LOMA YAABA 2:3 - Gourmanchéma Bible

³ Naani a tama ke fini yua n ja ti buudi leni yaaba n tiendi laa bonbuolu, ki nan tiendi la fini aba yeni ke a baa cia U Tienu bujiali po bi?

U TIENU MAAMA TILI 2013

³ Naani a tama ke fini yua n ja yaaba n tiendi laa bonbuolu buudi, ki nan tiendi la fini a ba yeni, ke a baa cia U Tienu bujiale?

LOMA YAABA 2:3 ပူးပေါင်းရင်းမြစ်များ

2 Samueli 10:3

Amoni buolu yaaba koanbala den yedi bi canbaa Anuni: «A tama ke Dafidi bua ki kpiagi a baa yo ki soani o naacenba ban baagi a? Laa tie ke ban gaani u dogu nni ki bandi u, ki yuandi ki bolini u ka ke o soani o naacenba a kani?»

Jobi 35:2

«Naani a tama ke a se a moamoani nne? Naani a baa fidi ki yedi: ‹N *teginma ye U Tienu nii nne?›

Pisomi 50:21

Diidi ŋan tieni yaala, ke n ŋmini. A tama ke n tie nani fini yene. Ama n baa fu leni a, Ki doagidi a nintuali a tagili kuli.»

Pisomi 56:7

Bi wuo ki diidi ki kpaagi min tiendi yaala kuli po. Bi diidi n fuuli bonŋanla, Kelima bi bua ki ñani n miali.

Mi Kpanjama 11:21

Bi kan cedi o nibiado fanma. Ama bi niteginkaaba puoliŋuani baa faabi.

Mi Kpanjama 16:5

Li Miali Diedo pali fa ba japaadanba po, O kan cedi bi fanma.

Esekieli 17:15

Ama o badipaano den fiini mi yiema opo, ki den soani o tonda Ejipiti diema po, ban todi o i taami leni bi toatieba boncianla. Naani yua n tieni laa bonla baa fidi ki sani ki cia? Naani wan biidi o ŋantaado yeni, o go baa sani ki cia?»

Esekieli 17:18

Waa den kubi li poli, ki nan fidi wan den kuani yaa ŋantaado, nani wan den tuo ki nan go tieni laa bonla yeni, o kan sani ki cia!»

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Matie 23:33

Yinba, i we, u waalabi-buolu na, yi baa tieni lede ki sani ki faabi leni ku fantanbuogu cuonu?

Matie 26:53

Naani a tama ke mii pia sanu ki mia n Baa moala moala bi? O baa pa nni yaa malekinba n yaba ki cie piiga n toagola lie.

Luki 12:14

Jesu den goa ki yedi o: «N danli, ŋme dini nni li bali ke min jia yipo yi maama, bi ki boagidi yi faali?»

Luki 22:58

Lan yen waamu, nitoa den laa o ki yedi: «A moko tie bi niba yeni siiga yua yo.» Pieli den goa ki yedi: «A-a, mii tie.»

Luki 22:60

Pieli den goa ki yedi o: «A-a, mii bani ŋan maadi yaala.» Lanyogunu hali ke o da maadi, ku kootongu den mua.

LOMA YAABA 1:32

Baa ke bi bani U Tienu mabilikaama yaama n tiegi ki yedi ke li pundi ke yaaba n tieni laa bonbiadi buolu n kpe. Ama bi tiendi la bani biba, ki go saagi yaaba n tiendi yeni po i moamoani.

LOMA YAABA 2:1

Fini, ŋan tie yua kuli, ki ja a lielo ti buudi, a kan baa ŋan baa tabi yaala ki ga a yuli. Kelima ŋan ja ti buudi leni nitoaba yeni a cuo a yuli, kelima a moko tiendi nani bani yeni.

LOMA YAABA 2:2

Ti bani ke U Tienu buudi yaaba n tieni laa bonbuolu po tie i moamoani.

LOMA YAABA 9:20

Fini o nisaalo, a tie ŋme ki baa nia leni U Tienu? Naani ban maa yaa tiagu baa yedi yua n maa gu: «Be yaa po ke a maa nni nanda?»

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.

Hebilunba 12:25

Fangi mani yi yula ki da yie ke yi kan cengi yua n maadi leni yi moala. Kelima yaaba n den yie kaa cengi yua n soagindi ba U Tienu maama ŋanduna nni naa den fidi ki sani ki cia. Lanwani ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Hebilunba 2:3

Lanwani ti yaa fangi laa tindicianma, o Diedo wani oba n den kpa waani ti yaama yaa maama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni mo den tieni tipo siedi ke mi tie moamoani.