LOMA YAABA 13:11 - Gourmanchéma Bible

¹¹ Yin yaa tiendi mani yeni ki cie kelima yi bani tin ye yaa yogunu. Li tie yin di baa fundi yi guama nni yaa yogunu, kelima mi *tindima yogunu nagini moala ki cie tin den daani yaa yogunu.

U TIENU MAAMA TILI 2013

¹¹ Moala u yogunu pundi ke yin fundi yi guama nni, kelima mi faabima yogunu nagini moala ki cie tin den daani yaa yogunu.

LOMA YAABA 13:11 ပူးပေါင်းရင်းမြစ်များ

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi bandima, bi yanfuoma naa ye bi tinkpiba yekaanu ŋan caa yu yaa po yeni niinni.

Jonasi 1:6

Ku ñinbiaciangu yudaano den nagini o kani ki yedi o: «Be yaa po ke a goa? Fii ki mia amo yaa bulo. Daalinba o baa tiadi tipo ki teni tin da bia.»

Matie 16:3

Ku tiŋaagu mo yi yen yedi: ‹Ki taaga baa mii dinla, kelima tanpoli moandi ki biigidi.› Yi bani ki diidi tanpoli sinankeeninba ki bundi lan yedi yaala, ama yii bani ki diidi yaa sinankeeninba n tiendi n bua ki yedi yaala.

Luki 21:28

Laa bonla yaa cili ki tiendi, yin sedi mani ki yaadi yi yula kelima yi *faabima nagidi.»

1 Korenti 10:11

Laa bonla kuli den baa bipo ki baa tie bi niba kuli po li bonbangikaala. U Tienu den teni ke likuli diani ki baa tie tipo i tundi, tinba yaaba n ye ŋanduna juodima dana siiga.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni ke i fe n cuo yi lipo.

Efesa 5:14

Lani yaa po ke li yedi: «Ŋan fundi, fini yua n goa, Ŋan fii bi tinkpiba siiga. Kilisiti baa yendi apo.»

Jaki 5:8

Yi moko n juuni ki paagi yi pala, kelima o Diedo cuama nagini.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.

2 Pieri 3:9

O Diedo baa kuani o ñoanianu li kan waagi, baa ke bi nitianba nua ke o waagidi. Li tie ke o pia yipo li juunle, kelima waa bua baa niyendo n bodi, ama ke bi niba kuli n lebidi bi yama.

1 Jan 2:18

Yinba a biwaala, mi juodima yogunu nagini. Yi gbadi ke*Kilisiti-yieka baa cua. To, baa moala Kilisiti-yiekaaba ye boncianla. Lani yaa po ti bani ke mi juodima yogunu nagini.

Mi Doagidima 1:3

Li pamanli ye leni yua n cogi leni yaaba n cengi sawali maama ki kubi yaama n diani mi niinni kuli. Kelima li yogunu ku.

Mi Doagidima 22:10

Lani maleki yeni den yedi nni: «Ŋan da wuoni li naa tili sawalipua-maama kelima li yogunu kuli.

Mi Doagidima 22:12

Jesu yedi: «Diidi, n cuama kan go waagi. N baa cua leni n panpaani ki pa yua kuli nani o tuona n tie maama.

Mi Doagidima 22:20

Yua n saa i moamoani yaa bonla n tie na po yedi: «Yeni de, n cuama kan waagi.» Amina, ŋan cua, o Diedo Jesu.