LOMA YAABA 3:22 - Gourmanchéma Bible

²² U Tienu saagi i moamoani bi niba po ke bi tiegi kelima li *dandanli Jesu Kilisiti nni yaa po, bani yaaba n tuo ki daani kuli yaa po. Mi gagidima ki ye bi niba siiga,

U TIENU MAAMA TILI 2013

²² U Tienu saagi i moamoani bi niba po ke bi tiegi kelima li dandanli Jesu Kilisiti nni yaa po, bani yaaba n tuo ki daani kuli yaa po. Mi gagidima ki ye bi niba siiga,

LOMA YAABA 3:22 ပူးပေါင်းရင်းမြစ်များ

Esayi 61:10

N baa mangi n pali Li Miali Diedo po N pali baa mangi n Tienu po hali lan kandi Kelima o lani nni mi faabima tiadi Ki golini nni mi teginma kpalibu Nani yaa pocaancalo n bobi nani o kopadiciamo yeni Nani o pocaano n tieni ti jafandi maama yeni.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Luki 15:22

Ama o baa den yedi o naacenba: ‹Jaligi mani ki cuani yaa liadicianli n ŋani ki cie ki lani o, ki pilini o mi ñoagima ki go pilini o ti cacaadi moko.

Jesu Tondiba Tuona 11:12

Mi Fuoma den waani nni ke min yegi leni ba ki da bangi liba. Ti kpiiba yaa niluobidiba n tie na den yegi leni nni ke ti pundi ki kua Koneya diegu nni.

Jesu Tondiba Tuona 15:9

Waa den tieni gagidimaba tinba leni bani yaa siiga kelima o den ŋuudi ki ŋanbi bi moko yaa pala kelima ban den daani yeni po.

Jesu Tondiba Tuona 3:16

Li tie li *dandanli wani Jesu yeli po n teni ke yaa ja n tie na, yin nua ki go bani yua, paagi kelima Jesu yeli po. Li tie li dandanli wani Jesu po n teni ke o ja na paagi cain yikuli nintuali.

LOMA YAABA 1:17

O Laabaaliŋamo yeni doagidi U Tienu n saa bi nisaaliba po i moamoani ke bi tiegi maama kelima li dandanli yaa po, leni li dandanli bebe yaa po, nani lan diani maama: «O niteginka baa ye kelima o dandanli yaa po.»

LOMA YAABA 10:12

Lanwani mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

LOMA YAABA 10:4

Kelima Kilisiti n teni ke li *bali maama kua, ke yaaba n daani kuli n baa li moamoansaali.

LOMA YAABA 2:1

Fini, ŋan tie yua kuli, ki ja a lielo ti buudi, a kan baa ŋan baa tabi yaala ki ga a yuli. Kelima ŋan ja ti buudi leni nitoaba yeni a cuo a yuli, kelima a moko tiendi nani bani yeni.

LOMA YAABA 3:30

Kelima Tienyendu bebe n ye, yua n baa saa i moamoani yaaba n kua ku koanciagu po kelima bi dandanli po, ki go saa yaaba n tie jifola po moamoani kelima bi moko yaa dandanli yaa po.

LOMA YAABA 4:16

Lanwani yaaba n baa baa U Tienu n den niani yaa ñoanianu baa baa u kelima li dandanli yaa po, kelima U Tienu bua ban baa u ñoanianu kelima o *ŋanbili-paabu po bebe. O bili ke o ñoanianu baa ye Abalahama puoliŋuani kuli po. Laa tie yaaba n pia li balimaama bebe yaa po ka, ama yaaba n daani U Tienu nani Abalahama n den daani maama. Wani Abalahama tie tikuli yaaja. Nani lan diani maama:

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

LOMA YAABA 9:30

Lanwani ti baa yedi lede? Yaa nibuoli n kaa tie Isalele yaaba kaa lingi mi *teginma, bani n baa li *moamoansaali kelima li *dandanli yaa po.

1 Korenti 12:13

Tikuli den *batisi mi Fuoma yenma yeni yaa niinni, ke tin tua gbananyendi, lan tie Jufinba leni bi nilanba, lan tie i yonbi bi yaaba n die bi yula, U Tienu puni tikuli ke ti baa ki ñuni Fuoma yenma yaa kani.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

Galati 2:16

Ti bandi ke o nilo kan baa li *moamoansaali kelima U Tienu balimaama kubima yaa po. Ama o baa baa li kelima li *dandanli Jesu Kilisiti nni yaa po. Ti moko ti daani, ke tin baa li moamoansaali kelima ti dandanli Kilisiti nni yaa po ke laa ŋua leni li balimaama kubima. Kelima niloba kuli kan baa li moamoansaali kelima li balimaama yaa po.

Galati 2:20

Lanwani laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe npo.

Galati 3:22

Ama i Diani doagidi ke bi nisaaliba kuli ye ti tuonbiadi lolima nni. Ama yaaba n daani kuli n baa U Tienu n den niani yaa ñoanianu kelima li dandanli Jesu Kilisiti nni yaa po.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Efesa 3:12

O yaa niinne ke ti fidi ki nagini U Tienu kani leni ti dugidi kelima tin pia yaa *dandanli opo yaa po.

Filipi 3:9

Mii go pia n yuli po yaa *moamoansaali n ñani li balimaama kubima nni, ama yaali n baadi kelima li *dandanli Kilisiti nni yaa po. Li tie yaa moamoansaali n ñani U Tienu kani ki ŋua leni li dandanli.

Kolosi 3:11

Laa tagipaanu nni mi gagidima ki go ye bi nilanba leni Jufinba siiga, a junga leni a jifola siiga, yaaba n cogi leni yaaba n kaa cogi siiga, i yonbi leni yaaba n die bi yula siiga. Ama Kilisiti n tie likuli, ki go ye bikuli nni.

Jaki 2:23

Yeni i Diani n yedi yaala tieni: «Abalahama den daani U Tienu ke U Tienu den coadi opo la ke li tie *teginma.» Bi den yi o U Tienu danli.