LOMA YAABA 13:1 - Gourmanchéma Bible

¹ Nilo kuli n tuo ki yaa ŋua mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli.

U TIENU MAAMA TILI 2013

¹ Nilo kuli n tuo mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli.

LOMA YAABA 13:1 ပူးပေါင်းရင်းမြစ်များ

Pisomi 62:11

Da dugi mani ku tugumoangu po! Da jigini mani i janbi! Yi piama yaa pugidi yin da kuani yi yama lienni.

Mi Kpanjama 24:21

N bijua, yaa fangi Li Miali Diedo leni o bado, Ŋan da sani ki taani leni yaaba n bua ki lebidi li bonla kuli.

Danieli 2:21

O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfodanba mi yanfuoma, Ki go puuni mi banma danba mi bandima

Danieli 4:17

A den laa yaa tibu n yaba ki pa ke bu joma pundi hali tanpoli, ke baa yua n den ye u tinbianu baa yaa nua bu.

Danieli 4:32

Ki tinga kuli niba buli ki tie opo pu. O tiendi tanpoli yaaba leni ŋanduna yaaba kuli wan bua yaala. Oba kuli ki ye yua n baa fidi ki yie opo ke o kan tieni wan bua yaala, yaaka ki buali o: ‹A tiendi be nne?›

Matie 6:13

Da tuo tin baa mi tulinma nni. Ama ŋan ga ti o *Biado kani. [Kelima fini n die li bali, leni u paaciamu, Leni ti kpiagidi hali yaa yogunu kuli. Amina.]

Jan n diani U Tienu Laabaaliŋamo maama 19:11

Jesu den goa ki yedi o: «A kan baa npo baliba, bi yaa den puni a li tanpoli po. Li tie lani yaa po ke yua n den cuo nni ki teni a pia i tagili ki cie fini.»

Jesu Tondiba Tuona 2:41

Bi den batisi yaaba n den ga o maama. Laa daali yaaba n den pugini bi ŋoadikaaba po den bua ki pundi niba tudataa (3 000).

LOMA YAABA 12:21

Ŋan da tuo ke mi biadima n paadi a, ama ŋan paadi mi biadima kelima mi ŋanma tienma po.

LOMA YAABA 13:2

Lanwani yua n yie li bali danba maama yie U Tienu ñoabonli, yaaba n yie ma baa cuani bi yula po u cuonu.

Efesa 5:21

Yin yaa miindi mani yi yula yiyaba kani kelima yin pia Kilisiti po yaa fangili yaa po.

Mi Tiadima 17:12

Yaa nilo n baa tieni la leni ti japaadi ki naa cengi o kopadiciamo yua n ye likani ki tuuni Li Miali Diedo yi Tienu po, bi ki naa cengi o bujiaba yedima, laa nilo baa kpe. A baa tieni yeni ki ñani li bonbiadila Isalele yaaba siiga.

1 Timote 2:2

leni bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

Titi 3:1

Ŋan yaa tiadi ba ke ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Jude 1:8

Baa yeni, laa jaba yaa yanmaalima n cuo ba maama po teni ke bi cagini bi yula, ki fali U Tienu bali, ki sugidi o malekinba yaaba n pia ti kpiagidi.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.

1 Samueli 2:8

O fiindi o niñinnilo ki ñandi o ku tangbangu nni. Ki fiindi o luodo ki ñandi o ti baadi nni, Ki tendi ke bi taagi ki kaa leni a nikpiaga ti kpiagidi kaanu. Li Miali Diedo n die ki tinga benjieli kuli, Ki teni ke ki maa yi yaa po.