LOMA YAABA 2:16 - Gourmanchéma Bible

¹⁶ Lani n baa doagidi U Tienu n baa teni Jesu Kilisiti n jia ti buudi leni bi nisaaliba n wuoni yaala kuli yaa daali. Min wangi yaa Laabaali;namo moko yedi ke li baa tie yeni.

U TIENU MAAMA TILI 2013

¹⁶ Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

LOMA YAABA 2:16 ပူးပေါင်းရင်းမြစ်များ

Mi cilima 18:25

Ki teni o niteginka n kpe leni o nibiado ke o niteginka n tua yenma leni o nibiado, laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Pisomi 50:6

Tanpoli baa kpaani o *teginma Kelima U Tienu n tie o bujialo. *Joma

Pisomi 96:13

Li Miali Diedo nintuali, kelima o kpendi. O kpendi ki baa jia ti buudi ki tinga nni. O baa jia li ŋandunli yaa buudi n tiegi, Ki jia i nilanbuoli buudi mo nani o teginma n tie maama.

Pisomi 98:9

Li Miali Diedo nintuali, kelima o kpendi Ki baa jia ti buudi leni ki tinga. O baa jia li ŋandunli buudi leni mi teginma, Ki jia i nibuoli buudi lan dagidi.

O Yanfuodaano 11:9

Fini o jawaalo, ŋan mangi a pali a jawaama yogunu, yaa ye yemanma a panma dana nni. Ŋan tieni a pali n bua yaala kuli, yaala n mani a kuli ŋan tieni la. Ama ŋan yaa bani ke U Tienu baa ti bu leni a bontienkaala kuli po.

O Yanfuodaano 12:14

U Tienu baa bu ti bontienkaala kuli, baa yaala n wuo, li yaa ŋani leni li yaa bia kuli.

O Yanfuodaano 3:17

N den yedi n pali nni: U Tienu baa bu leni yua n tiegi, ki go bu leni yua n bia mo, kelima bonla kuli pia li yogunu, bi baa jia ti buudi leni bontienkaala kuli mo.

Matie 16:27

Kelima o Ja Bijua baa ti cua leni o Baa kpiagidi ki yegi leni n malekinba. Laa yogunu o baa guani yua kuli nani o tuona n tie maama.

Luki 8:17

Liba kuli ki ye ki wuo ki kan wuodi. Liba kuli ki ye ki duagi ki kan doagidi bi niba n bandi.

Jan n diani U Tienu Laabaaliŋamo maama 12:48

Yua n yie nni kaa ga n maama kuli, pia o bujialo. Min den maadi yaa maama yeni, mani n baa bu leni o li juodidaali.

Jesu Tondiba Tuona 10:42

Wani Jesu den puogi ti ke tin yaa wangi bi niba o Laabaaliŋamo, ki yaa tiendi siedi ke U Tienu dini wani Jesu li bali ke wan yaa tie o bujialo yaa niba n fo leni bi tinkpiba kuli po.

Jesu Tondiba Tuona 17:31

Kelima wani U Tienu bili ti buudi daali, wan baa bu leni ŋanduna yaaba kuli yaa daali leni mi *teginma. O gandi o nilo ki bili ke o baa jia laa buudi. O saa i moamoani ke li baa tieni yeni leni wan fiini laa nilo bi tinkpiba siiga yeni.»

LOMA YAABA 16:25

Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

LOMA YAABA 2:5

Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

LOMA YAABA 3:6

Yeni ka. U Tienu yaa tiegi, o baa ga lede ki jia ti buudi leni ŋanduna?

1 Korenti 15:1

N kpiiba n bua ki go tiadi yi min den kpa waani yi yaa Laabaaliŋamo, yin den ga yua, ki se lienni bonŋanla.

1 Korenti 4:5

Lani yaa po yin da ja ti buudi liba kuli po hali ke li yogunu daa pundi. Yaa gu mani o Diedo cuama, wani yua n baa yendi yaala n wuo li*biigili nni, ki go doagidi yaala n den wuo a pala nni. Laa yogunu nilo kuli baa baa U Tienu kani lan pundi wan baa yaa pagidi.

2 Korenti 5:10

Kelima li tie tiladi ke tikuli n sedi Kilisiti bujiakaanu kani, ke yua kuli n ga wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Galati 1:11

N kpiiba, n kadi ki waani yi ke min den waani yi yaa Laabaaliŋamo ki ñani bi nisaaliba kani ka.

1 Timote 1:11

Laa bangiŋanma ŋua o Laabaaliŋamo, U Tienu yua n pundi ki yaa baadi ti kpiagidi ki go pia mi yemanmoanma n piani nni yua.

2 Timote 2:8

Ŋan yaa tiani Jesu Kilisiti po, yua n den fii bi tinkpiba siiga, wani yua n tie Dafidi puoliŋuanu nani min wangi yaa Laabaaliŋamo n yedi maama.

2 Timote 4:1

N teni a yaa ñoabonli n tie na U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

2 Timote 4:8

Baa moala bi bili npo mi *teginma badifogiliga, o Diedo yua n tie o bujiateginka n baa pa nni yaaga o goacuama daali. O kan pa mini n bebe ka, ama yaaba n den bua o goacuama kuli.

Hebilunba 9:27

Nani lan bili nisaalo kuli po ke o baa kpe yenma maama, lan yaa pendi ti buudi n cua.

1 Pieri 4:5

Ama bi baa togidi bi tuona kuli wani yua n bogini ki baa jia ti buudi leni yaaba n fo leni yaaba n kpe kuli.

2 Pieri 2:9

Lankuli yaa po ti laa ke o Diedo bani ki faabi yaaba n fangi o leni mi biigima, ki go bani ki sieni yaaba n ki tiegi ki faligi ba ti buudi daali.