakari 8:9

Li Miali Diedo, U Paaciamu Kuli Daano yedi yaa maama n tie na: «Paagi mani yi pala, Yinba, yaaba n gba u naa yogunu, N sawalipuaba n den waani yaa ñoaniani, Yaa yogunu ke bi den pu li tanpuuli, Ki baa goa ki maa n diegu.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Luki 1:18

Sakali den yedi maleki: «N baa bandi lede ke lankuli tie moamoani? Kelima n kpeligi, n pua mo podi.»

Luki 1:45

Li pamanli ye leni a fini yua n daani ke wani o Diedo n soani ke bi yedi a yaa bonla baa tieni.»

1 Korenti 16:13

Yin yaa gu mani, ki yaa se ke li pa li *dandanli nni, tua mani jaba, paagi mani yiba.

2 Korenti 12:10

Lani yaa po ke n mangidi n pali leni ku tadingu, leni ti sugidi, leni mi luoma, leni bi niba n faligidi nni, leni ban mabindi nni kelima Kilisiti po. Kelima yaa yogunu ke n tadi, laa yogunu yo ke n pa.

Efesa 6:10

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

2 Timote 2:1

Lanwani fini n biga, yaa paagidi a pali yaa *ŋanbili n ye Jesu Kilisiti nni niinni.

1 Samueli 30:6

Dafidi den ye leni li paboancianli kelima o toatieba den yedi ke bi baa lugidi o a tana, kelima bikuli pala den biidi kelima bi bijaba leni bi bisiaba po. Ama Dafidi den goa ki paagi o pali kelima Li Miali Diedo o Tienu po.