LOMA YAABA 16:8 - Gourmanchéma Bible

⁸ Yin fuondi mani Anpiliatusa wani yua n tie n buado o Diedo nni.

U TIENU MAAMA TILI 2013

⁸ Yin fuondi Anpiliatusi wani yua n tie n buado o Diedo nni.

LOMA YAABA 16:8 ပူးပေါင်းရင်းမြစ်များ

Matie 5:47

Yi yaa fuondi yi kpiiba bebe, yi tieni be ke li pia mi paadima? Baa bi nilanba wani ki tiendi yeni ka yoo?

LOMA YAABA 16:5

Yin fuondi Kilisiti n yini yaaba yaaba n taagi bi yaa diegu nni moko. Yin fuondi mani n buado Epayineta, yua n den kpa daani Jesu Asi diema nni, ki tie wani Kilisiti bonluonka-kpiala likani.

LOMA YAABA 16:7

Yin fuondi mani n kpiiba Andonikusa leni Juniasa, mini leni yaaba n den taani ki ye li kpaadidieli nni. Jesu tondiba siiga bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 16:9

Yin fuondi mani Ulibana, ti tuonsoanlielo Kilisiti nni, leni n buado Sitakisa.

Filipi 4:1

Lanwani n kpiiba n buakaaba, min bua ki go le yaaba hali bonŋanla, yinba yaaba n tie n pamanli leni n kpiagidi, yin yaa se mani ke li pa o Diedo nni yinba n buakaaba.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n kaa pia mi buama da ye mi kuuma nni.