LOMA YAABA 2:5 - Gourmanchéma Bible

⁵ Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

U TIENU MAAMA TILI 2013

⁵ Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.

LOMA YAABA 2:5 ပူးပေါင်းရင်းမြစ်များ

2 Bi Badiba Jama 30:8

Moala yin da juagi mani yi tuli nani yi yaajanba yeni. Yaa fangi mani Li Miali Diedo, ki lebidi ki guani o diegu kani, wan den gagidi ki ŋanbi yaagu yaa yogunu kuli po, ki yaa tuuni Li Miali Diedo yi Tienu po, ke o pabienli yaali n nani mi fantama yeni n da jiidi yipo.

2 Bi Badiba Jama 36:13

O den fiini mi yiema baa o bado Nebukanesa po, yua n den cedi ke o poli hali U Tienu po. O den sieni o tulu, ki juagi o pali, kaa bua ki lebidi ki guani Li Miali Diedo Isalele yaaba Tienu kani.

Jobi 21:30

Mi yebiadima daali yua n tiendi mi biadima baa cia. U Tienu pabiencianli daali mo, liba kan nandi o.

Pisomi 110:5

O Diedo ye leni a jienu, O pabienli daali, o baa ŋma ki midi bi badiba.

Pisomi 95:8

Yin da juagi yi pala nani Meliba kani, Nani yin den ye Masa kani yaa daali, Mi fanpienma nni yeni.

Mi Ñama 14:17

N mo baa teni Ejipiti yaaba pala n juagi, ban ŋoadi ba mi ñima nni. Falono leni o toatieba, leni o teliti, leni o tandanba baa teni n kpiagidi n gedi foagima.

Mi Ñama 32:34

Ŋan gedi moala ki ban ciani ku niligu min den waani a naankani. Diidi ki le n maleki baa kua a liiga ki yaa ciagi a. Ama n pantuuli daali yaa cua n baa guani ba bi tuonbiadi panpaani ki tundi ba tundifala bi tuonbiadi po.»

Mi Ñama 8:15

Bi ñoagidanba den yedi Falono: «Li tie U Tienu yaa nuu yo.» Falono pali den juagi ke waa den cengi Musa leni Alono maama nani Li Miali Diedo n den yedi maama.

Mi Kpanjama 1:18

Bani mo, bi dia bi yula yo ti diadi, bi janbi goa ki baa bipo.

Mi Kpanjama 11:4

Li pabienli daali, mi piama ki tie pu kuli. Ama mi *teginma faabidi o nilo mi kuuma nni.

Mi Kpanjama 28:14

Li pamanli ye leni yua n ye leni li fangili yogunu kuli! Ama yua n juagi o pali wani fala baa nandi o.

Mi Kpanjama 29:1

Ban tundi yua ke o yiedi yogunu kuli, Bi baa ti pua ki mudi o yenme ke laa pia ñoagu.

O Yanfuodaano 12:14

U Tienu baa bu ti bontienkaala kuli, baa yaala n wuo, li yaa ŋani leni li yaa bia kuli.

Esayi 48:4

Ama nani min bani ke yi tie nipaaba Ke yi tuli mo tie nani i kudopandi Ke yi yutuna mo tie nani ti kumoandi yeni,

Jeremi 40:3

Li Miali Diedo teni ke wan den maadi yaala yaa maama cua. O tieni wan den yedi yaala kelima yi tieni ti*tuonbiadi, Li Miali Diedo po ki naa cengi o maama. Lani n teni wan den yedi yaala kuli nandi yi.

Esekieli 11:19

N baa pa ba payenli. N baa kuani bi niinni yantiayenli, N baa ñani bi pali yaali n juagi nani li tanli yeni, Ki pa ba yaa pali n dingi,

Esekieli 3:7

Ama bani Isalele yaaba, bi kan cengi a kelima baa bua ki cengi nni. Bi tuli pa ke bi pala mo juagi.

Danieli 5:20

Ama wan den fiini o yuli ki juagi o pali ki cuoni leni ti japaadi yaa yogunu, bi den ga o bali, ki fie o kpiagidi.

Ose Tili 13:12

Efilayima buolu yaaba tagili bili Nani ban diani yaala li tili nni ki bili, Bi ci kan bodi.

Amosi 3:10

Li Miali Diedo yedi: «Samali yaaba ki bani ki tieni yaala n tiegi. Bi dogindi bi dieŋama nni ban tiendi u paalu ki fenli yaala.»

LOMA YAABA 1:18

U Tienu pabienli doagidi tanpoli po, ki baa cuo yaaba n yie o ki tiendi yaala n ki tiegi kuli, bani yaaba n moandi ki ñii i moamoani leni bi biadima.

LOMA YAABA 11:25

N kpiiba, mii bua yaa bondoaginkaala n tie na n yaa boani yi, ke yin da nua yi yula ke yi tie yanfodanba. Laa bondoaginkaala tie ke Isalele buolu siiga bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 9:22

U Tienu mo den bua ki doagidi o pabienli ki teni bi niba n bandi o paalu. Lani yaa po o den juuni ke li waagi leni yaa niba n tie nani yaa tiadi n tie li tuonfanli po, bani yaaba n den pundi U Tienu n cuo ba ki bolini ba.

2 Korenti 5:10

Kelima li tie tiladi ke tikuli n sedi Kilisiti bujiakaanu kani, ke yua kuli n ga wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Mi Tiadima 2:30

Ama Hesiboni bado Sihoni naa den bua ki tuo tin tagini o kani, kelima Li Miali Diedo yi Tienu n teni ke o yantiali paagi ki juagi o pali mo ki ŋa o yi nuu nni nani yin nua maama dinla yeni.

Mi Tiadima 32:34

Naani lani kuli ki wuo n yaa kani Ki luo ki bili n ŋalimankaanu kaa?

2 Tesaloniki 1:5

Likuli tie siedi ke U Tienu buudi tiegi. O sua ke yi dagidi *U Tienu diema po, yin laadi fala yaama yaa po moala na yeni.

Hebilunba 3:13

Ama hali tin da ye i Diani n yini yaa yogunu: «Dinla» yeni, tin yaa paagidi tiyaba pala, ki da tuo ti *tuonbiadi boandi n juagi ti pala.

Hebilunba 3:15

Nani lan yedi moala na maama: «Dinla, yi yaa gbadi o nialu, Yin da juagi mani yi pala Nani yi yiema yogunu yeni.»

Hebilunba 4:7

Lani yaa po U Tienu go bili datoali, ki yi li: «Dinla.» Li waagi ke o den ti maadi li maama Dafidi ñoabu nni, nani lan kpa yedi maama: «Dinla, yi yaa gbadi o nialu, Yin da juagi mani yi pala.»

Jaki 5:3

I tantonmoani biidi yi wula leni yi ŋanjilifa. I tantonmoani yeni baa fii ki sedi yipo ki kuli yi, ki bolini yi gbanandi nani mi fantama yeni. Yi dogini dogini yi ŋalimani a juodidana na niinni.

Josue 11:20

Kelima Li Miali Diedo den teni ke bi juagi bi pala ki tuogi leni Isalele yaaba bu toabu, ke bani Isalele yaaba n kpa ba ki bolini ba cain, kaa gbadi bipo niñima, nani Li Miali Diedo n den waani Musa maama.

2 Pieri 2:9

Lankuli yaa po ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi ki faligi ba ti buudi daali.

2 Pieri 3:7

U Tienu maama yeni baa kubi yaa tanpoli leni yaa tinga n ye moala, ki sieni la mi fantama po hali ti buudi daali leni U Tienu yiekaaba bolinma daali.

Jude 1:6

Yaa malekinba n naa den kubi ban pia yaa bali, ki ŋa bi yekaanu, U Tienu kpaa ba yaa kpaadi n baa ye hali yaa yogunu kuli, ki kubi ba li *biigili nni hali li bujiali cuonu dacianli n cua.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 6:17

Kelima bi pabienli dacianli pundi. Ŋme n baa fidi ki yaa ye?»

1 Samueli 6:6

Be yaa po ke yi baa juagi yi pala nani Ejipiti yaaba leni *Falono n den juagi bi pala maama yeni? U Tienu ki den soani o buudi bikani te? Laa yogunu baa den cabi Isalele yaaba ki cedi ke bi ñani?