LOMA YAABA 14:2 - Gourmanchéma Bible

² One tama ke o pia u sanu ki yaa di lan tie yaala kuli, one, yua n tadi li dandanli nni, cedi ti nandi ki ŋmani ti kpinfaadi bebe.

U TIENU MAAMA TILI 2013

² One tama ke o pia u sanu ki yaa di lan tie yaala kuli. One mo, yua n tadi li dandanli nni, cedi ti nandi ki ŋmani ti kpinfaadi bebe.

LOMA YAABA 14:2 ပူးပေါင်းရင်းမြစ်များ

Mi cilima 1:29

U Tienu den yedi: «N puni yi yaa moabuolu n luoni kuli ki pia i bonbi ki ye u tingbanu po kuli leni yaa tibuolu n luoni kuli ki pia i bonbi, lankuli n tua yi bonjekaala.

Mi cilima 9:3

Yaala n fo ki pia miali kuli n puni la lan tua yipo jiema nani min puni yi yaala n pudi ki tinga nni kuli maama yeni.

Mi Kpanjama 15:17

A yaa ŋmani faadi mi buama n ye naani, Li cie ŋan yaa ŋmani naawubido ki nanga n ye naani.

Danieli 1:12

«Canbaa, n mia ŋa ŋan biigi ti dana piiga, ki yaa tendi ti ti kpinfaadi tin yaa di, leni mi ñima tin yaa ñu.

Danieli 1:16

Lani yaa po yua n den kubi ba yeni den suagi liiga ki tendi ba ti kpinfaadi ki cedi o bado yaa jiema.

LOMA YAABA 14:1

Yaa gaani mani yua n tadi li *dandanli nni ki da nia leni o wan tama yaala po.

LOMA YAABA 14:14

N daani ki go bani cain o Diedo Jesu nni ke liba kuli ki *joagini li yuli po. Ama o nilo yaa nua ke bonlaba joagini, li joagini laa nilo yaa po.

LOMA YAABA 14:20

Ŋan da biidi U Tienu tuonli kelima mi jiema po. Moamoani mi jiema kuli ŋani, ama o nilo yaa dini yaa jiema n baa tua o kpiilo po tantuudikaali o pia lipo i tagili.

LOMA YAABA 15:1

Li pundi ke tinba yaaba n pa U Tienu sanŋoadima nni n juuni leni yaaba n tadi lienni, ki yaa todi ba bi tadingu nni, ki da lingi yaala n mani tinba bebe yaa po.

1 Korenti 10:25

Yi pia u sanu ki ŋmani yaa nandi n kuadi ki daaga nni kuli, ki da tuo yi pali siedi n yaa bangi liba kuli po,

1 Korenti 8:9

Ama yin fangi mani yi yula ke yin pia u sanu ki tieni yaala n da tua tantuudikaali yaaba n tadi yaa po.

1 Korenti 9:22

N yaa ye yaaba n tadi U Tienu sanŋoadima nni siiga, n tie nani yua n tadi yeni, ke min fidi ki gobidi ki cuani baa o Diedo kani. N moandi yeni li bonla kuli nni ki yaa tie nani bi niba kuli n tie maama, ke lan tie yaala kuli nni min fidi ki faabi bi nitianba.

Galati 2:12

Wan den kpa cua, o den taagi ki di leni yaaba n ki tie Jufinba. Ama Jaka n soani yaaba n den cua, o den cili ki sengi ti kpiiba yaaba n ki tie Jufinba, kaa go taani leni ba, kelima o den jie yaaba n yedi ke Jufinba koanciagu tie tiladi.

1 Timote 4:4

Kelima U Tienu tagima kuli ŋani, laa pundi o nilo n fali jiemaba kuli, wan je ki tuondi U Tienu mipo,

Titi 1:15

Li bonla kuli ŋani cain yaaba n ŋani cain po. Ama liba kuli ki ŋani cain yaaba n *joagini po, bani yaaba n kaa daani yeni po kelima bi yantiali leni bi pala siedi kuli joagini.

Hebilunba 13:9

Yin da tuo bangitoama yaama n tie bangicanma n cuo yi yama kelima li ŋani ke li *ŋanbili n yaa paagidi o nilo pali, ke lan da tie yaa mabilikaama n maadi mi jiema po ka. Yaaba n ŋua laa mabilikaama buolu naa baadi todimaba lipo.

Hebilunba 9:10

Laa ñoabona kuli den tuugi leni mi jiema leni li bonñokaala, leni mi waliŋanbima buoli kuli, yaama n baa ye hali mi lebidima yogunu n baa cua.