LOMA YAABA 2:4 - Gourmanchéma Bible

⁴ Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo?

U TIENU MAAMA TILI 2013

⁴ Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

LOMA YAABA 2:4 ပူးပေါင်းရင်းမြစ်များ

Pisomi 10:11

O tua o pali nni: «U Tienu sundi! O buli o nunga ki kan faami lipo hali abada.»

Pisomi 104:24

Li Miali Diedo, a tuonli yaba boncianla, A soani li leni yanfocianma. Ki tinga gbie leni fini n tagi yaale.

Pisomi 31:19

Teni yaa ñoana n pua mi faama yeni kuli n muu. Ŋani, ya n maadi leni ti japaadi Ki sugidi o niteginka ki go fali o.

Pisomi 78:38

Ama wani yua n pia mi niñingbadima Den puuni ba sugili bi tagili po, Ki naa bolindi ba. Yoguni boncianla o den yen ñiigi o pali ki tiendi li juunli.

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Mi Ñama 34:6

Li Miali Diedo den pendi Musa nintuali ki kpaani ki yedi: «Li Miali Diedo, Li Miali Diedo mi niñima Tienu, yua n tiendi mi ŋanma ke o pali mo ki be tontoni. O *ŋanbili leni o dugidi mo kandi.

O Yanfuodaano 8:11

Yua n tiendi yaala n bia naa yen ga li panpaani lanyogunu-lanyogunu. Lani n teni ke bi nisaaliba bua ki yaa tiendi yaala n bia.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Jeremi 7:10

Yi yen cua ki sedi n nintuali ku naa diegu nni Ban kpiagidi n yeli naankani, ki yedi: ‹Ti baa mi *faabima!› Ama ki nan yuandi ki soani a naa tuongunda kuli.

Esekieli 11:19

N baa pa ba payenli. N baa kuani bi niinni yantiayenli, N baa ñani bi pali yaali n juagi nani li tanli yeni, Ki pa ba yaa pali n dingi,

Esekieli 16:63

Lanwani a baa tiadi yaala n den tieni puoli po, i fe baa co ŋa ke a kan go tuo ki yaadi a ñoabu. Ama n baa tieni apo sugili leni ŋan den tieni yaa biadima kuli. Mini o Diedo Li Miali Diedo n yedi yeni.»

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Jonasi 4:2

ke o mia Li Miali Diedo ki yedi: «Li Miali Diedo, hali min den ye n diema nni min den li jie yaala kaa nne. N den bani ke a tie yaa Tienu n juogidi, ki gba mi niñima, ki pia li juunli leni li *ŋanbili. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo ke n den tiini ki caa Talisisi.

Mi Coadima 14:18

‹Mini Li Miali Diedo pali ki fiidi tontoni, ama n pia li *ŋanbili boncianla, ki puuni sugili ti *tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi hali nifiima taa bi nifiima naa.›

LOMA YAABA 10:12

Lanwani mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

LOMA YAABA 11:22

Lani yaa po ŋan kpaagi U Tienu ŋanbili leni o mabinli po. O den mabini yaaba n den baa, ki ŋanbi a yaa po, ama se ŋan yaa ye o ŋanbili nni, yaaka o baa jia ki ñani a moko.

LOMA YAABA 11:33

U Tienu ŋalimani yaba, o banma leni o yanfuoma yaba ki ñua ki pendi bi nisaaliba bandima kuli. O yanjaga pendi bi nisaaliba n fidi ki kpaagi yaala. Baa fidi ki bandi yaala yaa po ke o tieni wan tiendi yaala.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba tipo.

LOMA YAABA 6:1

Lanwani ti baa yedi lede? Naani tin suagi ki yaa tiendi ti *tuonbiadi ke U Tienu *ŋanbili n yaa dua tipo bi?

LOMA YAABA 6:15

Lanwani ti baa yedi lede? Moala ke U Tienu balimaama ki go die ti, ama o ŋanbili n di die ti, ti go baa tiendi ti tuonbiadi bi? Kalam.

2 Korenti 8:2

Baa ke bi den laa fala hali boncianla kelima yaa biigima n den kpendi bikani yaa po, bi pamankandikaali po bi den puni mi todima leni ti bulicindi baa leni bi luobiadima.

Efesa 1:18

N go miadi o ke wan yendi yi yantiana nuni ke yin fidi ki bandi yaa suginma n tuugi leni o yiinu, leni wan bili o nigagidiŋanba po yaa ŋalimani ke i pia ti kpiagidi.

Efesa 1:7

Ti baa mi *daafaabima o niinni kelima o soama po, leni ti*tuonbiadi sugili nani o ŋanbili n yaba maama po.

Efesa 2:4

Ama U Tienu niñingbadima yaba, o bua ti hali boncianla.

Efesa 2:7

O den tieni lankuli ki baa doagidi o ŋanbili n yaba kaa pia bianu maama hali yaa yogini n baa ti cua, kelima o ŋanma tipo Jesu Kilisiti nni.

Efesa 3:16

N miadi wani U Tienu wan pa yi nani o kpiagidi ŋalimano n yaba maama ke o Fuoma n yaa tuuni yi niinni leni u paaciamu ki teni yin yaa pa hali yi pala tugu nni,

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili ki baa wangi bi nilanba o Laabaaliŋamo, yua n doagidi Kilisiti n pia yaa ŋalimani n yaba hali ke li kandi maama.

Filipi 4:19

N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani ki pia ti kpiagidi ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia mi suginma ke yi baa taani ki baa U Tienu kpiagidi.

Kolosi 2:2

N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi ke yin bandi yin dugi yaala yaa po cain. Li go tie ke yin bandi U Tienu *bondoaginkaala, lani n tie Kilisiti.

1 Timote 1:16

Ama o den gbadi npo mi niñima line yaa po: Jesu Kilisiti cili ki doagidi o juunli mini yaa kani, ke min tua li bontogidikaala yaaba n baa daani o ki baa yaa miali n kan gbeni kuli yaa po.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

1 Pieri 3:20

Hali yogu bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Bi niba waamu, lan tie niba nii, yaaba n den kua ku ñinbiaciangu yeni niinni ki faabi leni mi ñima.

2 Pieri 1:11

Yeni, yi baa baa U Tienu n luodi ki yaani yipo ti Diedo leni ti Candaano Jesu Kilisiti diema yaama n kan pendi hali abada yaa niinni.

2 Pieri 3:15

Yin yaa nua mani ke ti Diedo n pia yaa juunli tie yi *tindima po, nani ti kpibuado Polo moko n den diani yipo maama ki ŋua U Tienu n den puni o yaa yanfuoma.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

2 Pieri 3:9

O Diedo baa kuani o ñoanianu li kan waagi, baa ke bi nitianba nua ke o waagidi. Li tie ke o pia yipo li juunle, kelima waa bua baa niyendo n bodi, ama ke bi niba kuli n lebidi bi yama.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 3:20

Diidi, n se bu buliñoabu kani ki tua: Gafala! O nilo yaa gbadi n nialu ki luodi npo bu buliñoabu kuli, n baa kua o deni ki je leni o, o mo n je leni nni.